تيانشان تورى   ›   جاڭالىقتار   ›   سۋرەتتى حابار

اۆتونوميالى رايوننىڭ بەينە ەكران ءماجىلىسى كەزەكتەگى، اسىرەسە، بيىل قىس، كەلەر كوكتەم كەزىندەگى ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى

ۇدايىلانعان ساقتانۋ - تىزگىندەۋ شارالارىن ناقتى، ەگجەي - تەگجەيلى يگەرىپ، بەرىك قورعانىس شەبىن شىنايى مىقتاپ ورناتىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك

چىن چۋانگو قاتىناستى ءارى ءسوز سويلەدى

شوكىرات زاكىر باسقاردى، شاۋكەت يمىن، نۇرلان ءابىلماجىن، لي پىڭشين قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 11 - ايدىڭ 14 - كۇنى حابارلايدى. 11 - ايدىڭ 14 - كۇنى كەشتە اۆتونوميالى رايون بەينە ەكران ءماجىلىسىن اشىپ، كەزەكتەگى، اسىرەسە، بيىل قىس، كەلەر كوكتەم كەزىندەگى ىندەتتەن ساقتانۋ - تىزگىندەۋ قىزمەتىن ىشكەرىلەي ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

  اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ماجىلىستە اۆتونوميالى رايوننىڭ ءار ايماقتا تۇراتىن (وبلىس، قالا) قىزمەت گرۋپپالارىن جىبەرۋ قىزمەتى جوباسىن وقىدى.

  چىن چۋانگو سوزىندە بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا ”ءتورت ەرتە بولۋ“ شاراسىن تياناقتاندىرىپ، ”ءتورت جاقتىڭ جاۋاپكەرشىلىگىن“ ناقتىلاپ، ءتۇرلى ساقتانۋ - تىزگىندەۋ قىزمەتىن ۇزدىكسىز تۇردە تيتتەي دە بوساڭسىتپاي ناقتى، ەگجەي - تەگجەيلى يگەرىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن شىنايى مىقتاپ بەكەمدەپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.

  ءبىرىنشى، دەڭگەيدى جوعارىلاتىپ، سەرگەك بولۋ تانىمىن ساقتاۋ كەرەك. كەزەكتەگى، اسىرەسە، بيىل قىس، كەلەر كوكتەم كەزىندەگى ىندەتتەن ساقتانۋ - تىزگىندەۋدىڭ قاتاڭ جاعدايىن جىعا تانىپ، تومەنگى شەكتە ويلاۋعا داعدىلانىپ، حاۋىپ - قاتەر تانىمىن كۇشەيتىپ، ماسەلەنى باعدار ەتۋدى كۇشەيتىپ، ىندەتتەن ساقتانۋ - تىزگىندەۋ سىندى ارقاۋدى قاشاندا مىقتاپ شيراتىپ، سالعىرتسۋ يدەياسىن، باق سىناۋ پسيحيكاسىن، بوساڭسۋ پيعىلىن باتىل جەڭىپ، يدەيادا بوساڭسىماۋدى، شارالاردى بوساڭسىتپاۋدى، مەحانيزمدى بوساڭسىتپاۋدى، جاۋاپكەرشىلىكتى بوساڭسىتپاۋدى شىنايى ورىنداپ، ىندەتتىڭ قايتا بەلەڭ بەرۋىنەن باتىل ساقتانۋ كەرەك.

