− باس شۋجي شي جينپيڭنىڭ پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
30 جىلدىق دامۋ ارقىلى پۋدۇڭ وتكەندەگى اۋىل شارۋاشىلىعىن نەگىز ەتكەن وڭىردەن يقۋاتى شوعىرلانعان، فاكتورلارى تولىق، قۇرىلعىلارى وزىق وسىزاماندانعان جاڭا قالاعا اينالىپ، زور وزگەرىستى باستان كەشىردى.
11 - ايدىڭ 12 - كۇنى پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسى شاڭحايدا وتكىزىلدى. باس شۋجي شي جينپيڭ ماڭىزدى ءسوز سويلەپ، پۋدۇڭدى يگەرۋدىڭ، اشىق ۇستاۋدىڭ 30 جىلدان بەرى قول جەتكىزگەن زور جەتىستىگىن تولىق تۇراقتاندىرىپ، كەزەكتە ەلىمىزدىڭ دامۋدا ءدوپ كەلگەن جاعدايى مەن مىندەتىنە تەرەڭ تالداۋ جاساپ، پۋدۇڭنىڭ جاڭا تاريحي ورىن مەن بورىشتى يگەرۋى، جاڭا ساپاردا جوعارى دەڭگەيدە رەفورما جاساۋدى، ەسىك اشۋدى ىلگەرىلەتۋى جونىندە ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، ءبىزدىڭ اناعۇرلىم اشىق ۇستاۋ شارت - جاعدايىندا اناعۇرلىم جوعارى ساپالى دامۋدى جۇزەگە اسىرۋىمىز جونىنەن ماڭىزدى جەتەكشى مانگە يە.
30 جىلدىڭ الدىندا پارتيا ورتالىق كوميتەتى حالىقارا، ەل ءىشى ۇلكەن اۋقىمىن جان - جاقتى تۇجىرىمداپ، رەفورما جاساۋ، دامۋ كەلەلى جاعدايىن ءبىر تۇتاس جوسپارلاپ يگەرىپ، شاڭحاي پۋدۇڭدى يگەرۋ، اشىق ۇستاۋ جونىندە كەلەلى شەشىم جاساپ، ەلىمىزدىڭ رەفورما جاساۋىن، ەسىك اشۋىن ىشكەرىلەي ىلگەرىلەتۋدىڭ شىت جاڭا پاراعىن اشتى. 30 جىلدان بەرى پۋدۇڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاسامپازدىقپەن دايەكتىلەندىرىپ، تياناقتاندىرىپ، كۇللى دۇنيەنىڭ نازارىن اۋدارعان جەتىستىكتەرگە قول جەتكىزدى. ەكونوميكا قارىشتاپ دامۋدى جۇزەگە اسىرىپ، بۇكىل ەلدىڭ 8000نان بىرىندەي اۋماقتا بۇكىل ەلدىڭ 80نەن بىرىندەي ىشكى ءوندىرىس جالپى ءونىم قۇنىن، 15تەن بىرىندەي زات يمپورت - ەكسپورت جالپى سوماسىن جاراتتى؛ رەفورما جاساۋدا، ەسىك اشۋدا بۇكىل ەلدىڭ الدىڭعى لەگىندە ءجۇرىپ، تۇڭعىش فينانس ساۋدا رايونى، تۇڭعىش باجىسىز اۋماق سياقتى ءبىر قىدىرۋ ”بۇكىل ەل بويىنشا بىرىنشىلىكتى“ دۇنيەگە اكەلدى؛ وزەكتى باسەكەلىك قۋاتى زور مولشەردە كۇشەيىپ، وسى زامانعى قىزمەت وتەۋ كاسىبىن نەگىزگى تۇلعا، ستراتەگيالىق جاڭادان گۇلدەنگەن كاسىپ سالاسىن جەتەكشى، وزىق جاساۋ كاسىبىن تىرەك ەتكەن وسى زامانعى كاسىپ سالاسى جۇيەسىن نەگىزىنەن قالىپتاستىردى؛ حالىقتىڭ تۇرمىس دەڭگەيى جالپى تۇلعالىق سيپاتتا ورلەپ، 2019 - جىلى قالا، اۋىل تۇرعىندارىنىڭ جان باسىندىق قولداعى تابىسى 71 مىڭ 647 يۋانعا جەتتى. 30 جىل بوگەتتەردى جارىپ وتكەن، 30 جىل ىستىق - سۋىقتى باستان وتكەرگەن پۋدۇڭدى يگەرۋدىڭ، اشىق ۇستاۋدىڭ امالياتى مىنانى تولىق ايگىلەدى: ”پۋدۇڭنىڭ دامۋىنىڭ ءمانى تەرەزەلىك رولىندا، ۇلگى كورسەتۋ ءمانى باتىلدىقپەن اتويلاپ، باتىلدىقپەن سىناق جۇرگىزۋىندە، الدىمەن اتقارىپ، الدىمەن سىناق جۇرگىزۋىندە، سەركەلىك رولىندا“.
