شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 11 - ايدىڭ 20 - كۇنى قاشقاردان حابارلايدى. 11 - ايدىڭ 20 - كۇنى قاشقار قالاسى چىنۋاع قوناق سارايى ادام كۇشى بايلىعى ءبولىمىنىڭ ديرەكتورى جاڭ حاييان تىلشىگە: ”ءبىر ءتاۋىرى، قوعامدىق قامسىزداندىرۋ قاراجاتىن ازايتۋ نەمەسە كەشىرىم ەتۋ سىندى وسى حالىققا ءتيىمدى ساياسات ءبىزدىڭ قيىن وتكەلدەن وتۋىمىزگە كومەكتەستى“، - دەدى.
”جۇمىستاندىرۋدى ورنىقتىرۋ“ قىزمەتىن تىڭعىلىقتى ويداعىداي ىستەۋ، ”جۇمىستاندىرۋدى قامتاماسىز ەتۋ“ مىندەتىن تياناقتاندىرۋ، ىندەت ىقپالىنا ۇشىراعان كاسىپورىنداردىڭ جۇمىستى، ءوندىرىستى تارتىپپەن قالپىنا كەلتىرۋىن ىلگەرىلەتۋ، كاسىپورىنداردىڭ تيجارات قىسىمىن جەڭىلدەتۋ ءۇشىن، قاشقار ايماعى اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ءتۇرلى سۇيەمەلدەۋ ساياساتتارىن ناقتاپ تياناقتاندىرىپ، كاسىپورىنداردىڭ قيىنشىلىعىن شەشىپ، ءوندىرىس قابىلەتىن كۇشەيتتى.
قاشقار ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستاندىرۋدى جەبەۋ جانە كاسىپكە باۋلۋ ءبولىمىنىڭ قاتىستى جاۋاپتىسى دۇڭ يانرۇڭنىڭ تانىستىرۋىنشا، بيىل جىل باسىنان بەرى، قاشقار ايماعى كاسىپورىنداردىڭ قوعامدىق قامسىزداندىرۋ اقىسىن كەزەڭ بويىنشا ازايتۋ نەمەسە كەشىرىم ەتۋ ساياساتىن دەن قويا تياناقتاندىرىپ، بيىل 2 - ايدان 12 - ايعا دەيىن ورتا، شاعىن، ۇساق كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋ اقىسىنىڭ مەكەمە - ورىن بويىنشا تاپسىرىلاتىن بولەگىن كەشىرىم ەتكەن؛ بيىل 2 - ايدان 6 - ايعا دەيىن ءىرى كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋ اقىسىنىڭ مەكەمە - ورىن بويىنشا تاپسىرىلاتىن بولىگىنىڭ جارتىسىن كەشىرىم ەتكەن. وسى ءبىر تۇردەن - اق، بۇكىل ايماق قوعامدىق قامسىزداندىرۋ اقىسىنان 490 ميلليون يۋاندى ازايتىپ نەمەسە كەشىرىم ەتىپ، كاسىپورىن، مەكەمە - ورىن اتىمەن قامسىزداندىرۋعا قاتىناسقان جەكەشە ساۋدا - ونەركاسىپشى سياقتى 7360 ورىنعا تيىمدىلىك جەتكىزگەن.
چىنۋاع قوناق سارايى انە سول يگىلىككە كەنەلگەن كاسىپورىنداردىڭ ءبىرى. جاڭ حايياننىڭ تانىستىرۋىنشا، وسى قوناق سارايدا 280 قىزمەتكەر بار، ىندەت ىقپالىنان قوناق ساراي قىزمەتكەرلەردىڭ ەڭبەكاقىسىن تاراتۋ، سۋ، توك اقىسى سياقتى ءتۇرلى شىعىمدار قىسىمىنا ءدوپ كەلىپ، ەكونوميكالىق اۋىرتپالىعى بارىنشا ارتا تۇسكەن. قوعامدىق قامسىزداندىرۋ اقىسىن كەزەڭ بويىنشا ازايتۋ نەمەسە كەشىرىم ەتۋ ساياساتى شىعارىلعاننان كەيىن، جەرگىلىكتى ادام كۇشى بايلىعى جانە قوعامدىق قامتاماسىزداندىرۋ تاراۋى وسى قوناق سارايمەن ىرىقتى تۇردە بايلانىس جاساپ، ساياساتتى ۇگىتتەپ، بيىل 2 - ايدان 11 - ايعا دەيىن وسى قوناق سارايدىڭ 3 تۇردەگى قوعامدىق قامسىزداندىرۋ قاراجاتىنان 835 مىڭ يۋاندى كەشىرىم ەتكەن.