  ەكىنشى، ءتورت ەرتە بولۋعا تاباندى بولىپ، عىلمي، دالمە - ءدال ساقتانۋ - تىزگىندەۋ كەرەك. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ ءتۇرلى قىزمەتتەرىن تيتتەي دە بوساڭسىتپاي ويداعىداي يگەرىپ، قاداعالاۋ، الدىن الا ساقتاندىرۋ مەحانيزمىن تياناقتاندىرىپ، ۇدايىلانعان ساقتانۋ - تىزگىندەۋ شارالارىن مىقتى، ەگجەي - تەگجەيلى، ناقتى يگەرۋ كەرەك؛ ادام مەن زاتتاردان بىردەي ساقتانۋعا تاباندى بولىپ، شەكارا وتكەلىندە جالپى بارىستىق جابىق اينالىمدى باسقارۋدى، يمپورتتىق زاتتارعا نۋكلەين قىشقىلى تەكسەرۋىن جۇرگىزۋدى، ساقتانۋ سيپاتتى زارارسىزداندىرۋدى جانە قاتىناس زات اينالىمى بۋىندارىن زارارسىزداندىرۋدى جالپى بەتتىك كۇشەيتىپ، ىندەتتىڭ تارالۋ حاۋىپ - قاتەرىن شىنايى جويۋ؛ قىزۋ امبولاتورياسىن سالۋدى، باسقارۋدى جانە الدىن الا تەكسەرىپ ءبولىپ دياگنوز قويۋدى قاتايتىپ، العاشقى دياگنوزعا جاۋاپتى بولۋ ءتۇزىمىن ويداعىداي تياناقتاندىرىپ، ”قاراۋىل“ يقۋاتىن ءونىمدى ساۋلەلەندىرىپ، جۇقپالى تۇماۋ سياقتى كوپ اۋرۋدان بىرگە ساقتانۋ قىزمەتىن ويداعىداي ىستەپ، شيپاحانادا جۇعىمدالۋدان قاتاڭ ساقتانۋ؛ الەۋمەتتىك اۋماقتاردىڭ، اۋىل - قىستاقتاردىڭ ساقتانۋ - تىزگىندەۋ نەگىزىن بەكەمدەپ، توركوزدەندىرىپ باسقارۋدى كۇشەيتىپ، ءبىرىنشى قورعانىس شەبىن مىقتاپ ورناتۋ؛ شەشۋشى بۋىنداردا، ءتۇيىندى ورىنداردا جانە ءتۇيىندى ادامدار شوعىرىندا دالمە - ءدال ساقتانۋ - تىزگىندەۋدى ءۇرتىس كۇشەيتىپ، ساقتانۋ - تىزگىندەۋدىڭ ىرىقتىلىعىن مىقتاپ يگەرۋ كەرەك.

  ءۇشىنشى، تولىق دايىندالىپ، قامتاماسىزداندىرۋدىڭ پارمەندى بولۋىن ورىنداۋ كەرەك. ساقتانۋ - تىزگىندەۋدى ۇدايىلاندىرۋ مەن توتەنشە جاعدايعا توتەپ بەرۋ بويىنشا ءبىر جاقتى ەتۋدى ءوزارا ۇشتاستىرۋعا تاباندى بولىپ، مەديتسينالىق قىزمەت وتەۋ قابىلەتى قۇرىلىسىن جانە مەديتسينا بايلىعىن عىلمي ورنالاستىرۋدى ءبىر تۇتاس جوسپارلاپ، ساقتانۋ - تىزگىندەۋ زاتتىق ماتەريالدارى، مەديتسينالىق ەمدەۋ جابدىقتارى سياقتىلاردىڭ جەتكىلىكتى قورىن اناعۇرلىم كۇشەيتىپ، ىندەتتەن ساقتانۋ - تىزگىندەۋ بويىنشا توتەنشە جاعدايعا توتەپ بەرۋ جوباسىن كەمەلدەندىرىپ، ناقتى شايقاستىق باۋلۋ مەن جالپىلىق جاتتىعۋدى جالپى بەتتىك ورىستەتىپ، ناقتى شايقاستىق قابىلەت پەن توتەنشە جاعدايعا توتەپ بەرۋ بويىنشا ءبىر جاقتى ەتۋ دەڭگەيىن ءۇرتىس جوعارىلاتىپ، ادامداردىڭ تولىق تياناقتانۋىن، جابدىقتاردىڭ تولىق تياناقتانۋىن، زاتتىق ماتەريالداردىڭ تولىق تياناقتانۋىن، باۋلۋدىڭ تولىق تياناقتانۋىن، قابىلەتتىڭ تولىق تياناقتانۋىن شىنايى ورىنداپ، ساقتانۋ - تىزگىندەۋ قاجەتىن قاناعاتتاندىرۋعا، الدىن الا ساقتانىپ كومەسكى حاۋىپ - قاتەرلەردى بولعىزباۋعا شىنايى كەپىلدىك ەتۋ كەرەك.

