تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2020 - جىل ”جۇڭگونى ءتۇسىنۋ“ حالىقارالىق ماجىلىسىنە (گۋاڭجوۋ) قۇتتىقتاۋ حات جولدادى

  شينحۋا اگەنتتىگىنىڭ 11 - ايدىڭ 20 - كۇنى بەيجيڭنەن بەرگەن حابارى. 2020 - جىل ”جۇڭگونى ءتۇسىنۋ“ حالىقارالىق ءماجىلىسى (گۋاڭجوۋ) 11 - ايدىڭ 20 - كۇنى گۋاڭجوۋدا اشىلدى. مەملەكەت ءتوراعاسى شي جينپيڭ ماجىلىسكە قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: قازىرگى دۇنيە ءجۇزى ءجۇز جىلدا بولماعان زور وزگەرىستى باستان كەشىرۋدە. تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى ادامزاتتىڭ بەينەت پەن زەينەتتە بىرگە بولاتىن تاعدىرلاس ورتاق تۇلعا ەكەندىگىن تاعى ءبىر رەت كورسەتتى. الۋان ءتۇرلى كۇردەلى دە قاتاڭ سىن - سىناقتار الدىندا، ادامزات سەلبەستىكتى كۇشەيتىپ، ۋاقىتتىق قيىنشىلىقتى بىرگە جەڭىپ، قول ۇستاسا بىرگە ىلگەرىلەۋدى ءارقانداي كەزدەگىدەن دە اناعۇرلىم قاجەت ەتەدى.

  شي جينپيڭ بىلاي دەپ باسا دارىپتەدى: جاڭا عانا جابىلعان جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جۇڭگونىڭ ”14 - بەسجىلدىق“ مەزگىلىندەگى دامۋىنا جان - جاقتى جوسپار جاسادى. جۇڭگونىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ نىساناسى جۇزەگە اسۋ الدىندا تۇر، كەلەر جىلى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالىپ، جاڭا دامۋ كەزەڭىنە وتەمىز. كوپشىلىكتىڭ ىشكەرىلەي ويلانىپ، بەلسەندىلىكپەن زەرتتەپ - تالقىلاپ، ورتاق تانىم ۇيىستىرىپ، جۇڭگو مەن دۇنيە ءجۇزىنىڭ اۋىس - كۇيىسىن، سەلبەسۋىن جەبەپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋگە اقىل - پاراسات جانە كۇش قوسۋىن ءۇمىت ەتەمىن.

  ”جۇڭگونى ءتۇسىنۋ“ حالىقارالىق ءماجىلىسى قازىرگە دەيىن ءتورت كەزەك ءساتتى وتكىزىلدى. وسى كەزەكتى ءماجىلىس ”زور وزگەرىس، زور سىناق، زور سەلبەسۋ − جۇڭگونىڭ وسىزاماندانۋ جاڭا ساپارى جانە ادامزات تاعدىرلاس ورتاق تۇلعا“ دەگەندى نەگىزگى تاقىرىپ ەتىپ، 600دەن استام الەمدەگى ايگىلى ساياساتشىلار، ستراتەگتەر، وقىمىستىلار، كاسىپكەرلەر ينتەرنەت جەلىسىندە جانە جەلىدەن تىس تاسىلدەر ارقىلى ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.