جاڭ حاييان بىلاي دەدى: بۇل اقشا بىزگە قارلى ايازدا وتىن جەتكىزىپ بەرگەنمەن بىردەي بولدى. قوعامدىق قامسىزداندىرۋ قاراجاتىن ازايتۋ نەمەسە كەشىرىم ەتۋ وسى قوناق سارايدىڭ ءبىرسىپىرا شىعىنىن ۇنەمدەپ قالدى، قوناق ساراي وسى اقشالاردى قىزمەتكەرلەردىڭ ەڭبەكاقىسىن تاراتۋعا، جاڭا قىزمەتكەر قابىلداۋعا، ت.ب پايدالانىپ، جۇمىس وزىندىك قۇنىن تومەندەتىپ، حاۋىپ - قاتەرگە توتەپ بەرۋ قۋاتىن كۇشەيتتى.
مۇنان سىرت، قاشقار ايماعىنىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستاندىرۋ قوسىمشا قاراجاتىن، كاسىپتىك شەبەرلىككە باۋلۋ قوسىمشا قاراجاتىن، جۇمىسسىزدىقتى قامسىزداندىرۋ بويىنشا جۇمىس ورنىن ورنىقتىرۋ قوسىمشا قاراجاتىن تاراتۋ ارقىلى جۇمىستاندىرۋدى اناعۇرلىم ورنىقتىرىپ، جۇمىستاندىرۋدى جەبەدى. 11 - ايدىڭ 18 - كۇنىنە دەيىن، قاشقار ايماعى جۇمىس ورنىن ورنىقتىرۋ، جۇمىستاندىرۋ، شارۋاشىلىق قۇرۋ قوسىمشا قاراجاتىنان 223 ميلليون يۋاندى تياناقتاندىردى، مۇندا جۇمىسسىزدىقتى قامسىزداندىرۋ بويىنشا جۇمىس ورنىن ورنىقتىرۋ قوسىمشا قاراجاتىنان 51 ميلليون 920 مىڭ يۋاندى تاراتىپ، 4350 كاسىپورىنعا تيىمدىلىك جەتكىزدى.
شينجياڭ حوجۇي وتىندىق گاز شەكتى جارنا سەرىكتەستىگى اكىمشىلىك باسقارۋ ءبولىمىنىڭ مەڭگەرۋشىسى جۋ ياڭچۇن بىلاي دەپ تانىستىردى: بيىل ءبىز 178 مىڭ يۋان جۇمىس ورنىن ورنىقتىرۋ قوسىمشا قاراجاتىنان يگىلىكتەنىپ، قوعامدىق قامسىزداندىرۋ قاراجاتىنان 3 ميلليون 100 مىڭ يۋان ازايتىلىپ نەمەسە كەشىرىم ەتىلىپ، كاسىپورىننىڭ اۋىرتپالىعى جەڭىلدەدى. وسى كاسىپورىندا 800دەن استام قىزمەتكەر بار، كاسىپورىن ۇنەمدەلگەن قوعامدىق قامسىزداندىرۋ قاراجاتىن قىزمەتكەرلەرگە تۇرمىستىق كومەك قاراجات تاراتۋعا، قىزمەتكەرلەردىڭ مامىلەسىن جوعارىلاتۋعا، شەبەرلىككە باۋلۋ جۇرگىزۋگە، ت.ب پايدالانىپ، قىزمەتكەرلەر قوسىنىنىڭ ورنىقتىلىعىنا شىنايى كەپىلدىك ەتتى.
”ءبىز ساياساتتى ۇگىتتەۋ سەرپىنىن اناعۇرلىم كۇشەيتىپ، ءىس ءبىتىرۋ ءتارتىبىن ىقشامداپ، قوسىمشا قاراجات ءتارتىبىن ساپالىلاندىرىپ، كاسىپورىندارعا ىرىقتى تۇردە قىزمەت وتەپ، شارتقا ۇيلەسەتىن كاسىپورىنداردىڭ تۇگەلدەي ساياساتتىڭ پايداسىنان يگىلىكتەنۋىنە مۇمكىندىك جاسايمىز“، - دەدى دۇڭ يانرۇڭ.
