تيانشان تورى   ›   جاڭالىقتار   ›   شينجياڭ حابارلارى

وڭتۇستىك شينجياڭ وڭىرلىك ەمدەۋ ورتالىعى قۇرىلىس نىسانى جۇمىس باستادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 11 - ايدىڭ 18 - كۇنى قاشقاردان حابارلايدى. 11 - ايدىڭ 18 - كۇنى وڭتۇستىك شينجياڭ وڭىرلىك ەمدەۋ ورتالىعى قۇرىلىس نىسانى كونەءشار اۋدانىندا جۇمىس باستادى.

  وڭتۇستىك شينجياڭ وڭىرلىك ەمدەۋ ورتالىعى قۇرىلىس نىسانىنىڭ جەر اۋدانى شامامەن 600 مۋ، جوبالانعان قۇرىلىس اۋماعى شامامەن 160 مىڭ شارشى مەتر، جۇقپالى اۋرۋلار شيپاحاناسى اۋماعى، جالپىلىق شيپاحانا اۋماعى، وكپە اۋرۋلار شيپاحاناسى، جۇمىسشى - قىزمەتكەرلەردىڭ تۇرمىس اۋماعى سياقتى 4 ۇلكەن فۋنكتسيالىق اۋماق ورنالاستىرىلعان، جالپى 1300 توسەك بار. نىساندى سالۋ مىندەتىن ۇستىنە العان جاق قاشقار گۋاڭجيان توبى شەكتى سەرىكتەستىگىنىڭ باسالقاسى ساۋ ۋيدۇڭنىڭ تانىستىرۋىنشا، بۇل نىسان 3 مەرزىمگە بولىنەدى، 1 - مەرزىمى جۇقپالى اۋرۋلار شيپاحاناسى اۋماعى، قۇرىلىس اۋدانى 20 مىڭ شارشى مەتر، ءبىر جىل ۋاقىتتا سالىپ بولۋدى جوسپارلاپ وتىر ەكەن.

  ۇزاق ۋاقىتتان بەرى وڭتۇستىك شينجياڭ ءوڭىرى ەكونوميكالىق، قوعامدىق دامۋ ورەسىنىڭ شەكتەمەسىنە ۇشىراعاندىقتان ەمدەۋ - دەنساۋلىق ساقتاۋ قىزمەت وتەۋ قابىلەتى جەتەرسىز بولىپ كەلدى، وڭتۇستىك شينجياڭ وڭىرلىك ەمدەۋ ورتالىعىن سالۋ وڭتۇستىك شينجياڭداعى 4 ايماق - وبلىستىڭ جۇقپالى اۋرۋلاردان ساقتانۋ جانە ەمدەۋ، دياگنوز قويۋ قابىلەتىن جاپپاي جوعارىلاتۋدا، ەمدەۋ - دەنساۋلىق ساقتاۋ ىستەرىنىڭ دامۋىن ىلگەرىلەتۋدە بەلەستىك مانگە يە. اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى ەرزات زادا مىنالاردى ءبىلدىردى: بۇل نىسان سالىنعاننان كەيىن، ”ەمدەۋ، وقىتۋ، زەرتتەۋ، الدىن الۋ، سالاماتتىق، باسقارۋ“ شوعىرلى ءبىر تۇلعالانعان جۇقپالى اۋرۋلاردان ساقتانۋ - تىزگىندەۋ، دياگنوز قويۋ، ەمدەۋ ورتالىعىنا اينالىپ، وڭتۇستىك شينجياڭداعى 4 ايماق - وبلىستىڭ وڭىرلىك جۇقپالى اۋرۋلاردى ەمدەۋ تەحنيكاسى جالپىلىق قىزمەت وتەۋ ورەسىن تەز ارادا جوعارىلاتىپ، بۇقارانىڭ جاقىن ماڭنان، سول ارادان ەمدەلە الۋىنا، ساپالى ەمدەۋ بايلىعىنان جانە قىزمەت وتەۋدەن يگىلىكتەنە الۋىنا اناعۇرلىم قولايلىلىق جاسايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