تيانشان تورى   ›   ۇيرەنۋ   ›   شولۋ

اناعۇرلىم اشىق ۇستاۋ شارت - جاعدايىندا اناعۇرلىم جوعارى ساپالى دامۋدى جۇزەگە اسىرايىق

− باس شۋجي شي جينپيڭنىڭ پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  ”سىرتقا ەسىك اشۋ ەلىمىزدىڭ نەگىزگى مەملەكەت ساياساتى، ءارقانداي ۋاقىتتا دا اۋىتقۋعا بولمايدى“. پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسىندا باس شۋجي شي جينپيڭ بىلاي دەپ تەرەڭ اتاپ كورسەتتى: سىن - سايىستارعا ءدوپ كەلگەن سايىن، ءبىز تاريحتىڭ العا باسۋ لوگيكاسىنا بويسۇنۋىمىز، ءداۋىردىڭ دامۋ اعىمىنا ۇيلەسۋىمىز، حالىق بۇقاراسىنىڭ تىلەگىنە سايكەسۋىمىز، اناعۇرلىم اشىق ۇستاۋ شارت - جاعدايىندا اناعۇرلىم جوعارى ساپالى دامۋدى جۇزەگە اسىرۋىمىز كەرەك.

  ەسىك اشۋ زامانىمىزداعى جۇڭگونىڭ ايقىن بەلگىسى. رەفورما جاساعان، ەسىك اشقان 40 جىلدان استام ۋاقىتتان بەرى، ەنگىزۋدەن سىرتقا شىعۋعا دەيىن، دۇنيە جۇزىلىك ساۋدا ۇيىمىنا كىرۋدەن ”ءبىر بەلدەۋ، ءبىر جولدى“ بىرگە قۇرۋعا دەيىن، جۇڭگو حالىقارالىق يمپورت كورمەسىن وتكىزۋدەن ىندەتتىڭ ىقپالىنا ۇشىراساق تا ەسىك اشۋ قادامىن سوندا دا تەزدەتۋگە دەيىن، جۇڭگو مەملەكەت قاقپاسىن اشىپ، قۇرىلىس جۇرگىزۋگە تاباندى بولىپ، توماعا - تۇيىقتىقتان، جارتىلاي توماعا - تۇيىقتىقتان جان - جاقتىلى ەسىك اشۋعا دەيىنگى ۇلى بۇرىلىستى جۇزەگە اسىرىپ، ءوزىن دامىتىپ قانا قالماستان، دۇنيە جۇزىنە دە باقىت جاراتتى. ءدال باس شۋجي شي جينپيڭ باسا دارىپتەگەندەي: ”سىرتقا ەسىك اشۋدى ۇزدىكسىز كەڭەيتىپ، سىرتقا ەسىك اشۋ دەڭگەيىن جوعارىلاتىپ، ەسىك اشۋ ارقىلى رەفورمانى جەبەۋ، دامۋدى جەبەۋ − ەلىمىزدىڭ دامۋدا ۇزدىكسىز جاڭا تابىستارعا قول جەتكىزۋىندەگى ماڭىزدى اسىل“. اماليات وتكەن 40 جىلدان استام ۋاقىتتاعى جۇڭگو ەكونوميكاسىنىڭ دامۋى ەسىك اشۋ شارت - جاعدايىندا قولعا كەلگەندىگىن، كەلەشەكتەگى جۇڭگو ەكونوميكاسىنىڭ جوعارى ساپالى دامۋدى جۇزەگە اسىرۋى دا، ءسوز جوق، ەسىكتى ءتىپتى دە ايقارا اشۋ شارت - جاعدايىندا جۇرگىزىلەتىندىگىن دالەلدەدى. جۇڭگونىڭ اشىلعان قاقپاسى جابىلمايدى، تەك بارعان سايىن ايقارا اشىلادى. بۇل جۇڭگونىڭ رەالدىق جانە ۇزاق ۋاقىتتىق دامۋ قاجەتى نەگىزىندە جاساعان ستراتەگيالىق تالعامى ءارى ءىس جۇزىندىك ارەكەتى ارقىلى ەكونوميكانىڭ جاھاندانۋىن ىلگەرىلەتىپ، دۇنيە جۇزىندەگى ءار ەل حالىقتارىن باقىتقا كەنەلتۋدە.

