تيانشان تورى
تيانشان تورى   ›   جاڭالىقتار   ›   ءۇرىمجى

285.35 مەترلىك باۋنىڭچىڭنىڭ توبەسى جابىلىپ، ۇرىمجىدەگى اسپانمەن بوي تالاسقان ەڭ بيىك عيماراتتى تۇلعالادى

  11 - ايدىڭ 15 - كۇنى، ءۇرىمجى قالاسى باۋنىڭچىڭ نىسانى 1-02# قىزمەت عيماراتىنىڭ نەگىزگى تۇلعالىق قۇرىلىمىنىڭ توبەسى جابىلدى.

  تيانشان تورى حابارى (حابارىن جازىپ سۋرەتىن تۇسىرگەن ءتىلشى كاڭ حاۋيەن، ەرىكتى ءتىلشى ليۋ جۇن) 11 - ايدىڭ 15 - كۇنى، كرانمەن ەڭ سوڭعى بولات ارقالىقتى قۇراستىرىپ بولعاننان كەيىن، بيىكتىگى 285.35 مەترگە جەتەتىن ءۇرىمجى قالاسى باۋنىڭچىڭ نىسانى 1-02# قىزمەت عيماراتىنىڭ نەگىزگى تۇلعالىق قۇرىلىمىنىڭ توبەسى ءساتتى جابىلىپ، ءوزى جاراتقان شينجياڭداعى 251 مەترلىك ەڭ بيىك عيمارات رەكوردتىن جاڭالادى.

باۋنىڭچىڭ ەففەكت سۋرەتى.

  بۇل نىسان ءۇرىمجى ەكونوميكالىق، تەحنيكالىق اشۋ رايونى (تۋتۇنحى رايونى) جوعارى قارقىندى تەمىر جول اۋماعى شۋانۋحۋ كوشەسىنىڭ ماڭىنا ورنالاسقان، نىسانعا جالپى 16 ميلليارد يۋان قارجى قوسىلعان، نەگىزگى سالىنعان 5 عيماراتتىڭ بيىكتىگى 200-300 مەتر كەلەتىن ەرەكشە بيىك قۇرىلىس، قۇرىلىستىڭ جالپى كولەمى ءبىر ميلليون 750 مىڭ شارشى مەتر بولىپ، ول قىزمەت عيماراتى، قوناقجاي، ساۋدا كوشەسى سياقتى قۇرىلىس شوعىرىن قامتيدى. 5 ەرەكشە بيىك قاباتتى قۇرىلىستىڭ ءبىرى بولعان، وسى رەتكى توبەسى جابىلعان قىزمەت عيماراتى 2016 ـ جىلدان باستاپ سالىنعان، جەر بەتىندە 62 قابات، جەر استى 4 قابات، قۇرىلىس دارا تۇلعاسىنىڭ كولەمى 140 مىڭ شارشى مەتر بولىپ، مەجەمەن 2022 - جىلى سالىنىپ بىتەدى.

  قىزمەت عيماراتىنىڭ نەگىزگى تۇلعالىق قۇرىلىمىنىڭ توبەسىن جاپقاننان كەيىن، كەلەسى قادامدا، قىزمەتكەرلەر قوزعالمالى قۇرىلىس سالۋ مۇناراسىن الۋ، اينەك قالتقى ورناتۋ، ماشينا - ەلەكتر قۇرىلعىلارىن ورناتۋ جانە باسقا دا قۇرىلىس دارا تۇلعالارىنىڭ نەگىزگى تۇلعاسىن سالۋ جۇمىسىن جۇرگىزەدى.

  جۇڭگو تەمىر جول قۇرىلىسى توبىنىڭ باتىس سولتۇستىك بولىمشە سەرىكتەستىگى ءۇرىمجى قالاسى باۋنىڭچىڭ نىسانىنىڭ قۇرىلىس ينجەنەرى (ينجەنەريا) شۇي ياحۇي بىلاي دەپ تانىستىردى : 2016 ـ جىلى قۇرىلىس باستاعاننان بەرى، جىلىنا ورتا ەسەپپەن 3000 نان استام ادام - رەت نىسان قۇرىلىسىنا ات سالىستى. ناق بولات قۇرىلىمدى ەرەكشە بيىك قاباتتى قۇرىلىس بولعاندىقتان، تەك بولات قۇرىلىمىنا ىستەتكەن بولات مولشەرى 36 مىڭ تونناعا جەتتى. ەڭ استىڭعى قاباتتاعى بولات دىڭگەكتىڭ بولات تاقتاسىنىڭ قالىڭدىعى شامامەن 10 سانتيمەتر، ءار تال بولات دىڭگەكتىڭ اۋىرلىعى جاپپاي 20 تونناعا، ەڭ اۋىرى 28 تونناعا جەتتى. بولات دىڭگەكتى دانەكەرلەۋ قيىندىعى ءبىرشاما زور.

باۋنىڭچىڭ ەففەكت سۋرەتى.

  ۇعىسۋعا قاراعاندا، ءۇرىمجى قالاسى باۋنىڭچىڭ نىسانى 5 ەرەكشە بيىك قاباتتى قۇرىلىسىنىڭ 2 عيماراتىنىڭ نەگىزگى تۇلعاسى سالىنىپ ءبىتتى، بيىكتىگى جەكە - جەكە 251 مەتر جانە 285.35 مەتر، 2020 ـ جىلى 6 ـ ايدا نەگىزگى تۇلعاسىنىڭ توبەسى جابىلعانى بيىكتىگى 251 مەترلىك 1-01# قىزمەت عيماراتى.

  سالىنىپ بىتكەننەن كەيىن، ءۇرىمجى قالاسى باۋنىڭچىڭ ءداستۇرلى زات ساتىپ الۋ، اس - سۋ، كوڭىل اشۋ يقۋاتىنان تىس، كونسەرت قويۋ زالى، جوعارى ورەلى تەاتر، بولمە ىشىندەگى بالالار كارناۆالى، بولمە ىشىندەگى جارتاسقا ورمەلەۋ سياقتى قۇرىلعىلاردى توعىستىرادى. ايتا كەتۋگە تاتيتىنى، بۇل ارادا تاعى دا بولمە ىشىندەگى تەڭىز - مۇحيت سارايلارى سالىنىپ، قاريدارلاردىڭ كوزىمەن كورۋ سەزىمىن بارىنشا جوعارىلاتادى.

  ”ءۇرىمجى قالاسى باۋنىڭچىڭ — جوعارى قارقىندى تەمىر جول اۋماعىنىڭ تەز قارقىندى دامۋىنىڭ ماڭىزدى قوزعالتقىش كۇشى ءارى جاڭا جەر بوگەنايى“،- دەدى جۇڭگو تەمىر جول قۇرىلىسى توبىنىڭ باتىس سولتۇستىك بولىمشە سەرىكتەستىگى ءۇرىمجى قالاسى باۋنىڭچىڭ نىسانىنىڭ اتقارۋشى مەڭگەرۋشىسى سۇڭ چاڭشۇي.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.