شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەكىتۋىمەن، ورتالىق اسكەري ىستەر كوميتەتى جۋىقتا «جۇڭگو حالىق ازاتتىق ارمياسىنىڭ بىرلەسىپ سوعىس جۇرگىزۋ باعدارلاماسىن (سىناق رەتىندە اتقارىلادى)» باسىپ تاراتتى، 2020 - جىلى 11 - ايدىڭ 7 - كۇنىنەن باستاپ اتقارىلدى.
«باعدارلاما» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدى، حالىق ارمياسىن دۇنيە جۇزىندەگى بىرەگەي ارميا ەتىپ جالپى بەتتىك قۇرىپ شىعۋدى ارقاۋ ەتىپ، بىرلەسىپ سوعىس جۇرگىزۋدىڭ زاڭ ەرەجەلەر جۇيەسىن ورناتۋدى كوزدەپ، نەگىزگى تۇسىنىك ورناتىپ، نەگىزگى ءتۇزىم بەلگىلەپ، نەگىزگى ۇقىق - جاۋاپكەرشىلىكتەردى ايقىنداپ، بولاشاقتا ”قانداي سوعىس جۇرگىزۋ، سوعىستى قالاي جۇرگىزۋ“ سىندى كەلەلى ماسەلەگە تۇزىمدىك دەڭگەيدەن جاۋاپ بەرىپ، سوعىسقا دايىندالۋ، سوعىس جۇرگىزۋ سىندى ايقىن بەتالىستى كۇشەيتتى، باسشىلىق - قولباسشىلىق ءتۇزىلىسى، كولەم - قۇرىلىم جانە كۇشتەردىڭ قۇرالىمى رەفورماسىنىڭ تابىستارىن بەكەمدەۋ، تەرەڭدەتۋ، ارميامىزدىڭ بىرلەسىپ سوعىس جۇرگىزۋ قابىلەتىنىڭ ازات ەتىلۋى مەن دامۋىن ىلگەرىلەتۋ جونىنەن ماڭىزدى مانگە يە.
«باعدارلاما» ارميامىزدىڭ جاڭا داۋىردەگى سوعىس جۇرگىزۋ ەرەجە - بۇيرىق جۇيەسىنىڭ ەڭ جوعارعى دەڭگەيلى زاڭ ەرەجەسى بولىپ تابىلادى، جەتەكشىلىكتى، ۇستانىمدى، پرينسيپتەردى كورنەكتىلەندىرە باسا دارىپتەپ، ماكرولىق جەتەكشىلىك جاعىندا وزەك - تۇيىندەردى يگەرۋگە جالپىلىق ولشەم جاساۋعا ءمان بەرىپ، بىرلەسىپ سوعىس جۇرگىزۋدى ۇيىمداستىرۋدىڭ، اتقارۋدىڭ نەگىزگى ماسەلەلەرىن ايقىنداۋعا ءمان بەرىپ، سوعىس جۇرگىزۋ يدەياسىن بىرلىككە كەلتىرۋگە، ۇقىق - جاۋاپكەرشىلىك ءتارتىبىن اشالاۋعا، سوعىس جۇرگىزۋ ارەكەتتەرىنە جەتەكشىلىك ەتۋگە ءمان بەرىپ، ارميامىزدىڭ بىرلەسىپ سوعىس جۇرگىزۋدەگى جاڭا جاعدايلارىن، جاڭا ماسەلەلەرىن ارقاۋ ەتىپ، جالعاستىرۋ مەن جاڭالىق اشۋدى، نازاريا مەن امالياتتى بىرلەستىرۋگە تاباندى بولىپ، پايدالى تاجىريبەلەردى قورىتىندىلاپ، جيناقتاپ، جالپى تۇلعالىق قۇرىلىم ورناتىپ، مازمۇندىق جۇيە بەلگىلەپ، بىرلەسىپ سوعىس جۇرگىزۋ بويىنشا قولباسشىلىق ەتۋ، سوعىس جۇرگىزۋ ارەكەتى، سوعىس جۇرگىزۋدى قامتاماسىز ەتۋ، مەملەكەت قورعانىسىنا جۇمىلدىرۋ، ساياسي قىزمەت سياقتى ماڭىزدى پرينسيپتەردى، تالاپتاردى جانە نەگىزگى تارتىپتەردى ايقىندادى.
ورتالىق اسكەري ىستەر كوميتەتى ءار دارەجەلى ورىنداردان «باعدارلامانى» ۇيرەنۋدى، دايەكتىلەندىرۋدى مۇقيات، ويداعىداي يگەرىپ، جاۋىنگەرلىك قابىلەت سىندى بىردەن - ءبىر ءتۇبىرلى ولشەمگە تاباندى بولىپ، «باعدارلامانى» بىرلەسىپ سوعىس جۇرگىزۋدى جانە بىرلەسىپ جاتتىعۋدى ۇيىمداستىرۋدىڭ، اتقارۋدىڭ نەگىزگى دايەگى ەتىپ، جاڭا داۋىردەگى سوعىستا جەڭىپ شىعۋ قابىلەتىن جالپى بەتتىك جوعارىلاتۋدى تالاپ ەتتى.
