تيانشان تورى   ›   جاڭالىقتار   ›   ءۇرىمجى

ءۇرىمجى ءتۇيىندى نىسان قۇرىلىستارىنىڭ جۇمىس قارقىنىن مىقتى يگەردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، جاۋ يۋە 11 - ايدىڭ 13 - كۇنى ۇرىمجىدەن حابارلايدى. ”800گە جۋىق قۇرىلىس جۇمىسشىسىنىڭ قۇلشىنىس جاساۋىنىڭ ارقاسىندا، قازىر ءۇرىمجى حالىقارالىق توقىماشىلىق، كيىم - كەشەك ساۋدا ورتالىعىنىڭ 7 عيمارات قۇرىلىسىنىڭ توبەسى جابىلدى، كەلەر جىلى قۇرىلىستى ۋاعىندا اياقتاتۋعا تاعى ءبىر قادام جاقىندادىق“. 11 - ايدىڭ 9 - كۇنى ءۇرىمجى ەكونوميكالىق، تەحنيكالىق اشۋ رايونىنا (توۋتۇنحى) ورنالاسقان ءۇرىمجى حالىقارالىق توقىماشىلىق، كيىم - كەشەك ساۋدا ورتالىعى نىسانىنىڭ جۇمىس باسىندا، ءۇرىمجى حالىقارالىق توقىماشىلىق، كيىم - كەشەك ورتالىعى قارجى قوسۋ، اشۋ شەكتى سەرىكتەستىگى نىسان باسقارۋ ءبولىمىنىڭ ديرەكتورى جاڭ لياڭجيان الىستا قاربالاس جۇمىس جۇرگىزىپ جاتقان قۇرىلىس ماشينالارىن كورسەتىپ تىلشىگە وسىلاردى ايتتى.

  ءتىلشى ءۇرىمجى قالالىق دامۋ - رەفورما كوميتەتى ءتۇيىندى نىساندار باسقارۋ ورتالىعىنان مىنالاردى ۇعىستى: كوز الدا ءۇرىمجى قالاسىنداعى ءارقايسى ءىرى ءتۇيىندى قۇرىلىس نىساندارى قازىرگى تاماشا اۋا رايى شارت - جاعدايىنان تولىق پايدالانىپ، نىسان قۇرىلىسىنىڭ قارقىنىن تەزدەتىپ، قىسقى قۇرىلىستى عىلمي ۇيىمداستىرىپ، ىندەتتەن كەشەۋىلدەگەن ۋاقىتتى ۇتۋعا قۇلشىنىپ، اناعۇرلىم كوپ قارجى قوسۋ مولشەرىن، قىزمەت مولشەرىن جانە ناقتى زات مولشەرىن جەدەل قالىپتاستىرۋدا.

  ءۇرىمجى قالاسىنىڭ ”ەكى پورت، ءبىر ورتالىعىنداعى“ ”ورتالىق“ رەتىندە، ءۇرىمجى حالىقارالىق توقىما بۇيىمدارى، كيىم - كەشەك ساۋدا ورتالىعى نىسانى يەلەگەن جەر اۋماعى 3000 مۋدان استام، بيىل 3 - ايدا جۇمىس باستاعان. نىسان سالىنىپ بولعاننان كەيىن، بۇكىل شينجياڭنىڭ توقىماشىلىق، كيىم - كەشەك ساۋدا كاسىبى سالاسى قۇرىلىمىنىڭ ساپالىلانۋىندا، جاڭالىق اشۋ قابىلەتىنىڭ جوعارىلاۋىندا، كاسىپ سالاسى نەگىزىنىڭ جوعارى دەڭگەيلى بولۋىندا، كاسىپ سالاسى تىزبەگىنىڭ وسىزاماندانۋ ورەسىنىڭ جوعارىلاۋىندا، سونداي - اق جۇمىستانۋعا تۇرتكى بولۋدا رول اتقارادى.

  ”ىندەت كەزىندە قالالىق، رايوندىق ەكى دارەجەلى ۇكىمەتتىڭ كۇش سالا قولداۋىندا، نىسان قۇرىلىسىن بەتونمەن، بولات ماتەريالدارمەن قامداۋ شىنايى قامتاماسىز ەتىلدى، ءبىز ىندەتتەن ساقتانۋ، تىزگىندەۋ شارالارىن قاتاڭ تياناقتاندىرۋ العى شارتىندا، قۇرىلىستىڭ قالىپتى ءجۇرىلۋىن قامتاماسىز ەتىپ، ىندەتتىڭ نىسان قۇرىلىسىنا ىقپالىن ەڭ تومەنگى شەككە تۇسىردىك.“، - دەدى جاڭ لياڭجيان.

  ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسى نىسانى جۇمىس باسىندا، ءىرى تۇرپاتتى كران توقتاۋسىز ماتەريال تاسىپ، ينجەنەريا تەحنيكتەرى ۇستەمەلەپ جۇمىس ىستەپ، ءارقايسى نىسان بولىمدەرى مينۋت - سەكۋندپەن جارىسا قۇرىلىس قارقىنىن جەدەلدەتتى.

  شينجياڭ جيانگۇڭ ءۇرىمجى اۋەجاي نىسان ءبولىمى قۇرىلىس نىساناسىن ءار كۇنگە دەيىن ەگجەي - تەگجەيلى اشالاپ، ءتۇر - ءتۇر بويىنشا ءاربىر جۇمىس كەزەگىنە، ءاربىر ادامعا دەيىن تياناقتاندىرىپ، ”ىندەتپەن شايقاسۋ، قارقىننان ۇتۋ، ۇلەس قوسۋدا باسەكەلەسۋ“ نەگىزگى تاقىرىپ بولعان ەڭبەك جارىسىن ۇيىمداستىردى. جارىسقا قاتىناسقان 362 ادام ءوندىرىس قارقىنى، حاۋىپسىزدىك ساپاسى، وزىندىك قۇندى باسقارۋ - تىزگىندەۋ، باسقارۋعا ۇيىمداستىرۋ، قىزمەت ناتيجەسىن باعالاۋ سياقتى فاكتورلاردى ارقاۋ ەتە وتىرىپ، باسەكەلەسۋ، ۇيرەنۋ، قۋىپ جەتۋ، كومەكتەسۋ، باسىپ وزۋدىڭ قىزۋ ورلەۋىن كوتەردى. كۇندە ەستەلىك الۋ، اپتا سايىن قورىتىندىلاۋ، اي سايىن باعالاۋ جۇرگىزىپ، كەزەڭدىك نىسانالاردىڭ ورىندالۋىنا شىنايى كەپىلدىك ەتتى. جۇڭگو قۇرىلىس توبى 8 - مەكەمەسى ءۇرىمجى اۋەجايىن وزگەرتىپ، كەڭەيتىپ سالۋ ينجەنەرياسى اۋەجاي تەرمينالى نىسانى ءبولىمى دە قىس ماۋسىمىندا جۇمىستى جەدەلدەتۋ جوباسى مەن ەڭبەك باسەكەسى جوباسىن الدىن الا جاساپ، تۇتاس بارىستا ساپانى باقىلاۋ - مەڭگەرۋ جۇيەسى ارقىلى ينجەنەريا ساپاسىن قامتاماسىزداندىرىپ، ءتۇرلى قۇرىلىس مىندەتىنىڭ ءساتتى اياقتاۋىنا شىنايى كەپىلدىك ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى