شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا
11 - ايدىڭ 13 - كۇنى ناۋبايلار قاشقار قالاسىنىڭ نان مادەنيەتى كاسىپ باقشاسىنىڭ ءوندىرىس سەحىندا نان جابۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى وتكىر نيجات تۇسىرگەن
11 - ايدىڭ 13 - كۇنى تۇستەن بۇرىن، نانداشين اۋىل شارۋاشىلىعى جارنا شەكتى سەرىكتەستىگىنىڭ ءسۇت ونىمدەرىن قوراپتاۋ سەحىندا بىرنەشە قىزمەتكەر ءوندىرىس جەلىسىندە قاربالاس جۇمىس ىستەۋدە. ”قازىر سەرىكتەستىكتە 200 نەشە قىزمەتكەر جۇمىس ىستەيدى، كۇنىنە 60 توننا ءسۇت ونىمدەرىن ءوندىرىپ، كۇنىنە ءوندىرىپ، كۇنىنە ساتۋدى نەگىزىنەن ورىندادىق“، - دەدى اتاۋلى سەرىكتەستىكتىڭ اكىمشىلىك، كادرلار ءبولىمىنىڭ مەڭگەرۋشىسى ياڭ تاڭجۋان.
كونەءشار اۋدانىندا جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، قاشقار ايماعى اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتتى. ءارقايسى ونەركاسىپ كاسىپورىندارى ىندەتتەن ساقتانۋ شارالارىن ناقتى، ەگجەي - تەگجەيلى تياناقتاندىرۋ العى شارتىندا قالىپتى ءوندىرىس جۇرگىزدى، ورنىقتى اينالىم جاسادى.
ساناققا قاراعاندا، 11 - ايدىڭ 11 - كۇنىنە دەيىن قاشقار ايماعىندا جالپى 748 ونەركاسىپ كاسىپورنى جۇمىس باستاپ ءوندىرىس جۇرگىزگەن، جۇمىس ورنىنداعى قىزمەتكەرلەر 50 مىڭنان اسقان. 1 - ايدان 10 - ايعا دەيىن، بۇكىل ايماقتا كولەمدەنگەن ونەركاسىپ كاسىپورىندارى ونەركاسىپ ارتقان قۇنىن 3 ميلليارد 600 ميلليون يۋانعا جەتكىزدى، بۇل سايكەس مەزگىلدەگىدەن ％2.5 ارتتى.
”ءبىز اۆتونوميالى رايوننىڭ كۇز، قىس ماۋسىمدارىندا ىندەتتەن ساقتانۋ - تىزگىندەۋدى ويداعىداي ىستەۋگە قاتىستى تالاپتارى بويىنشا، توسىن تۋىلاتىن ىندەتكە توتەپ بەرىپ، ونەركاسىپ كاسىپورىندارىنىڭ جۇمىستى، ءوندىرىستى ورنىقتىرۋىن قامتاماسىز ەتۋىن باسقارۋ ءادىسىن جاساپ، كاسىپورىنداردىڭ ءوزىنىڭ جۇمىستى، ءوندىرىستى ورنىقتىرۋ قابىلەتىن كۇشەيتۋىنە جەتەكشىلىك ەتتىك“. قاشقار ايماقتىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى حۋاڭ ليدۇڭ بىلاي دەپ تانىستىردى: وسى رەت ىندەت تۋىلعاننان كەيىن، قاشقار ايماعىنداعى ءار دارەجەلى ونەركاسىپ جانە ينفورماتسيالاندىرۋ تاراۋلارى كاسىپورىنداردىڭ شيكىزاتتى جانە ونىمدەردى تاسىمالداۋ جاسىل ارناسىن ىركىلىسسىزدەندىرۋىنە كومەكتەسىپ، جۇمىستى، ءوندىرىستى ورنىقتىرۋ بويىنشا كومەكتەسۋ - سۇيەمەلدەۋدى ويداعىداي ىستەدى.
”ىندەت تۋىلعان كۇننىڭ ەرتەسى كاسىپكە جاۋاپتى تاراۋلار بىزبەن ىرىقتىلىقپەن بايلانىس جاساپ، اۆتوكولىك تاسىمالى قيىن بولۋ ماسەلەسىن شەشۋگە كومەكتەستى، بۇل جۇرەگىمىزدى جىلىتتى“، - دەدى ياڭ تاڭجۋان، - قاتىستى تاراۋلاردىڭ سايكەستىرۋىندە وسى كاسىپورىننىڭ جۇك اۆتوكولىكتەرى ىندەتتەن ساقتانۋ - تىزگىندەۋ كەزىندە قالىپتى قاتىناپ، شيكىزاتتى تاسىمالداۋعا جانە بازاردى دەر كەزىندە ونىمدەرمەن قامداۋعا كەپىلدىك ەتتى. كاسىپورىنداردىڭ اينالىم بارىسىندا ورىن تەپكەن باسقا دا قيىنشىلىقتارى مەن ماسەلەلەرىن قاتىستى تاراۋلار كوپ جاقتى سايكەستىرىپ دەر كەزىندە شەشتى. بيىل ىندەت تۋىلعاننان بەرى، وسى كاسىپورىننىڭ يگىلىكتەنگەن ءتۇرلى سالىقتى ازايتۋ، كەشىرىم ەتۋ جانە ساياساتتىق تولىقتاما قاراجاتتارى ءبىر ميلليون يۋانعا تايادى.