باس شۋجي شي جينپيڭ بىلاي دەپ تەرەڭ اتاپ كورسەتتى: ”پۋدۇڭدى يگەرۋدىڭ، اشىق ۇستاۋدىڭ 30 جىلىندا قول جەتكىزگەن ەلەۋلى جەتىستىكتەر جۇڭگوشا سوتسياليستىك ءتۇزىم ابزالدىلىعىنىڭ ەڭ جاندى رەال، ايقىن دالەلى، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ەڭ جالىندى امالياتتىق ايعاعى!“. رەفورما جاساعان، ەسىك اشقان 40 نەشە جىلدان بەرى، جاڭا مەزگىلدى اشۋدان جاڭا عاسىرعا قادام تاستاۋعا دەيىن، جاڭا باستامادا تۇرۋدان جاڭا داۋىرگە وتۋگە دەيىن، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭگوشا سوتسياليزم قۇرىلۋدان، دامۋدان كەمەلدەنۋگە دەيىنگى ۇلى شارىقتاۋدى قارسى الدى، جۇڭگو حالقى كيەر كيىم، ىشتەر اس جەتپەۋدەن دوڭگەلەك داۋلەتتىلىككە، بايۋعا دەيىنگى ۇلى شارىقتاۋدى قارسى الدى. اماليات مىنانى تولىق دالەلدەدى: پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى قالىپتاسقان پارتيانىڭ نەگىزگى نازاريالارى، نەگىزگى لۋشيانى، نەگىزگى جالپى جوباسى بۇكىلدەي دۇرىس؛ رەفورما جاساۋ، ەسىك اشۋ − جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ، ءسوز جوق، باسىپ وتەر جولى؛ رەفورما جاساۋدا، دامۋدا، ءسوز جوق، حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىسانامىز ەتىپ، حالىققا سۇيەنە وتىرىپ تاريحي ۇلى ناتيجە جاراتۋىمىز كەرەك!
قازىردەن وسى عاسىردىڭ ورتا شەنىنە دەيىنگى ۋاقىت ەلىمىز جاپپاي سوتسياليستىك وسىزاماندانعان قۇدىرەتتى مەملەكەت قۇراتىن 30 جىل. جاڭا ساپاردا پۋدۇڭنىڭ جاڭا تاريحي ورنى مەن بورىشىن جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايى، دۇنيە جۇزىندە 100 جىلدا بولماعان زور وزگەرىس سىندى ەكى كەلەلى جاعداي اياسىنا قويىپ جوسپارلاۋىمىز، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋ اياسىنا قويىپ ويلاستىرۋىمىز جانە جوسپارلاۋىمىز، وزگەرىستى ءدال تانۋىمىز، وزگەرىسكە عىلمي توتەپ بەرۋىمىز، ىرىقتىلىقپەن وزگەرىسكە ۇمتىلۋىمىز، داعدارىس ىشىندە ىڭعايلى وراي جەتىلدىرۋىمىز، وزگەرىس ىشىندە جاڭا جاعداي اشۋىمىز جونىنەن كەلەلى مانگە يە. پارتيا ورتالىق كوميتەتى «پۋدۇڭ جاڭا رايونىنىڭ جوعارى دەڭگەيدە رەفورما جاساپ، ەسىك اشۋىن، سوتسياليستىك وسىزامانداندىرۋ قۇرىلىسىندا جەتەكشى رايون قالىپتاستىرۋىن قولداۋ جونىندەگى پىكىردى» جاساپ، پۋدۇڭ جاڭا رايونىنىڭ رەفورما جاساۋىنا، ەسىك اشۋىنا تىڭ دا كەلەلى مىندەت جۇكتەۋدى اقىلداسۋدا. پۋدۇڭ ورايدى مىقتى يگەرىپ، ەكپىنمەن العا ۇمتىلىپ، جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ ارناسىن قالىپتاستىرۋعا قىزمەت وتەپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، ەڭ اۋىر جۇكتى جۇرەكتىلىكپەن ارقالاپ، ەڭ ماشاقاتتى تۇيىندەردى شەشىپ، اناعۇرلىم جوعارى دەڭگەيدە رەفورما جاساۋدىڭ، ەسىك اشۋدىڭ جول اشار اۆانگاردى، جاپپاي سوتسياليستىك وسىزاماندانعان مەملەكەت قۇرۋدىڭ اتويشىسى، ”ءتورت سەنىمدى“ ايگىلەۋ امالياتىنىڭ ۇلگىسى بولۋعا قۇلشىنىپ، دۇنيە جۇزىنە جۇڭگو ۇستانىمىن، جۇڭگو رۋحىن، جۇڭگو جولىن اناعۇرلىم ويداعىداي كورسەتۋ كەرەك.
جاڭا داۋىردە رەفورما جاساۋ، ەسىك اشۋ جورىعىنا تاعى اتتانعان پۋدۇڭ كەمەلىنە كەلگەن 30 جىلدا العا قاراي ارشىندى قادام باستى. پۋدۇڭدى يگەرۋدىڭ، اشىق ۇستاۋدىڭ 30 جىلدىق بارىسى يدەيانى ازات ەتۋ، رەفورمانى تەرەڭدەتۋ جولىمەن، دۇنيە جۇزىنە بەت الۋ، ەسىكتى ايقارا اشۋ جولىمەن، داعدىلى قاعيدانى بۇزىپ، جاڭالىق اشىپ، ناتيجە شىعارۋ جولىمەن ءجۇرۋ بولىپ تابىلادى. بولاشاقتى بەتكە العان پۋدۇڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا قايراتتانا ۇمتىلىپ، اناعۇرلىم تەرەڭ قاتپارلى رەفورما جاساۋدى، اناعۇرلىم جوعارى دەڭگەيدە ەسىك اشۋدى ىلگەرىلەتەتىن بولسا، ءسوزسىز، جاپپاي سوتسياليستىك وسىزاماندانعان مەملەكەت قۇرۋ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جاڭا دا اناعۇرلىم زور ۇلەس قوسا الادى!
(شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى)
