شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ تيڭ حابارلايدى. ”كوپشىلىك، سالەمەتسىزدەر مە! مەن اينۇرمىن، ينتەرنەتتەگى تىكە تاراتۋ بولمەمە كەلگەندەرىڭىزدى قىزۋ قارسى الامىن، كوڭىل ءبولىپ، قولداپ - قۋاتتاعاندارىڭىزعا كوپ راقىمەت“. اينۇر قاماش قول تەلەفونىن كوتەرگەندە، ارت جاعىنان اۋىل - قىستاقتىڭ جاندى كورىنىسى جارقىراي كورىندى، ال ەكراننىڭ تاعى ءبىر بەتىندە بولسا باۋىرمال تورداستار قىزعىندىلىق تانىتىپ جاتتى. جاقىنداعى بىرنەشە جىلدا، ينتەرنەتتە تىكە تاراتۋ كاسىبى كاسىپتەنۋ ارناسىن قالىپتاستىرىپ، اناعۇرلىم كوپ جاستاردىڭ ءوز اۋىلىنان قىزمەت تابۋىنا جاڭا وراي ازىرلەدى.
80 - جىلداردىڭ“ تۇلەگى بولعان اينۇر بۋرىلتوعاي اۋدانى كوكاعاش اۋىلى اقوتكەل قىستاعىنىڭ تانىمالى تىكە تاراتۋشى.
2014 - جىلى، اينۇردىڭ وتباسى قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن. ۇيلەنگەنىنە ۇزاق جىل بولماعان ونىڭ ەكى بالاسى بار ەدى، وتباسى ىشەر اسقا دا زار بولاتىن. ەرلى - زايىپتى ەكەۋىندە كاسىپ جاراتاتىن قارجى مەن ءوندىرىس ماتەريال كەمشىل، تەحنيكالىق ءبىلىم جوق بولعاندىقتان تەك ۇساق - تۇيەك جۇمىس ىستەپ كۇنەلتەتىن. كىشكەنتاي بالالارىنا قارايلاسۋ ءۇشىن، ولار تۋىس - تۋعانىنان قارىز الىپ شاعىن دۇكەن اشىپ تا كوردى، ساۋداسى تىم جاقسى بولمادى، ءبىر ايدا تەك 500 - 600 يۋان عانا كىرىس كىرەتىن، تۇراقتى قىزمەتى مەن تۇراقتى كىرىسى بولۋ اينۇردىڭ ارمانى ەدى.
2019 - جىلى 1- ايدا، اينۇردىڭ وتباسىلىق جاعدايىنان جانە شاعىن دۇكەن اشقان تاجىريبەسى بارلىعىنان حاباردار بولعان قىستاق پارتيا ياچەيكاسى جاڭادان سالىنعان ەلەكتروندى ساۋدا ەرەن بازارىن ونىڭ باسقارۋىنا تابىستايدى. جاقىنداعى ەكى جىلدان بەرگى تۇتاس اۋدان ساياحات كاسىبىنىڭ دامۋىنا ىلەسىپ، اقوتكەل قىستاعىنا كەلەتىن ساياحاتشىلاردىڭ سانى بارعان سايىن مولايدى، ەرەن بازاردىڭ ساۋداسى دا بارعان سايىن كۇسەتتەدى. اينۇر جەرگىلىكتى ورىنداعى اۋىل شارۋاشىلىق قوسىمشا ونىمدەرى بايلىعىنا سۇيەنىپ، جالاڭ تۇلعالىق دۇكەننەن ”جەلىدە + جەلىدەن تىس“ قوس باعىتتاعى ساتۋ ۇلگىسىنە ءوتىپ ۇلگەردى.
