شينجياڭ گازەتىنىڭ حابارى (ءتىلشى دۇڭ لياڭ حابارلايدى) 11 - ايدىڭ 14 - كۇنى كەشتە، جۇڭگو ەرلەر باسكەتبول كاسىپتىك بىرىككەن جارىسىنىڭ (CBA) ءبىرىنشى كەزەڭدەگى بارلىق جارىس كۇن ءتارتىبىن تولىق ورىنداپ، مەرزىمى جارىم ايلىق ”انىقتاۋ مەزگىلىنە “ جەتىپ، ءاربىر كوماندا تىنىعىپ - رەتتەلەتىن دەمالىس ۋاقىتىنا ارەڭ قول جەتكىزدى.
بۇعاناسى قاتپاعان شينجياڭ ەرلەر باسكەتبول كومانداسى وسى رەت بىرىككەن جارىستىڭ باستاپقى كەزىندە 6 جەڭىس، 1 جەڭىلىس سىندى ”قۋانىش پەن جۇبانىشتى“ باستان وتكەرگەننەن كەيىن، جوۋ چيدىڭ اياق استىنان جارالانۋ سەبەبىنەن، ارت - ارتىنان 3 رەت جەڭىلىسكە ۇشىرادى. جوۋ چي جازىلىپ جارىس الاڭىنا قايتا ورالعاننان كەيىن، كوماندا ءۇرتىس ەكى جەڭىسپەن ءبىرىنشى كەزەڭدەگى بارلىق جارىستى ءبىتىردى. 12 اينالىمدىق بىرىككەن جارىستا، شينجياڭ ەرلەر باسكەتبول كومانداسى 8 جەڭىس، 4 جەڭىلىس ناتيجەسىمەن رەت ٴتىزىمىنىڭ 6 - ورنىن ۋاقىتشا يەلەدى.
جوۋ چي ايتسا ايتقانداي كوماندا ۇيتقىسى
جوۋ چي كوماندانىڭ جارامدى ۇيتقىسى سالاۋاتىمەن، 12 اينالىم بىرىككەن جارىستىڭ 10 مايدان جارىسىنا قاتىناستى، لياۋنيڭ كومانداسىمەن بولعان جارىستا جارالانعانىنان سىرت، قالعان 9 مايدان جارىستا، ول كوماندانى باستاپ 8 جەڭىس، 1 جەڭىلىس ناتيجەسىنە قول جەتكىزدى.
ءبىرىنشى كەزەڭدەگى جارىستا، جوۋ چي ءار مايداندا ورتاشا 23.8 ۇپاي جانە 13.7 گار دوپ الىپ، 2.7 رەت شابۋىلعا كومەك كورسەتتى ءارى 2.8 رەت دوپتى قاعىپ تاستادى. ءار مايدانداعى ورتاشا ناتيجەلىلىگى 30.1 بولىپ، توتەنشە ناتيجە بايقاتتى. بۇل ساندى مالىمەت تۇتاس بىرلەستىكتە ءۇشىنشى ورىندى يەلەپ، ەل ءىشى باسكەتبولشىلارى اراسىندا اعالاپ العا شىقتى، جوۋ چي دا بىردەن - ءبىر ناتيجەلىلىگى ”30+“عا جەتكەن ەل ىشىندەگى باسكەتبولشى بولدى.
جاس باسكەتبولشىلار شىڭدالدى
كوماندا ”ۇيتقىسى“ جوۋ چي مايدانداعى كەزىندە، جاس باسكەتبولشىلاردىڭ ”تىرەگى“ سانالادى. جوۋ چيدىڭ رولىندا، ىشكى شەپتەگى راپحاتجان، لۇتپۇللا، جۋ چۋانيۇي مەن ازامات، سىرتقى شەپتەگى تاڭ ساييۇي، چي لين، ليۋ ليپىڭ قاتارلىلار تەك قانا وزدەرىنىڭ شابۋىل، قورعانىس مىندەتتەرىنە كوڭىل قويسا بولعانى. الايدا، جوۋ چيدىڭ جارالانۋ سەبەبىنەن قاتىناسا الماعان جارىستاردا، تاجىريبەسى كەمشىل جاس بۋىندار مەيلى شابۋىلدا، ياكي قورعانىستا بولسىن بارلىعىندا ساسقالاقتاپ، بار ونەرلەرىن كورسەتە المادى، كوماندانىڭ جەڭىلىسكە ۇشىراۋىنان دا ساقتانۋ قيىن بولدى. سولاي بولا تۇرسا دا، جاس باسكەتبولشىلار جارىستا شىڭدالىپ، جەڭىلىستەن وزدەرىنىڭ جەتەرسىزدىكتەرىن انىق بايقادى.
دارەجەسى وسىرىلگەن ساپتىڭ بەينەسىنەن ءۇمىت كۇتۋگە بولادى
CBA بىرىككەن جارىسىنىڭ ءبىرىنشى كەزەڭى ءساتتى جۇرگىزىلدى، CBA سەرىكتەستىگى ۇستىنە الىپ وتكىزگەن جىجياڭ جۋجي قالاسىنىڭ ءتۇرلى قىزمەتتەرىن تولىق تۇراقتاندىردى، ءارى 12 - ايدىڭ 1 - كۇنى باستالاتىن ەكىنشى كەزەڭدەگى جارىستى جۋجي قالاسىندا جالعاستى وتكىزۋدى ۇيعاردى. شينجياڭ ەرلەر باسكەتبول كومانداسى دا جۋجي قالاسىندا بولىپ، تىنىعىپ، تارتىپكە ءتۇسىپ، جارىسقا جالعاستى دايىندالادى.
ۇعىسۋعا قاراعاندا، ەكىنشى كەزەڭدە 24 اينالىم جارىس وزدىرىلىپ، 12 - ايدىڭ باسىنان 2 - ايدىڭ 3 - كۇنىنە دەيىن جالعاسادى ەكەن، سونىڭ ارتىنان CBA جۇلدىزدارى جارىسىن وتكىزەدى. 12 - ايدىڭ 1 - كۇنى، شينجياڭ ەرلەر باسكەتبول كومانداسىنىڭ ەكىنشى كەزەڭدەگى تۇڭعىش جارىسىندا شاندۇڭ كومانداسىمەن قارسىلاسادى.