  باس شۋجي شي جينپيڭ بىلاي دەپ اتاپ كورسەتتى: ”ءبىر مەملەكەت، ءبىر ۇلت گۇلدەنەم دەيدى ەكەن، ءسوز جوق، تاريحتىڭ العا ىلگەرىلەۋ لوگيكاسىندا ىلگەرىلەۋى، ءداۋىر دامۋىنىڭ اعىنىندا دامۋى كەرەك“. قازىر دۇنيە ءجۇزى 100 جىلدا بولماعان زور وزگەرىستى باستان وتكەرۋدە، جاڭا تيپتى ايدارشا ۆيرۋس وكپە قابىنۋ ىندەتىنىڭ الەمدە كەڭىنەن تارالۋى وسى زور وزگەرىستى جەدەل قۇبىلتتى، سىڭار جاقتىلىق، قورعامپازدىق اسقىنىپ، حالىقارالىق ارنا تەرەڭ رەتتەلىپ، ورنىقسىزدىق، تۇراقسىزدىق فاكتورلار كورنەكتى ارتتى. مىنانى كورە ءبىلۋ كەرەك: ەكونوميكانىڭ جاھاندانۋى ءىشىنارا قايتارما تولقىنعا تاپ بولدى، الايدا دۇنيە ءجۇزى استە ءوزارا تۇمشالانعان، ءبىر - بىرىنەن بولەكتەنگەن كۇيگە قايتىپ ورالمايدى، ەسىك اشۋ، سەلبەسۋ ءالى دە تاريحي اۋقىم، ءوزارا تيىمدىلىك جەتكىزىپ، تەڭ يگىلىككە كەنەلۋ ءالى دە ەل تىلەگى. قازىرگى داۋىردە ەسىكتى جاۋىپ الىپ قۇرىلىسپەن اينالىسام دەيتىن ءارقانداي وي، جان بالاسىن جانىنا جۋىتپايتىن ءارقانداي ءتاسىل، وزىمنەن وزار ەشكىم جوق، جەڭىمپاز ءبارىن الادى دەيتىن ءارقانداي دالباسالىق تۇگەلدەي تاريح اعىنىنا قارسى ارەكەت! دۇنيە ءجۇزى ەكونوميكاسى شالقار تەڭىز، دۇنيە ءجۇزىنىڭ شالقار تەڭىز، الىپ مۇحيتتارى تۇتاسقان، كىمدە - كىم دۇنيە ءجۇزى تەڭىز، مۇحيتتارىنىڭ تۇتاسۋىنا ورىنسىز كەدەرگى بولۋعا ۇرىنسا، تۇگەلدەي ءالىن بىلمەي قۇر قيالعا سالىنۋ عانا بولادى! قارسى داۋىل مەن قايتارما تولقىن بىزگە استە بوگەت بولا المايدى، تاريحتىڭ دۇرىس جاعىندا تۇرىپ، ەسىك اشۋدى تاباندىلىقپەن جالپى بەتتىك كەڭەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىمىز، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىمىز كەرەك.

