تيانشان تورى   ›   جاڭالىقتار   ›   شينجياڭ حابارلارى

رايونىمىز ءتۇيىندى قالا ىستەرى نەگىزدىك قۇرىلعىلار قۇرىلىسىن جەدەل ىلگەرىلەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جاڭ بينبين 11 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، بيىل رايونىمىز قالا ىستەرى نەگىزدىك قۇرىلعىلار قۇرىلىسىنىڭ ءتۇيىندى نىسان قۇرىلىستارىن جەدەل ىلگەرىلەتىپ، قالا ىستەرى نەگىزدىك قۇرىلعىلارىنداعى ولقىلىقتاردى كۇش سالا تولىقتاعان.

  الدىڭعى 10 ايدا رايونىمىز قالا ىستەرى نەگىزدىك قۇرىلعىلارى ءتۇيىندى جالعاستى سالىناتىن نىساندارعا جيىنى 36 ميلليارد 300 ميلليون يۋان قارجى قوسىپ، جىلدىق جوسپارداعى قارجى قوسۋدىڭ %92تەن استامىن ورىندادى. مۇندا التاي قالاسى وڭتۇستىك رايونىنداعى جىلۋ قاينارى ءتۇيىنىن كەڭەيتىپ سالۋ (ەلەكتر بۋ قازانى) جىلۋمەن قامداۋ نىسانى، قۇلجا قالاسى بيانحى رايونى جوعارى، جاڭا كاسىپ سالاسى باقشاسى قۇرىلىسى نىسانى سىندى 2 ءتۇيىندى قالا ىستەرى نىسانى قۇرىلىسى سالىنىپ پايدالانۋعا بەرىلدى. رايونىمىزداعى 74 مىڭ 514 اۋىل - قىستاق وتباسىنىڭ بەيقۇت ءۇي ينجەنەرياسى ورىندالىپ بولدى، جۇمىس ءبىتۋ مولشەرى %99.35كە جەتتى.

  كەزەكتە ازيا وركەندەتۋ بانكەسى سانجى حۇيزۋ اۆتونوميالى وبلىسىنىڭ قالا، اۋىل نەگىزدىك قۇرىلعىلار قۇرىلىسىن ءبىر تۇتاس جوسپارلاۋ، جاپپاي ورنالاستىرۋدان ۇلگى كورسەتۋ نىسانى، كونە شاعىن اۋماقتاردى وزگەرتىپ سالۋ ينجەنەرياسى، اۋىل - قىستاقتىڭ تۇرمىستىق قوقىر - قوقسىقتارىن ءبىر جايلى ەتۋ قۇرىلعىلارى قۇرىلىسى نىسانى، كۇنەس اۋدانىنىڭ جاڭا ەنەرگيالى اۆتوكولىكتەردى زارياتتاۋ مەن توقتاتۋ ورنىن ءبىر تۇلعالاندىرۋ قۇرىلىسى نىسانى سىندى 10 نىساننىڭ الدىڭعى مەرزىمدىك قىزمەتتەرى ورىندالىپ، جاڭا قۇرىلىس باستاۋدى ىسكە اسىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى