اشىق، سيىسىمدى، جاڭالىق اشا ارتاتىن، ءوزارا ۇلاساتىن - تۇتاساتىن، سەلبەسىپ تەڭ يگىلىككە كەنەلەتىن ازيا - تىنىق مۇحيت تاعدىرلاس ورتاق تۇلعاسىن بىرگە قۇرىپ، ازيا - تىنىق مۇحيت ءوڭىرىنىڭ بەيبىت، گۇلدەنگەن تاماشا بولاشاعىن بىرگە اشۋدى جانە ودان بىرگە يگىلىكتەنۋدى باسا دارىپتەدى
11 - ايدىڭ 20 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمىنىڭ 27 - رەتكى باسشىلار بەيرەسمي كەڭەسىنە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
11 - ايدىڭ 20 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمىنىڭ 27 - رەتكى باسشىلار بەيرەسمي كەڭەسىنە قاتىناستى ءارى ماڭىزدى ءسوز سويلەدى. بۇل − كەڭەسكە قاتىناسقان ءارقايسى ەكونوميكالىق تۇلعالاردىڭ باسشىلارى، ۋاكىلدەرى «2040 - جىلعا دەيىنگى ازيا - تىنىق مۇحيت ەكونوميكالىق سەلبەستىك ۇيىمىنىڭ پۇتراجايا بولاشاق جوباسىن» ماقۇلداۋى ءارى ينتەرنەت جەلىسىندە سۋرەتكە ءتۇسۋى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
شينحۋا اگەنتتىگىنىڭ 11 - ايدىڭ 20 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - ايدىڭ 20 - كۇنى كەشتە بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمىنىڭ 27 - رەتكى باسشىلار بەيرەسمي كەڭەسىنە قاتىناستى ءارى «ازيا - تىنىق مۇحيت تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: كەزەكتە، دۇنيە ءجۇزى جانە ازيا - تىنىق مۇحيت ءوڭىرى تەرەڭ وزگەرىستەردى باستان وتكەرۋدە، جاڭا تيپتى ايدارشا ۆيرۋس وكپە قابىنۋ ىندەتى بۇل اۋقىمدى جەدەلدەتتى. ازيا - تىنىق مۇحيت سەلبەستىگىنىڭ بولاشاق جولىن قالاي ءجۇرۋ ءوڭىردىڭ دامۋىنا، حالىقتىڭ ىرىس - قۇتىنا، دۇنيە ءجۇزىنىڭ بولاشاعىنا سايادى.
شي جينپيڭ بىلاي دەپ باسا دارىپتەدى: ءبىز ازيا - تىنىق مۇحيت ەكونوميكالىق سەلبەستىك ۇيىمىنىڭ 2020 - جىلدان كەيىنگى سەلبەستىك بولاشاق جوباسىن اشۋدى جاڭا باستاما ەتىپ، ازيا - تىنىق مۇحيت سەلبەستىگىنىڭ جاڭا كەزەڭىنە قادام تاستاپ، اشىق، سيىسىمدى، جاڭالىق اشا ارتاتىن، ءوزارا ۇلاساتىن - تۇتاساتىن، سەلبەسىپ تەڭ يگىلىككە كەنەلەتىن ازيا - تىنىق مۇحيت تاعدىرلاس ورتاق تۇلعاسىن بىرگە قۇرۋىمىز كەرەك.