  قازىردەن وسى عاسىردىڭ ورتا شەنىنە دەيىنگى ۋاقىت ەلىمىز جاپپاي سوتسياليستىك وسىزاماندانعان قۇدىرەتتى مەملەكەت قۇراتىن 30 جىل، مۇنان بىلايعى ءبىر مەزگىلدە ءبىز اناعۇرلىم كۇردەلى دە وزگەرىسكە تولى سىرتقى ورتاعا ءدوپ كەلەمىز. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى حالىقارا، ەل ءىشى جاعدايىنا ىشكەرىلەي تالداۋ جاساپ، دۇنيە ءجۇزىنىڭ ۇلكەن اۋقىمىن ءدال يگەرىپ، ”14 - بەسجىلدىق“ مەزگىلىندەگى ەلىمىزدىڭ دامۋىنا جالپى بەتتىك جوبا جاساپ، جاڭا جاعدايعا، جاڭا تالاپقا ۇيلەسە وتىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى العا قويدى. ەل ىشىندەگى ۇلكەن اينالىمدى نەگىزگى تۇلعا ەتۋ استە ەسىكتى جاۋىپ الىپ تۇيىق اينالىم جاساۋ ەمەس، قايتا ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارا بازارىن اناعۇرلىم ويداعىداي ۇلاستىرىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، اشىق دامۋ بارىسىندا ستراتەگيالىق ىرىقتىلىقتى اناعۇرلىم ويداعىداي قولعا كەلتىرۋ بولىپ تابىلادى. كەلەشەكتى بەتكە العاندا، جۇڭگو ءوزارا تيىمدىلىك جەتكىزىپ، تەڭ يگىلىككە كەنەلەتىن اشىق ستراتەگيانى تاباندىلىقپەن ۇستانىپ، سىرتقا ەسىك اشۋ دەڭگەيىن جالپى بەتتىك جوعارىلاتىپ، اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قۇرىپ، اناعۇرلىم كەڭ كولەمدەگى، اناعۇرلىم كەڭ سالاداعى، اناعۇرلىم تەرەڭ ساتىداعى سىرتقا ەسىك اشۋدى اتقارىپ، ىشكى - سىرتقى بازاردى ۇلاستىرۋدى، فاكتور بايلىعىنان ورتاق پايدالانۋدى اناعۇرلىم ونىمدىلىكپەن جۇزەگە اسىرىپ، حالىقارالىق سەلبەستىك پەن باسەكەدە جاڭا باسىمدىق قالىپتاستىرىپ، دۇنيە جۇزىنەن دامۋعا قوزعاۋشى كۇش الۋمەن بىرگە، جۇڭگونىڭ دامۋى ارقىلى دا دۇنيە جۇزىنە اناعۇرلىم جاقسى تيىمدىلىك جەتكىزەدى.

  شاڭحاي داڭقتى قالا، كەرەمەتكە ۇزدىكسىز كۋا بولعان جەر. پۋدۇڭدى يگەرۋدىڭ، اشىق ۇستاۋدىڭ 30 جىلىندا قول جەتكەن كورنەكتى تابىستار جۇڭگوشا سوتسياليستىك ءتۇزىم ابزالدىلىعىنا ەڭ جاندى بولعان رەال دالەل ازىرلەدى، رەفورما جاساۋ، ەسىك اشۋعا جانە سوتسياليستىك وسىزامانداندىرۋ قۇرىلىسىنا ەڭ جالىندى امالياتتىق ايعاق ازىرلەدى. جاڭا داۋىردەگى جۇڭگو دامۋىنىڭ ايبىندى ساپارىندا پۋدۇڭ، ءسوز جوق، اناعۇرلىم جوعارى دەڭگەيدە رەفورما جاساۋدىڭ، ەسىك اشۋدىڭ جول اشار اۆانگاردى، جاپپاي سوتسياليستىك وسىزاماندانعان مەملەكەت قۇرۋدىڭ اتويشىسى، ”ءتورت سەنىمدى“ ايگىلەۋ امالياتىنىڭ ۇلگىسى بولادى، شاڭحاي، ءسوز جوق، دۇنيە ءجۇزىن جالت قاراتاتىن جاڭا كەرەمەتتەردى جاراتادى، ءسوز جوق، سوتسياليستىك وسىزاماندانعان مەملەكەت قۇرۋدىڭ جاڭا كەلبەتىن ايگىلەيتىن بولادى!

  (شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.