”’قىستاق ەكى كوميتەتى“ جانە ”ۇعىسۋ، تيىمدىلىك جاساۋ، توعىستىرۋ“بويىنشا قىستاقتا تۇراتىن قىزمەت اترەتىنىڭ كومەگىندە، ءبىز وتكەن جىلى قىستان بەرى تىكە تاراتىلىم ارقىلى اۋىل شارۋاشىلىق قوسىمشا ونىمدەرىن ساتا باستادىق. باستابىندا ساۋدانى جۇرگىزە المادىق، باسقالاردان كەڭەس سۇراۋدان دا قىسىلدىق. كەيىن كەلە قىزمەت اترەتى مۇشەلەرىنىڭ بىزگە ىرىقتىلىقپەن جەتەكشىلىك ەتۋىندە، ءبىز وزگەلەردەن قالاي ىستەۋدى ۇيرەنە باستادىق. قازىر مەن ۇيىمدە وتىرىپ تىكە تاراتامىن، جولداسىم مەن بالالارىم دا مەنىمەن بىرلىكتە ەكرانعا شىعىپ جەرگىلىكتى، ەرەكشە ونىمدەردى ساتادى“.
ەلەكتروندى ساۋدا تۇعىرىنىڭ رولىنان تولىق ساۋلەلەندىرىپ، اۋىل شارۋاشىلىق ونىمدەرىن ساتۋ بازارىن كەڭەيتۋ ءۇشىن، بۋرىلتوعاي اۋدانى 2017 – جىلدان بەرى، ەلەكتروندى ساۋدا ساياساتى نازارياسى، تيجاراتتىق مەڭگەرۋ، تەحنيكالىق قابىلەتتى ءوسىرۋ سياقتى كۋرستاردى اشىپ، ارحيۆ تۇرعىزىلىپ، كارتچكالاندىرىلعان وتباسىلارىنىڭ ۇزاق ۋاقىتتىق كاسىپتەنۋىنە جانامالاي دەم بەرەتىن جۇمىس ورنىنان 14ىن، قىسقا مەرزىمدىك كاسىپتەنەتىن جۇمىس ورنىنان 73ىن ازىرلەپ، 20 ميلليون يۋاندىق اۋىل شارۋاشىلىق ءونىمىن ساتۋعا جەتەكشىلىك ەتتى. سونىمەن قاتار، ”ىرىستى بۋرىلتوعاي“ اۋداندىق وڭىرلىك ەلەكتروندى ساۋدا تەكشەسىن قۇرىپ، اۋىل شارۋاشىلىق ونىمدەرىن قالاعا ەنگىزۋ، ونەركاسىپ ونىمدەرىن اۋىل - قىستاققا جەتكىزۋ سىندى قوس باعىتتاعى اينالىم ارقىلى، ”ۇلىڭگىر كولى تاۋباۋ مەرەكەسى“ قاتارلى فورمالارمەن اۋىل شارۋاشىلىق ونىمدەرىنىڭ ساتىلۋ مولشەرىن ۇزدىكسىز ارتتىرىپ، بۇقارا كىرىسىنىڭ ورنىقتىلىعىنا كەپىلدىك ەتتى.
”قازىر اۋىل - قىستاقتىڭ دامۋى بارعان سايىن جاقساردى، اۋىل - قىستاق ەلەكتروندى ساۋداسى جاستاردىڭ اۋىلعا قايتىپ شارۋاشىلىق قۇرىپ كاسىپتەنۋىنىڭ جاڭا جولىنا اينالدى“،-دەدى التاي ايماقتىق ساياسي كەڭەس قىزمەت كوميتەتىنىڭ اقوتكەل قىستاعىندا تۇراتىن ءبىرىنشى شۋجيى ليۋ مين، ”بۇدان بىلاي جالعاستى تەحنيكالىق جەتەكشىلىك ەتۋ، باۋلۋ كۋرسىن اشۋ جانە ايگىلى ماركا ساتۋ قاتارلى ۇلگىلىك، باستاماشىلدىق رولى ارقىلى، ءتىپتى دە كوپ ديقان، مالشىلاردىڭ ەلەكتروندى ساۋدا نىساندارى ارقىلى جۇمىسقا ورنالاسۋىنا، شارۋاشىلىق قۇرۋىنا، كىرىستى ارتتىرىپ، اۋقاتتانۋىنا كومەكتەسەمىز“.