ءبىرىنشى، اشىق، سيىسىمدى بولۋعا تاباندى بولۋ. بەيبىتشىلىك پەن ورنىقتىلىقتى باتىل قورعاپ، كوپ جاقتىلىقتى باتىل جاقتاپ، اشىق تيپتەگى دۇنيە ءجۇزى ەكونوميكاسىن قۇرۋعا تاباندى بولىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا تۇزىلىسىنە تيتتەي دە اۋىتقىماستان قولداۋ كورسەتىپ، وڭىرلىك ەكونوميكانىڭ ءبىر تۇلعالانۋىن ۇزدىكسىز ىلگەرىلەتىپ، ازيا - تىنىق مۇحيت ەركىن ساۋدا رايونىن ەرتەرەك قۇرىپ شىعۋ كەرەك. جۇڭگو جاق وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنە قول قويۋدىڭ ورىندالعاندىعىن قارسى الادى، سونداي - اق جان - جاقتى جانە العا باساتىن تىنىق مۇحيت اتتاعان سەرىكتەستىك قارىم - قاتىناس كەلىسىمىنە قوسىلۋدى بەلسەنە ويلاستىرادى. ازيا - تىنىق مۇحيت ەكونوميكالىق سەلبەستىك ۇيىمىنىڭ جوعارى ساپالى ارتۋ ستراتەگياسىن جانە سيىسىمدى ارەكەت كەڭەستىك ءتارتىبىن ۇزدىكسىز تياناقتاندىرادى. جۇڭگو جاق سيىسىمدى ساۋدا جانە قارجى قوسۋ جونىندەگى زەرتتەۋ - تالقى جيىنىن وتكىزەدى.
ەكىنشى، جاڭالىق اشا ارتۋعا تاباندى بولۋ. جاڭا تەحنيكالاردىڭ تارالۋى مەن قولدانىلۋىن جەبەپ، سيفرلى نەگىزدىك قۇرىلعى قۇرىلىسىن كۇشەيتۋ كەرەك. ەكونوميكالىق جونگە سالۋدى كەمەلدەندىرىپ، اشىق، ءادىل، تۋراشىل، كەمسىتپەيتىن شارۋاشىلىق - ساۋدا ورتاسىن قالىپتاستىرۋ كەرەك. جۇڭگو جاق زەردەلى قالانىڭ جەتەكشى پرينسيبىن جاساۋدى ىلگەرىلەتىپ، ءار جاقتى سيفرلى تەحنيكا ارقىلى ىندەتكە قارسى اتتانۋ جانە ەكونوميكانى قالپىنا كەلتىرۋ تاجىريبەلەرىن ورتاقتاسۋعا دارىپتەپ، سيفرلى شارۋاشىلىق - ساۋدا ورتاسىن ساپالىلاندىرۋعا ۇندەپ، سيفرلى ەكونوميكانىڭ كومەسكى كۇشىن ىسكە قوسادى. كەلەر جىلى جۇڭگو جاق سيفرلى تەحنولوگيا مەن كەدەيلىكتى ازايتۋ جونىندەگى زەرتتەۋ - تالقى جيىنىن وتكىزەدى.
ءۇشىنشى، ءوزارا ۇلاسۋ - تۇتاسۋعا تاباندى بولۋ. ادام، زات، قارجى، ساندى مالىمەتتەردىڭ حاۋىپسىز، ءتارتىپتى اعىنىن ىركىلىسسىزدەندىرۋ كەرەك. جۇڭگو جاق ءار جاقپەن بىرگە ادامدار اعىنىنىڭ ”جەدەل ارناسى“ جانە زاتتاردىڭ ”جاسىل ارناسى“ قۇرىلىسىن بەلسەنە، ورنىقتى ىلگەرىلەتىپ، الەمدىك جانە وڭىرلىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىز، ىركىلىسسىز اينالىس جاساۋىن قورعاۋدى قالايدى. ءار جاقتىڭ دامۋ جوبالارى مەن ءوزارا ۇلاستىرۋ - تۇتاستىرۋ باستامالارىن ۇشتاستىرۋدى جەبەپ، ”ءبىر بەلدەۋ، ءبىر جولدى“ جوعارى ساپادا بىرگە قۇرادى.
