شينجياڭ گازەتىنىڭ جالپىلىق اقپارات قۇرالدارى ءتىلشىسى يۇي مىڭران ەرىكتى ءتىلشى امەرجان اسەن
11 - ايدىڭ 3 - كۇنى باي اۋدانى تيانيۋان جىلۋمەن قامداۋ سەرىكتەستىگىنىڭ جۇمىسشىسى الىم ساۋىت مەكەمەگە ەرتە جەتىپ، قىزمەت كيىمىن الماستىرىپ، دۋلىعاسىن كيىپ، ءبىر كۇندىك قىزمەتىن باستاپ كەتتى.
بۇرىنعى كەزدەگى قىستاقتاعى ”جالقاۋدان“ كاسىپورىننىڭ جۇمىسشىسى بولعان الىمنىڭ قازىر قايراتى مىعىم، سەنىمى كۇشتى.
جۇمىس ورنىنا كەلە سالا الدىمەن پارقازان ۇيىنە بارىپ قىزمەتتەسىنەن جۇمىستى وتكىزىپ الدى، قىزمەتتى جالعاستىرۋ كەستەسىن مۇقيات تولتىرعان سوڭ، پارقازاندى جان - جاقتىلى تەكسەرىپ، بوساپ قالعان بەنت بار - جوعىن، پارقازانعا قايتقان سۋ تەمپەراتۋراسىنىڭ قالىپتى - قالىپسىزدىعىن كوردى...
”ءميجىت، ەندى 40 مينۋت وتكەن سوڭ كومىر سالامىز، سەن الدىمەن ازىراق سۋ قۇي، تەمپەراتۋراعا كوڭىل ءبول...“ الىم شاكىرتىنە تاپسىرما بەرۋدە، ول الدەقاشان تەحنيكانى ابدەن مەڭگەرگەن پارقازان جۇمىسشىسىنا اينالدى، تاعى شاكىرت تاربيەلەدى.
43 جاستاعى الىم باي اۋدانى باي قالاشىعى شىعىس ءمالى قىستاعىنىڭ تۇرعىنى، وتباسىندا 5 جان جانە 5 مۋ جەرى بار، تۇرمىسى وتە تاپشى بولاتىن.
”3 قىزىم دا وقيدى، بىرنەشە جىلدىڭ الدىندا مەن دە ءجون بىلمەي، ۇنەمى ۇيدە جاتىپ، سىرتقا شىعىپ جۇمىس ىستەمەي، ’جان تىنىش كەدەيلىكپەن‘ كۇن وتكىزەتىنمىن. ول كەزدە وتباسىمىز ايەلىمنىڭ ۇساق - تۇيەك جۇمىس ىستەپ تاپقانىنا سۇيەنىپ تۇرمىس كەشىرەتىن ەدىك“. وسىلاردى ايتقاندا الىم قاتتى ۇيالدى.
بىرنەشە جىلدىڭ الدىندا الىمنىڭ ۇلكەن قىزى رەۆماتيزم اۋرۋىنا شالدىعادى، قولىندا اقشاسى بولماعان سوڭ جان - جاقتان قارىز الىپ بالاسىنىڭ اۋرۋىن كورسەتەدى. وسى ءىس الىمعا قاتتى اسەر ەتەدى، ول قۇلشىنا جۇمىس ىستەپ، بالالاردى جاقسى تۇرمىسقا كەنەلتۋگە بەكيدى. الايدا مادەنيەت ورەسى تومەن ءارى تەحنيكا بىلمەيتىن الىم ءۇشىن جۇمىس تابۋ تىم وڭاي بولمايدى.
2019 - جىلى 4 - ايدا سول كەزدە باي اۋداندىق پارتكوم ۇگىت بولىمىنەن شىعىس ءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋ يامەيدىڭ تانىستىرۋىندا، الىم اۋدانداعى جىلۋمەن قامداۋ سەرىكتەستىگىنە بارىپ جۇمىس ىستەيدى.
وسى قىزمەتتى تەزىرەك يگەرۋ ءۇشىن، الىم جايشىلىقتا دەن قويا باقىلاپ، قۇلشىنا ۇيرەنەدى.
”الىم العاش كەلگەن كەزدە ەشنارسە بىلمەيتىن، ءبىز ءبىر قارت ۇستاز ورنالاستىرىپ وعان ۇيرەتتىك، جارتى جىل قۇلشىنىس جاساۋ ارقىلى الىم ءتۇرلى باعالاۋدان تولىمدى بولىپ، پارقازان جۇمىسشىسىنا اينالىپ، دەربەس قىزمەت ورنىنا شىقتى“، - دەدى باي اۋدانى تيانيۋان جىلۋمەن قامداۋ سەرىكتەستىگىنىڭ ورىنباسار ديرەكتورى دۇڭ جۇن.
جارتى جىلدا باعالاۋدان ءوتۋ، بۇل ناتيجە الىم ءۇشىن ايتقاندا، راسىندا، وڭاي ەمەس. ەگىنشىدەن جۇمىسشىعا اينالۋدا الىم ايانباي تەر توكتى.
”سول بىرنەشە ايدا مەن ءتۇرلى ماسەلەگە توتەپ بەرۋدى ۇيرەنۋ ءۇشىن ۇنەمى مەكەمەدە جاتتىم، ۇستازدارىم ماعان كوپ تاجىريبە ۇيرەتتى، بۇل مەنىڭ تەز جەتىلۋىمە زور كومەگىن تيگىزدى“، - دەدى الىم.
قازىر الىم باي اۋدانى تيانيۋان جىلۋمەن قامداۋ سەرىكتەستىگىمەن ەڭبەك توقتامىنا قول قويدى، ونىڭ بولاشاققا دەگەن سەنىمى زور.
”مەن 10 مىڭ يۋاننان ارتىق اقشا جيدىم. قىستاق تۇرعىندار كوميتەتى ايەلىمدى ۇن تاعامدارىن جاساۋدى ۇيرەنۋگە جىبەرىپ، ونى ءبىر كەسپە دۇكەنىندە جۇمىس ىستەۋگە تانىستىردى، قازىر ونىڭ دا ايىنا تۇراقتى كىرىسى بار“، - دەدى الىم.
قازىر الىم مەن جۇبايىنىڭ ارمانى كوپ اقشا تاۋىپ، تۇرمىستارىن بارعان سايىن جاقسارتۋ.
