تيانشان تورى   ›   جاڭالىقتار   ›   اۋىل تىنىسى

قۇلجا اۋدانى اققۋ بۇلاعى سازدىق باقشاسى قىستاۋعا كەلگەن سىبىرلاق اققۋلاردى قارسى الدى

   تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر شىن زۋشياۋ، حان شينلين). ”قازىر بۇل جەردىڭ قورشاعان ورتاسى بارعان سايىن جاقسارىپ، بۇل ارانى قىستايتىن سىبىرلاق اققۋلار بارعان سايىن كوبەيۋدە“،-دەدى 11 ـ ايدىڭ 17 ـ كۇنى اققۋلارعا ازىق بەرىپ بولعان ىلە قازاق اۆتونوميالى وبلىسى قۇلجا اۋدانى اققۋ بۇلاعى سازدىق باقشاسىنىڭ باسقارۋشىسى حان شينلين تىلشىگە.

  اققۋ بۇلاعى سازدىق باقشاسى جاڭاتام قالاشىعى شاقلىق قىستاعى ىلە وزەنىنىڭ سولتۇستىك جاعالاۋىنا ورنالاسقان، اققۋ بۇلاعىنىڭ جىل بويى اعىپ جاتاتىن بۇلاق سۋى جەر استى اراسانىنان كەلەدى، قىستا مۇز قاتپايدى، ءار جىلى بۇل اراعا كەلىپ قىستايتىن جابايى قۇستاردىڭ ءتۇرى وننان اسادى، مۇنىڭ ىشىندە سىبىرلاق اققۋلار ساياحاتشىلاردىڭ قىزۋ قارسى الۋىنا يە بولعان.

  سىبىرلاق اققۋ مەملەكەتتىك 2 - دارەجەلى قورعالاتىن حايۋاناتتار تىزىمدىگىنە ەنگىزىلگەن. جاقىنعى جىلداردان بەرى، قۇلجا اۋدانى كوپ ءتۇرلى شارا قولدانىپ، اققۋ بۇلاعى سازدىق باقشاسىنىڭ ماڭىنداعى سۋ ايدىنىن قورعادى، سىبىرلاق اققۋلار 1997 - جىلى تۇڭعىش رەت وسى اراعا كەلگەننەن باستاپ، جەرگىلىكتى ورىن وزدىكتەرىنەن قورعاۋ اترەتىن ۇيىمداستىرىپ، اققۋ سياقتى سازدىق سۋ قۇستارىنىڭ ٴوسىپ - وربۋىنە تىرشىلىك ورتا شارت - جاعدايىن جاراتىپ بەرگەندىكتەن، وسى اراعا كەلىپ مەكەندەگەن جىل قۇستارىنىڭ سانى جىل سايىن ارتتى. ٴتىلشىنىڭ ۇعىسۋىنشا، تاياۋ جىلداردان بەرى، اققۋ بۇلاعى سازدىق باقشاسى ىلگەرىندى - كەيىندى كۇزەت ٴۇيى، قورعانىس قورشامى قاتارلى جابدىقتاردى ورناتقان ٴارى باسقارۋعا ارناۋلى ادام ورنالاستىرعان، كەزەكتە، اققۋ بۇلاعى ىلە وزەنى اڭعارىنداعى ”ەكولوگيالىق تانىسقىعا“ اينالعان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.