تيانشان تورى   ›   جاڭالىقتار   ›   عىلىم-تەحنيكا

شينجياڭ ەلەكتر ۇلەستىرۋ تورىن قورعاۋدا تۇڭعىش رەت 5G تەحنيكاسىن پايدالاندى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 11 - ايدىڭ 13 - كۇنى ۇرىمجىدەن حابارلايدى. 11 - ايدىڭ 5 - كۇنى مەملەكەت ەلەكتر تورى ءۇرىمجى ەلەكترمەن قامداۋ سەرىكتەستىگىنىڭ قىزمەتكەرلەرى 5G حابارلاسۋ تەحنيكاسىنان پايدالانىپ، ءۇرىمجى 110 كيلوۆولتتىق بەيجيڭ جولى كەرنەۋ اۋىستىرۋ پۋنكتىنىڭ ەلەكتر ۇلەستىرۋ تورى لەنياسىنىڭ ديففەرەنتسيال قورعاۋ قوندىرعىسىن ورناتۋ، سىناقتان وتكىزۋ قىزمەتىن ورىندادى، بۇل رايونىمىزدىڭ تۇڭعىش رەت 5G حابارلاسۋ تەحنيكاسىن ەلەكتر ۇلەستىرۋ تورى ديففەرەنتسيال قورعاۋ سالاسىندا پايدالانۋى.

  ديففەرەنتسيال قورعاۋ قوندىرعىسىن ەلەكتر ۇلەستىرگىش قوراپ، اينالما تور ساندىعى سياقتى ەلەكتر جابدىقتارىنا ورناتىپ، ءارقايسى جابدىقتار اراسىنداعى ساندى مالىمەتتەردى جيناپ، ايىرماشىلىعىن سالىستىرىپ، قورعايتىن جابدىقتا كىناراتتىڭ نەمەسە كەمىستىكتىڭ بار - جوعىنا تۇجىرىم جاساپ، ماسەلە بايقالسا وزگە جابدىقتاردىڭ قالىپتى جۇمىس جۇرگىزۋىنە ىقپال جاساماۋ نەگىزىندە، دەرەۋ قورعاۋ قوندىرعىسىن ىسكە قوسادى ءارى كىنارات ءتۇيىنىن ءۇزىپ، ەلەكتر ۇلەستىرۋ تورىنىڭ حاۋىپسىز جۇمىس جۇرگىزۋىن قامتاماسىز ەتەدى.

  ”ديففەرەنتسيال قورعاۋ قوندىرعىسىنىڭ سەزىمتالدىق دارەجەسىنە جانە سەنىمدىلىگىنە بولعان تالابى وتە جوعارى، حابار جەتكىزۋ ارناسىنا سۇيەنەدى ءارى حابارلاسۋدى كەشەۋىلدەتۋ ۋاقىتىن 15 ميلليسەكۋند ىشىندە بولۋىن تالاپ ەتەدى، ءداستۇرلى 3G، 4G حابارلاسۋ تۇگەلدەي قاجەتتى قاناعاتتاندىرا الماي قالدى، بۇرىن ءسوزسىز، وپتيكالىق حابارلاسۋ تەحنيكاسىنا سۇيەنەتىن“، - دەدى مەملەكەت ەلەكتر تورى ءۇرىمجى ەلەكترمەن قامداۋ سەرىكتەستىگى حابارلاسۋ جاعدايىن تەكسەرۋ 2 - ءبانىنىڭ باستىعى لو چىن.

  لو چىن مىنالاردى ءبىلدىردى: ”5G + ەلەكتر ۇلەستىرۋ تورى لەنياسىنىڭ ديففەرەنتسيال قورعاۋ“ 10 كيلوۆولت بەيحۇي لەنياسى سىناق ەتۋ ءتۇيىنىن مىسالعا الساق، وسى لەنيا 110 كيلوۆولتتىق بەيجيڭ جولى ەلەكتر رەتتەۋ پۋنكتىنەن ءۇرىمجى قالاسى حۇييۋان سارايى ايىرىپ - قوسقىش پۋنكتىنە دەيىنگى ەلەكترمەن قامداۋ لەنياسى بولىپ، ۇزىندىعى مولشەرمەن 5 كيلومەتر، ەگەر وپتيكالىق حابارلاسۋ تەحنيكاسىنان پايدالاناتىن بولسا 5 كيلومەترلىك ەلەكتر قۋاتىندىق وپتيكالىق كابەل سالۋعا تۋرا كەلەدى، وزىندىك قۇنى مولشەرمەن 100 مىڭ يۋان شاماسىندا. 5G حابارلاسۋ تەحينكاسىنان پايدالانعان سوڭ، حابار جەتكىزۋ كەشەۋىلدەتۋ ۋاقىتىندا ديففەرەنتسيال قورعاۋ جابدىعىنىڭ قاجەتىن قاناعاتتاندىرىپ قانا قالماي، وپتيكالىق كابەل توسەۋمەن سالىستىرعاندا قۇرىلىستىڭ وزىندىك قۇنىن تومەندەتتى، ايىنا تەك نەشە ون يۋاندىق حابارلاسۋ اقىسىن عانا جۇمسايدى.

  5G ديففەرەنتسيال قورعاۋ قوندىرعىسىنان پايدالانۋ كولەمىن كەڭەيتكەن سوڭ، ءارقايسى لەنيا، جابدىقتار اراسىنداعى ساندى مالىمەتتى ءوزارا الماستىرعان سوڭ، كىناراتتى ايىرۋ ۋاقىتىن سەكۋند دارەجەسىنەن ميلليسەكۋند دارەجەسىنە جوعارىلاتىپ، لەنيانىڭ كىناراتى سالدارىنان ەلەكتر توقتاۋ كولەمىن زور مولشەردە كىشىرەيتىپ، ەلەكتر تورىن قورعاۋ دەڭگەيىن جانە ەلەكتر ۇلەستىرۋ تورىن باسقارۋ ونىمدىلىگىن جوعارىلاتتى.

  بولاشاقتا، مەملەكەت ەلەكتر تورى ءۇرىمجى ەلەكترمەن قامداۋ سەرىكتەستىگى 5G ينتەرنەتىن نەگىز ەتكەن ەلەكتر ۇلەستىرۋدى اۆتوماتتاندىرۋ، AR زەردەلى تەكسەرۋ سياقتى ەلەكتر قۋاتى كاسىپتەرىنىڭ تيپتىك جاعداي سىناق قىزمەتىن ۇزدىكسىز ورىستەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى