تيانشان تورى   ›   جاڭالىقتار   ›   عىلىم-تەحنيكا

رايونىمىز عىلىم - تەحنيكادا جاڭالىق اشۋ جەتىستىكتەرىن جوعارى ءونىمدى كادەگە جاراتۋدى جەدەل ىلگەرىلەتتى

جاڭالىق اشۋ ارقىلى دەم بەرۋگە تاباندى بولىپ، ”ءوندىرىس، وقىتۋ، عىلمي زەرتتەۋ، قولدانۋ“ تىزبەگىن اشتى

رايونىمىز عىلىم - تەحنيكادا جاڭالىق اشۋ جەتىستىكتەرىن جوعارى ءونىمدى كادەگە جاراتۋدى جەدەل ىلگەرىلەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى جىڭ جو 11 - ايدىڭ 13 - كۇنى ۇرىمجىدەن حابارلايدى. رايونىمىز پارتيا ورتالىق كوميتەتىنىڭ، مەملەكەتتىك كەڭەستىڭ جاڭالىق اشۋ ارقىلى دامۋعا دەم بەرۋ ستراتەگياسىن اتقارۋ جونىندەگى كەلەلى شەشىمدەرىن، ورنالاستىرۋلارىن مىقتاپ ارقاۋ ەتىپ، عىلىم - تەحنيكادا جاڭالىق اشۋ جەتىستىكتەرىن جوعارى ءونىمدى كادەگە جاراتۋدى جەدەل ىلگەرىلەتىپ، ”ءوندىرىس، وقىتۋ، عىلمي زەرتتەۋ، قولدانۋ“ تىزبەگىن كۇش سالا اشىپ، تۇتاس قوعامنىڭ جاڭالىق اشۋ ومىرشەڭدىگىن ءونىمدى قاۋلاتتى. 2019 - جىلى بۇكىل رايونىمىز ءتۇرلى تەحنيكالىق توقتامنان 687سىنە قول قويىسىپ، كەلىسكەن جالپى سوماسى 782 ميلليون يۋانعا جەتتى.

  تانىستىرۋعا قاراعاندا، كەلىسكەن تەحنيكالىق توقتامدا تەحنيكا اشۋعا 332 ميلليون يۋان سالىنىپ، كەلىسىلگەن جالپى سومانىڭ %42.45ىن يەلەگەن؛ تەحنيكالىق قىزمەت وتەۋ قارجىسى 326 ميلليون يۋانعا جەتىپ، كەلىسىلگەن جالپى سومانىڭ %41.72ىن يەلەگەن؛ تەحنيكا وتكەرۋ قارجىسى 107 ميلليون يۋان بولىپ، كەلىسىلگەن جالپى سومانىڭ %13.70ىن يەلەگەن؛ تەحنيكالىق كەڭەس قارجىسى 16 ميلليون 706 مىڭ 500 يۋان بولىپ، كەلىسىلگەن جالپى سومانىڭ %2.14ىن يەلەگەن.

  تاياۋ جىلداردان بەرى اۆتونوميالى رايون عىلىم - تەحنيكا ءتۇزىلىس - مەحانيزم رەفورماسىن ۇزدىكسىز تەرەڭدەتىپ، عىلىم - تەحنيكا جەتىستىكتەرىن ويىستىرۋدى، كادەگە جاراتۋدى بەلسەنە ىلگەرىلەتىپ، ساياسات بەلگىلەۋ، قارجىمەن دەمەۋ، جۇيە قۇرىلىسى، دارىندى باۋلۋ سياقتى جاقتاردان كورنەكتى ونىمدىلىككە قول جەتكىزگەن.

  عىلىم - تەحنيكادا جاڭالىق اشۋ جەتىستىكتەرىن ءوندىرىس كۇشىنىڭ جانە كاسىپورىنداردىڭ تيپ وزگەرتىپ دامۋىن ىسكە اسىرۋدىڭ ىشكى قوزعاۋشى كۇشىنە شىن مانىندە اينالدىرۋ ءۇشىن، اۆتونوميالى رايوندىق عىلىم - تەحنيكا مەڭگەرمەسى باستاماشىلدىقپەن ءار ءتۇرلى قارجى قوسۋ، قارجى قۇراۋ قۇرىلىمدارىمەن بەلسەنە ءتۇيىلىسىپ، ءتۇرلى جاڭالىق اشۋ، شارۋاشىلىق قۇرۋ قيمىلدارىن قولداۋ سەرپىنىن ۇزدىكسىز ارتتىرعان. بيىل 10 - ايدا 9 - كەزەكتى جۇڭگو جاڭالىق اشۋ، شارۋاشىلىق قۇرۋ جارىسى (شينجياڭ جارىس رايونى) جانە 7 - كەزەكتى شينجياڭ جاڭالىق اشۋ، شارۋاشىلىق قۇرۋ جارىسى ءساتتى اياقتادى، وسى كەزەكتى جارىستا، جوعارى، جاڭا تەحنيكا كاسىپورىندارى جانە عىلىم - تەحنيكا تۇرىندەگى ورتا، شاعىن كاسىپورىندار جارىسقا قاتىناسقان كاسىپورىنداردىڭ جالپى سانىنىڭ %90تەن استامىن يەلەگەن. قازىرگە دەيىن رايونىمىزدا جاڭالىق اشۋ، شارۋاشىلىق قۇرۋ جارىسىنا قاتىناسىپ سيلانعان كاسىپورىندار جيناقتاپ ەسەپتەگەندە بانكەنىڭ 600 ميلليون يۋاننان استام قارىز اقشا قولداۋىنا، 500 ميلليون يۋاننان استام تاۋەكەلدىك قارجىلاندىرۋ قولداۋىنا يە بولىپ، رايونىمىزدىڭ عىلىم - تەحنيكا جەتىستىكتەرىن كادەگە جاراتۋ ونىمدىلىگىن بارىنشا جوعارىلاتقان.