ۇن يلەۋ، ماتەريال دايىنداۋ، قالىپتاۋ، ناندى تونارعا جابۋ... 11 - ايدىڭ 13 - كۇنى تۇستەن كەيىن، قاشقار قالاسى نان مادەنيەتى كاسىپ باقشاسىنىڭ ءوندىرىس سەحىندا جۇمىس كيىمىن كيىپ، ماسكى تاققان ناۋبايلار قاربالاس جۇمىس ىستەۋدە، ەلەكترلى تونارلار قاز - قاتار تىزىلگەن، توناردان جاڭا عانا شىققان ناندار توناردىڭ جانىنا رەتتى قويىلىپ، ناننىڭ حوش ءيىسى مۇرىندى جارادى.
”ءبىز كۇنىنە 100 مىڭ نان جاۋىپ، قاشقار قالاسىنىڭ ءارقايسى مەكەمە - ورىندارىنا، الەۋمەتتىك اۋماقتارىنا ساتامىز“. قاشقار قالاسى نان مادەنيەتى كاسىپ باقشاسىنىڭ جاۋاپتىسى لۇي يۋانحۇڭ بىلاي دەدى: ىندەتتەن ساقتانۋ - تىزگىندەۋ كەزىندە، وسى كاسىپ باقشاسىنداعى 300دەن استام ناۋباي ۇستەمەلەپ جۇمىس ىستەپ، ءتۇرلى نان ونىمدەرىمەن قامداۋدى قامتاماسىز ەتتى. كاسىپ باقشاسى قاتىستى ىندەتتەن ساقتانۋ تالاپتارىنا ساي، ىندەتتەن ساقتانۋدىڭ، زارارسىزداندىرۋدىڭ قاتاڭ ءتۇزىمىن ورناتتى ءارى ونى اتقاردى، ءبىر جاعىنان، قىزمەتكەرلەردىڭ نۋكلەين قىشقىلىن ۋاعىندا تەكسەرىپ، كۇنىنە 3 رەت دەنە تەمپەراتۋراسىن ولشەپ، قىزمەتشىلەر اسحاناسى، جاتاق سياقتىلاردى قاتاڭ زارارسىزداندىردى؛ ەندى ءبىر جاعىنان، جەتكىزۋشى اۆتوكولىكتەردى كۇنىنە 3 رەت زارارسىزداندىرىپ، جەتكىزۋشى قىزمەتكەرلەر، ءسوز جوق، ساقتانۋ - قورعانۋ كيىمىن كيىپ، ماسكى تاعىپ جەتكىزىپ، ونىمدەردى ءوندىرۋ جانە جەتكىزۋ تۇتاس بارىسىنىڭ حاۋىپسىزدىگىنە شىنايى كەپىلدىك ەتتى.
”كەلەر قادامدا ءبىز كاسىپورىنداردى ىندەتتەن ساقتانۋ - تىزگىندەۋدىڭ قاتىستى شارالارىن ويداعىداي تياناقتاندىرۋ العى شارتىندا ءوندىرىس - تيجارات قيمىلىن ورىستەتۋگە، سالاماتتىقتى ەستەلىككە الۋ، قورشاعان ورتانى زارارسىزداندىرۋ سياقتى قىزمەتتەردى ويداعىداي ىستەۋگە قۋزايمىز“. حۋاڭ ليدۇڭ بىلاي دەدى: قاشقار ايماعىنىڭ ونەركاسىپ جانە ينفورماتسيالاندىرۋ تاراۋلارى قىزمەت وتەۋدى ۇزدىكسىز ساپالىلاندىرىپ، كاسىپورىندارعا كومەكتەسىپ ىندەتتەن ساقتانۋ، قورعانۋ زاتتىق ماتەريالدارىن، ءوندىرىس، تۇرمىستىق زاتتىق ماتەريالدارىن ساتىپ الۋىن جانە زاپاس ساقتاۋىن سايكەستىرىپ، كاسىپورىنداردىڭ ءوندىرىس - تيجارات جاعدايىنا ۇزدىكسىز نازار اۋدارىپ، ىزىنە ءتۇسىپ ورنالاستىرۋدى كۇشەيتىپ، شارتقا ۇيلەسەتىن كاسىپورىنداردىڭ قالىپتى ءوندىرىس - تيجارات جۇرگىزۋىنە شىنايى كەپىلدىك ەتەدى.
