تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە ۇگىت - لەكسيا جاساۋعا اتتانىسقا كەلتىرۋ جانە توپتىق ساباق دايىنداۋ ءماجىلىسىن اشتى

تۇتاس رايونىمىزدا جالپى ءماجىلىستىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ قىزۋ ورلەۋىن كوتەرەيىك

    شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 11 - ايدىڭ 15 - كۇنى ۇرىمجىدەن حابارلايدى. اۆتونوميالى رايوننىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە ۇگىت - لەكسيا جاساۋعا اتتانىسقا كەلتىرۋ جانە توپتىق ساباق دايىنداۋ ءماجىلىسى 11 - ايدىڭ 15 - كۇنى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى.

  تاياۋدا اۆتونوميالى رايون تىرەكتى كادرلاردان ۇگىت - لەكسيا ۇيىرمەسىن ۇيىمداستىرىپ، ءارقايسى مەڭگەرمەلەرگە، مەكەمەلەرگە، ايماقتارعا، وبلىستارعا، جوعارى مەكتەپتەرگە جىبەرەدى، ولار ورگانداردى، الەۋمەتتىك اۋماقتاردى، اۋىل - قىستاقتاردى، كاسىپورىنداردى، مەكتەپتەردى ارالاپ بەتپە - بەت، ىقپالداستىق فورماسىندا ۇگىت - لەكسيا جۇرگىزەدى.

  ءماجىلىس مىنانى باسا دارىپتەدى: جالپى ءماجىلىستىڭ رۋحى جونىندە ويداعىداي ۇگىت - لەكسيا جۇرگىزۋدىڭ كەلەلى ءمانىن جەتە تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسا جوعارى ساياسي سانالىلىق جانە ارەكەت سانالىلىعى ارقىلى تۇتاس رايونىمىزداعى ءار ۇلت كادر، بۇقاراسى اراسىندا جالپى ءماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزۋ ورلەۋىن كوتەرۋ كەرەك.

  ءماجىلىس مىنالاردى باسا دارىپتەدى: جالپى ءماجىلىستىڭ رۋحى جونىندە جاپپاي، دۇرىس ويداعىداي ۇگىت - لەكسيا جۇرگىزىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ كەلەلى ءمانىن ايقىن ۇعىندىرۋ، جاپپاي دوڭگەلەك داۋلەتتى قوعام قۇرۋدا قول جەتكەن شەشۋشى تابىستاردى ايقىن ۇعىندىرۋ، پارتيا ورتالىق كوميتەتىنىڭ ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى بەلگىلەۋدەگى ستراتەگيالىق ويىن ايقىن ۇعىندىرۋ، 2035 - جىلعا دەيىن سوتسياليستىك وسىزاماندانۋدى نەگىزىنەن جۇزەگە اسىرۋ بولاشاقتىق نىساناسى مەن ”14 - بەسجىلدىق“ كەزىندەگى ەكونوميكالىق، قوعامدىق دامۋدىڭ باعىتىن، پرينسيبىن، باستى نىسانالارىن، ءتۇيىندى مىندەتتەرىن ايقىن ۇعىندىرۋ، جالپى ماجىلىستە العا قويىلعان ءبىرسىپىرا تىڭ ماڭىزدى يدەيالاردى، ماڭىزدى تۇجىرىمداردى، كەلەلى شارالاردى ايقىن ۇعىندىرۋ، ايبىندى نىسانانى جۇزەگە اسىرۋدا، ءسوز جوق، پارتيانىڭ جالپى بەتتىك باسشىلىعىنا تاباندى بولۋ كەرەكتىگىن ايقىن ۇعىندىرۋ كەرەك. جالپى ءماجىلىستىڭ رۋحىن ۇگىتتەۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇگىتتەۋمەن ۇشتاستىرۋعا باسا ءمان بەرىپ، ءار ۇلت كادرلارى مەن بۇقاراسىنىڭ سەنىمىن نىعايتىپ، جىگەر - قايراتىن ۇشتاۋ كەرەك.

  ءماجىلىس مىنانى تالاپ ەتتى: ىشكەرىلەي ۇيرەنىپ، تاپتەشتەي زەرتتەپ، تىڭعىلىقتى ساباق دايىنداپ، امالياتپەن بىرلەستىرىپ، ءجىتى قاداعالاپ وتىرعان ماسەلەلەرگە بەلسەنە ءۇن قاتىپ، بەتالىستى جاقسى يگەرىپ، قۇزىرەتتىلىگىنە شىنايى كەپىلدىك ەتىپ، ۇگىت - لەكسيا مانەرىنە باسا ءمان بەرىپ، ونىمدىلىكتى كۇشەيتىپ، ۇگىت - لەكسيانىڭ نەگىزگى ساتىعا جاناسىمدى، جاندى، اسەرلى بولۋىنا مۇمكىندىك جاساپ، ءار ۇلت كادرلارى مەن بۇقارانى جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە سونى ۇلەس قوسۋعا شابىتتاندىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.