  رايونىمىزدىڭ عىلىم - تەحنيكادا جاڭالىق اشۋ، شارۋاشىلىق قۇرۋ قيمىلدارىنىڭ ۇزدىكسىز دامۋىن جەتەكتەۋ جانە ىلگەرىلەتۋ ءۇشىن، اۆتونوميالى رايوندىق عىلىم - تەحنيكا مەڭگەرمەسى ”تيانشان جالپى قاۋىم جاڭالىق اشۋ ارەكەتىن“ باستادى ءارى «اۆتونوميالى رايوننىڭ ”تيانشان جالپى قاۋىم جاڭالىق اشۋ ارەكەتىن“ اتقارۋ جوباسىن (2016 − 2020 - جىل)» باسىپ تاراتىپ اتقارىپ، «اۆتونوميالى رايوننىڭ جالپى قاۋىم جاڭالىق اشۋ كەڭىستىگىن باسقارۋ ءادىسى»، «اۆتونوميالى رايوننىڭ عىلىم - تەحنيكا كاسىپورىن ينكۋباتورىن باسقارۋ ءادىسى» سياقتى ءبىر قىدىرۋ ادىستەردى بەلگىلەپ، بەلگىلى عىلمي زەرتتەۋ نەگىزى بار بازار تۇلعالارىنىڭ ەلەكتروندى ساۋدا، ۇشقىشسىز ۇشاق، مەديتسينالىق اسپاپتار جانە ءدارى - دارمەك اشۋ، جابدىق جاساۋ، وسى زامانعى اۋىل شارۋاشىلىعى تەحنيكاسى سياقتى كاسىپتىك سالالاردا ماماندانعان جالپى قاۋىم جاڭالىق اشۋ كەڭىستىگىن قۇرۋعا شابىتتاندىردى ءارى اۆتونوميالى رايوننىڭ جوعارى مەكتەپتەردىڭ جالپى قاۋىم جاڭالىق اشۋ كەڭىستىگى، عىلىم - تەحنيكالىق كاسىپورىن ينكۋباتورى جانە داشۋەلەردىڭ عىلىم - تەحنيكا باقشاسى سياقتى عىلىم - تەحنيكا جەتىستىكتەرىن كادەگە جاراتۋىنا، ينكۋباتورلىق جەتىلدىرۋ تۇعىرلارىن قۇرۋىنا بەلسەندى قولداۋ كورسەتىپ، رايونىمىزدىڭ عىلىم - تەحنيكادا جاڭالىق اشۋ جەتىستىكتەرىن جەدەل ويىستىرۋىنا، كادەگە جاراتۋىنا جان - جاقتى قىزمەت وتەپ، بۇكىل رايوننىڭ جوعارىدان تومەنىنە دەيىن جاڭالىق اشۋ، شارۋاشىلىق قۇرۋ قويۋ رايىنىڭ قالىپتاسۋىنا جەتەكشىلىك ەتتى.

  كەلەر قادامدا، اۆتونوميالى رايوندىق عىلىم - تەحنيكا مەڭگەرمەسى پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى العا قويعان عىلىم - تەحنيكادا جاڭالىق اشۋدا ”دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋ، ەكونوميكانىڭ نەگىزگى شايقاس مايدانىن بەتكە الۋ، مەملەكەتتىڭ كەلەلى قاجەتىن بەتكە الۋ، حالىقتىڭ ءومىرىن، سالاماتتىعىن بەتكە الۋ“ جالپى تالابىنا ساي، جوعارى، جاڭا تەحنيكالىق كاسىپ سالاسىن اشۋ رايونى، اۋىل شارۋاشىلىعى عىلىم - تەحنيكا باقشاسى، ءتۇيىندى تاجىريبەحانا، داشۋە عىلىم - تەحنيكا باقشاسى، ينجەنەريا تەحنيكاسىن زەرتتەۋ ورتالىعى سياقتى جاڭالىق اشۋ تۇعىرلارىنا، سونداي - اق جوعارى مەكتەپ، عىلمي زەرتتەۋ ورىندارى، كاسىپ سالاسىنداعى تىرەكتى كاسىپورىندار سياقتى جاڭالىق اشۋ تۇلعالارىنا سۇيەنىپ، عىلىم - تەحنيكا جەتىستىكتەرىن ءتۇيىلىستىرۋ، ەرەكشە كاسىپ سالالارىن تەحنيكالىق سۇرانىسقا قاراي ويىستىرۋ، كادەگە جاراتۋ سياقتى جاقتارعا قىزمەت وتەۋدى ۇزدىكسىز كۇشەيتىپ، جاڭالىق اشۋ ارقىلى دامۋعا دەم بەرۋگە تاباندى بولىپ، ەكونوميكانىڭ جوعارى ساپالى دامۋىن ىلگەرىلەتۋگە پارمەندى عىلىم - تەحنيكالىق قولداۋ ازىرلەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.