  ءتورتىنشى، جەتەكتەۋدى كۇشەيتىپ، تاماشا ورتا جاراتۋ كەرەك. ىندەتتەن ساقتانۋ - تىزگىندەۋ جانە جۇقپالى اۋرۋلاردان ساقتانۋ بىلىمدەرىن كەڭ كولەمدە جالپىلاستىرىپ، ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، بۇقارانىڭ ءوزىن قورعاۋ جانە باسقارۋ تانىمىن كۇشەيتىپ، ءار ۇلت بۇقاراسىن عىلمي ساقتانۋ - تىزگىندەۋگە جەتەكتەۋ؛ الدىن الا ساقتانۋدى نەگىز ەتۋگە، ساقتانۋ مەن ەمدەۋدى ۇشتاستىرۋعا تاباندى بولىپ، جاڭا داۋىردەگى وتانشىلدىق تازالىق ارەكەتىن ىشكەرىلەي ورىستەتىپ، قالا، اۋىلداردىڭ ورتا تازالىعىن جالپىلىق رەتتەۋ - وڭاۋدى جالپى بەتتىك ىلگەرىلەتىپ، الەۋمەتتىك دەنساۋلىق ساقتاۋ قۇرىلعىلارىن كەمەلدەندىرىپ، وركەنيەتتى، سالاماتتى، جاسىل، ورتانى قورعايتىن تۇرمىس ءتاسىلىن دارىپتەۋ كەرەك.

  بەسىنشى، جاۋاپكەرشىلىكتى ناقتىلاندىرىپ، قىزمەتتەردى تياناقتاندىرۋدى مىقتاپ يگەرۋ كەرەك. تۇتاس شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ ارەكەتتەنىپ، بىرلەسىپ ساقتانىپ، بىرلەسىپ تىزگىندەپ، ارناۋلى ورگاندار مەن بۇقارانى ۇشتاستىرىپ، بۇقارالىق ساقتانىپ، بۇقارالىق جونگە سالىپ، اۆتونوميالى رايوندىق پارتكوم باسشىلىق ەتەتىن، اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابى ءبىر تۇتاس قولباسشىلىق ەتەتىن، جوعارى مەن تومەن سايكەسەتىن، باستان - اياق جۇرگىزەتىن، اينالىمى جوعارى ءونىمدى ساقتانۋ - تىزگىندەۋ قولباسشىلىق جۇيەسىنە تاباندى بولۋ؛ جەر - جەر، تاراۋلار ناقتى كىرىسىپ، ەگجەي - تەگجەيلى كۇش سالىپ، ساقتانۋ - تىزگىندەۋ تۇيىندەرىن تاعى دا كۇشەيتىپ، ساقتانۋ - تىزگىندەۋ تالاپتارىن تاعى دا تياناقتاندىرىپ، قالتارىس قالدىرماۋعا، اقتاڭداق قالدىرماۋعا تاباندى بولۋ؛ قۋزاۋ - جەتەكشىلىك ەتۋدى، تەكسەرۋدى كۇشەيتىپ، ساتىلار بويىنشا قىسىم ءتۇسىرىپ، ولقىلىقتاردى دەر كەزىندە تولىقتاپ، قىزمەتتىڭ دالمە - ءدال بولۋىن، عىلمي بولۋىن، ءونىمدى بولۋىن ءۇرتىس كۇشەيتىپ، فورماشىلدىقتان، تورەشىلدىكتەن قاتاڭ ساقتانىپ، قىزمەت اتقارماعانداردىڭ، جاۋاپكەرسىزدىك ىستەگەندەردىڭ، جاۋاپكەرشىلىك ارقالاماعانداردىڭ، ىسكەرلىك كورسەتپەگەندەردىڭ، ستيلى تۇرلاۋسىزداردىڭ، جاۋاپكەرشىلىكتەن جالتارىپ، ءبىر - بىرىنە يتەرمەلەگەندەردىڭ جاۋاپكەرشىلىگىن قاتاڭ قۋزاستىرۋ، ولاردى قاتاڭ جاۋاپقا تارتۋ كەرەك.

  التىنشى، ءبىر تۇتاس جوسپارلاپ تەڭ ءمان بەرىپ، جالپى بەتتىك سايكەستىرىپ ىلگەرىلەتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ، ەكونوميكانى جوعارى ساپالى دامىتۋ، كەدەيلىكتەن ارىلتۋدان قامال الۋ، ورنىقتىلىقتى قورعاۋ سياقتى قىزمەتتەردى تىڭعىلىقتى ويداعىداي ىستەپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ، جاپپاي دوڭگەلەك داۋلەتتى قوعام ورناتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.