تيانشان تورى   ›   جاڭالىقتار   ›   وقۋ-اعارتۋ

شينجياڭ وقىتۋشىلاردىڭ ناقتى قيىنشىلىعىن شەشىم ەتىپ، ولاردى تۇراقتاپ قالۋعا شابىتتاندىردى

وقىتۋشىلار جاتاق، تاماق، قاتىناس ماسەلەسىنەن ەندىگارى قام جەمەيتىن بولدى

شينجياڭ وقىتۋشىلاردىڭ ناقتى قيىنشىلىعىن شەشىم ەتىپ، ولاردى تۇراقتاپ قالۋعا شابىتتاندىردى

  جۇڭگو وقۋ - اعارتۋ گازەتىنىڭ ءتىلشىسى جياڭ فۋىر حابارلايدى. حوتان ايماعى 500 دەن استام شاعىن اسحانا سالدى، اقسۋ ايماعىنىڭ كەڭەيتىپ سالعان، جاڭادان سالعان قالا رايونىنداعى وقىتۋشىلار جاتاعى مەن اۋىل - قىستاق وقىتۋشىلار اينالىم جاتاق ۇيلەرىنىڭ سانى ون مىڭنان استى... ءتىلشىنىڭ تاياۋدا شينجياڭ وقۋ - اعارتۋ مەڭگەرمەسىنەن ۇعىسۋىنشا، جاقىنعى جىلداردان بەرى، شينجياڭ ءبىر قىدىرۋ شارالاردى شىعارىپ، وقىتۋشىلاردىڭ قىزمەت پەن تۇرمىسىنداعى ناقتى قيىنشىلىعىن شەشىم ەتتى. جەر - جەر كوپ جاقتى قارجىمەن وقىتۋشىلار جاتاعى مەن اينالىم ۇيلەرىن جاڭادان سالدى، اسحانا، قيمىل ءۇيى قاتارلى تۇلعالاندىرعان قۇرىلعىلار قۇرىلىسىن كۇشەيتىپ، وقىتۋشىلاردىڭ جاتاق، تاماق، قاتىناس ماسەلەسىن شەشۋگە قۇلشىندى. بۇدان سىرت، شينجياڭ 2017 - جىلدان بەرى، وڭتۇستىك شينجياڭداعى ءتورت ايماق - وبلىستاعى وقىتۋشىلارعا ارناۋلى تولىقتاما قاراجات تاراتتى، ءار دارەجەلى قازىنا ەڭ تومەنگى شەكتەن تۇسىرمەي ارنايى شتاتتاعى وقىتۋشىلار مەن وزدەرى قابىلداعان وقىتۋشىلارعا ۇكىمەت باسقارۋىنداعى وقىتۋشىلارداي تەڭ مامىلە جاسادى. جوعارىدا ايتىلعان ”ادامنىڭ كوڭىل ورنىقتىرۋ“ شارالارى ارقىلى شينجياڭ ءبىر توپ ۇزدىك دارىندىنى شينجياڭدا تۇراقتاپ قالۋعا شابىتتاندىردى.

  شينجياڭ وقىتۋشىلاردى باۋلۋدى كۇشەيتىپ، وقىتۋشىلاردىڭ كاسىپتىك ساپا قابىلەتىن ءوسىرىپ، وقىتۋشىلار قوسىنىنىڭ ساپاسىن جالپى بەتتىك جوعارىلاتۋدى جەبەدى. باي يۇيجياۋ — توعىزتاراۋ اۋدانى تاستوبە اۋىلدىق ءتۇيىندى باستاۋىش مەكتەبىنىڭ وقىتۋشىسى، اۆتونوميالى رايوننىڭ ”مەملەكەتتىك باۋلۋ جوسپارى“ شينجياڭ اۋىل - قىستاق وقىتۋشىلارىن باۋلۋ ۇيىرمەسى ءبىلىم ءوسىرۋ نىسانىنىڭ باستاۋىش مەكتەپ دەنە تاربيە كۋرسى كلاسىنان قىزمەت ورنىنا قايتىپ كەلگەننەن كەيىن، باۋلۋ كۋرسىندا ۇيرەنگەن ”سالون ۇلگىسىندەگى“ توپتىق ساباق دايىنداۋدى وقىتۋ - زەرتتەۋگە ەنگىزىپ، وقىتۋ جوباسىن جاساۋ، ساباق دايىندىعىن جازۋ، ساباق ءوتۋ، ساباق تىڭداۋ، ساباق باعالاۋ سىندى تۇرلىشە ساتىسىندا وقىتۋ - زەرتتەۋدى ورىستەتىپ، مەكتەپ باسشىلارىنىڭ، وقىتۋشىلاردىڭ جاقسى باعاسىنا يە بولدى.

  2017 - جىلدان بەرى، شينجياڭ اۆتونوميالى رايون دارەجەلىدەن جوعارى ورتا، باستاۋىش مەكتەپ، بالاباقشا مەكتەپ باستىعى، وقىتۋشلارىن تاربيەلەۋدى 300 مىڭ ادام رەت ورىستەتىپ، مەملەكەت، اۆتونوميالى رايون، ايماق، وبلىس، قالا جانە كاسىپتىك مەكتەپ 4 دارەجەلى وقىتۋشىلاردى تاربيەلەۋ جۇيەسىن، رايون ءىشى - سىرتىندا تولىق كۋرستىك مەكتەپ، كاسىپتىك جوعارى مەكتەپ جانە ءىرى، ورتاشا كاسىپورىن قۇرىلىسى ”قوس پەداگوگيكا ۇلگىسىندەگى“ وقىتۋشى تاربيەلەۋ بازاسىن قۇرىپ، جوعارى مەكتەپتەردەگى جاس وقىتۋشىلاردىڭ دوكتورلىق وقۋىنا قولداۋ كورسەتىپ، وقىتۋشىلاردىڭ كاسىپتىك قابىلەتى مەن جالپىلىق ساپاسىن جوعارىلاتتى.

  تانىستىرۋعا قاراعاندا، 2018 – جىلى شينجياڭ وقىتۋشىلاردىڭ قىزمەتتەگى تولىمدىلىعىن باعالاۋ شارتىنا جاپپاي وزگەرىس ەنگىزىپ، ”بەستە باعالاۋ ولشەمىن“ كۇشىنەن قالدىردى. اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: 2018 - جىلى شينجياڭ تۇڭعىش رەت بالاباقشا وقىتۋشىلارىن ورتا، باستاۋىش مەكتەپ وقىتۋشىلارىنان ءبولىپ، دەربەس باعالادى، تۇڭعىش رەت ورتا دارەجەلى كاسىپتىك مەكتەپتەردە جوعارى دارەجەلى عىلمي اتاعىن ورنالاستىرىپ، ورتا دارەجەلى كاسىپتىك مەكتەپ وقىتۋشىلارىنىڭ عىلمي اتاعىن جوعارىلاتۋدىڭ ”ەڭ سوڭعى ءبىر كيلومەترىن“ جالعاستىردى. سونىمەن قاتار، شينجياڭ ورتا، باستاۋىش مەكتەپ جانە بالاباقشانىڭ شتاتىن باسقارۋدا جاڭالىق اشىپ، جەر - جەردە وقىتۋشى – قىزمەتكەرلەر شتاتىن قايتادان تەكسەرىپ بەكىتىپ، ارنايى شتاتتاعى وقىتۋشىلاردىڭ شتاتقا كىرۋى قيىن بولۋ، جاڭادان قابىلدانعان وقىتۋشىلاردىڭ قىزمەت اتاعىن باعالاۋى قيىن بولۋ ماسەلەسىن ءونىمدى شەشتى.

  شينجياڭ وقىتۋشى قابىلداۋ ساياساتىندا زور كۇشپەن رەفورما جاسادى، سونىمەن قاتار وقىتۋشىلاردىڭ مامىلەسىنە كەپىلدىك ەتتى، 2017 - جىلدان 2019 - جىلعا دەيىن ءتۇرلى جولدار ارقىلى بۇكىل ەلدىڭ جەر ـ جەرىنەن 137 مىڭ 400 وقىتۋشى تولىقتاپ قابىلدادى. قازىر، بۇل وقىتۋشىلاردىڭ باسىم كوبى اۋىل - قىستاقتا، ولاردىڭ كەلۋى اۋىل - قىستاق وقۋ - اعارتۋىنا تىڭ تەبىن بەرىپ، اۋىل - قىستاق وقىتۋشىلار قوسىنىنىڭ جالپىلىق ساپاسىن جوعارىلاتتى. جالىندى جاستار جاڭا داۋىردەگى اۋىل ـ قىستاق تاربيەسىنىڭ جالىندى قوسىنىنا جانە ۇلتتاردىڭ ارالاسۋىن، ىشتەسۋىن، توعىسۋىن جەبەيتىن ماڭىزدى كۇشكە اينالدى. اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: ءبىرسىپىرا رەفورما شارالارى شينجياڭ وقىتۋشىلار قوسىنىڭ جالپىلىق ساپاسىن جالپى بەتتىك جوعارىلاتىپ، وقىتۋشىلاردىڭ مامىلەسى مەن قوعامدىق ورنىن كۇن سايىن جوعارىلاتىپ، بۇكىل قوعامدا وقىتۋشىلاردى قۇرمەتتەپ، وقۋ - اعارتۋعا ٴمان بەرەتىن تاماشا سالت قالىپتاستى، ءتىپتى دە كوپ ادام ساباق مىنبەسىنە شىقتى، اناعۇرلىم كوپ وقىتۋشى كاسىپتىك داڭقتى سەزىندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى