ورتالىق قالانىڭ ورنىقتىلىق، دامۋ ىستەرىنىڭ تىڭ تاراۋىن جازۋعا كۇش سالايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يۇنمەي 11 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، 11 - ايدىڭ 11 - كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ ءۇرىمجى قالاسىندا تەلەۆيزور - تەلەفون ءماجىلىسى تاسىلىندە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا بايانداماسىن جاسادى.
شۇي حايرۇڭ بىلاي دەپ اتاپ كورسەتتى: ەلىمىزدىڭ جاڭا دامۋ كەزەڭىنە قادام قويۋىنىڭ ماڭىزدى ءمانىن، ءتيىمدى شارت - جاعدايىن جانە ماڭىزدى ەرەكشەلىگىن تەرەڭ تانۋ؛ 2035 - جىلعا دەيىنگى بولاشاقتىق نىسانانى جانە ”14 - بەسجىلدىق“ مەزگىلىندەگى ەلىمىز دامۋىنىڭ جەتەكشى باعىتىن، نەگىزگى نىساناسىن، ءتۇيىندى مىندەتىن دۇرىس يگەرۋ؛ جاڭا دامۋ ارناسىنىڭ ستراتەگيالىق ويى مەن ماڭىزدى كۇش سالۋ ءتۇيىنىن مىقتى يگەرۋ؛ پارتيانىڭ جالپى بەتتىك باسشىلىعىنا تاباندى بولىپ، ءتۇرلى جاقتارداعى كۇشتەردى اتتانىسقا كەلتىرىپ، 14 - بەسجىلدىق جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك.
بايانداما ماجىلىسىنەن كەيىن، شۇي حايرۇڭ بايانداما ماجىلىسىنە قاتىناسقان مامان - وقىمىستىلارمەن، الەۋمەتتىك اۋماق كادرلارىمەن، جاستاردىڭ، وقۋشىلاردىڭ ۋاكىلدەرىمەن ءوزارا پىكىر اۋىستىردى. شۇي حايرۇڭ بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات ۇيرەنۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرۋ، قوعام ورنىقتىلىعى مەن باياندى تىنىشتىق سىندى باس نىسانانى مىقتى مەڭگەرىپ، جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ ارناسىندا بەلسەنە توعىسۋ، ناقتى ىستەۋ رۋحىن ساۋلەلەندىرىپ، جۇرەكتىلىكپەن جاڭالىق اشىپ، امالياتتان وتكىزىپ، ”ءۇش ءىرى ءىستى“ ويداعىداي يگەرۋ، جاراسىمدى، ورنىقتى، ءارى وزىق، ءارى قۋاتتى، ۇلتتار توعىسقان، ءدىن تاتۋ، دارا باۋراۋ قۋاتىنا يە تازا دا كوركەم ورتالىق قالا قۇرۋ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ساپارىندا ورتالىق قالانىڭ ورنىقتىلىق، دامۋ ىستەرىنىڭ تىڭ تاراۋىن جازۋعا كۇش سالۋ كەرەك.