ءتورتىنشى، سەلبەسىپ تەڭ يگىلىككە كەنەلۋگە تاباندى بولۋ. ءوزارا سەنەتىن، سيىسىمدى، سەلبەسەتىن، تەڭ يگىلىككە كەنەلەتىن ازيا - تىنىق مۇحيت سەرىكتەستىك قارىم - قاتىناسىن تەرەڭدەتىپ، بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىنان جازباي، وڭىرلىك سەلبەستىكتىڭ دەڭگەيىن ۇزدىكسىز جوعارىلاتۋ كەرەك. اقىلداسىپ ءبىر اۋىزدىققا كەلۋ نەگىزىندە ناقتى سەلبەستىكتى ىلگەرىلەتىپ، قايشىلىقتار مەن الاۋىزدىقتاردى لايىقتى ءبىر جاقتى ەتىپ، ازيا - تىنىق مۇحيت سەلبەستىگىنىڭ دۇرىس بەتالىسىن قورعاپ، ازيا - تىنىق مۇحيت ەكونوميكالىق سەلبەستىك ۇيىمىنىڭ نىق قاداممەن الىسقا جەتۋىنە مۇمكىندىك جاساۋ كەرەك. جۇڭگو جاق ازيا - تىنىق مۇحيت ەكونوميكالىق سەلبەستىك ۇيىمىنىڭ ۆاكسينا، الەۋمەتتىك دەنساۋلىق ساقتاۋ، ورتا، شاعىن، ۇساق كاسىپورىندار سياقتى سالالارداعى سەلبەستىكتى كۇشەيتۋىنە قولداۋ كورسەتىپ، ىندەتكە قارسى اتتانۋ سەلبەستىگىنە جانە ەكونوميكانىڭ قايتا جاندانۋىنا دەم بەرەدى.
شي جينپيڭ سوڭىندا بىلاي دەپ باسا دارىپتەدى: جۇڭگو ازيا - تىنىق مۇحيت وڭىرىندەگى ءار جاقپەن بىرگە ازيا - تىنىق مۇحيت ءوڭىرىنىڭ بەيبىت، گۇلدەنگەن تاماشا بولاشاعىن بىرگە اشۋدى جانە ودان بىرگە يگىلىكتەنۋدى، ادامزات تاعدىرلاس ورتاق تۇلعاسىن قۇرۋ نىساناسىنا قاراي ۇزدىكسىز قادام تاستاۋدى قالايدى.
كەڭەستى مالايزيانىڭ زۇڭليى مۇحيددين باسقاردى. كەڭەستىڭ تاقىرىبى: ”حالىقتىڭ كومەسكى قۋاتىن قاۋلاتىپ، سەرپىمدى، گۇلدەنگەن بولاشاقتان بىرگە يگىلىكتەنۋ“. كەڭەسكە قاتىناسقان ەكونوميكالىق تۇلعالاردىڭ باسشىلارى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جانە 2020 - جىلدان كەيىنگى ازيا - تىنىق مۇحيت ەكونوميكالىق سەلبەستىك ۇيىمى سەلبەستىگىنىڭ كەلەشەگى جونىندە ىشكەرىلەي پىكىر اۋىستىرىپ، بەلسەندى ورتاق تانىمعا كەلدى.
باسشىلار مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتىنىڭ سىن - سايىسى الدىندا، ءار جاق بولەكتەنبەي، ورتاقتىققا ۇمتىلىپ، بەرەكە - بىرلىكتى نىعايتىپ، ۆاكسينا سەلبەستىگىن تەرەڭدەتىپ، ادامدار اعىنىنا جانە زات اينالىسىنا قولايلىلىق جاساپ، داعدارىستى جەدەل جەڭىپ، ەكونوميكانىڭ قايتا جاندانۋىن، ارتۋىن جۇزەگە اسىرۋ كەرەك. تەڭ سەرىكتەس بولاتىن، ورتاق جاۋاپكەرشىلىك ارقالايتىن، ءبىرىن - ءبىرى قۇرمەتتەيتىن، ءوزارا پايدا جەتكىزىپ تەڭ يگىلىكتەنەتىن ازيا - تىنىق مۇحيت ەكونوميكالىق سەلبەستىك ۇيىمى رۋحىن ۇستانىپ، ساۋدا جانە قارجى قوسۋ، عىلىم - تەحنيكالىق جاڭالىق اشۋ، سيفرلى ەكونوميكا سياقتى سالالارداعى سەلبەستىكتى كۇشەيتىپ، ءوزارا ۇلاسۋ - تۇتاسۋدى تەرەڭدەتۋ كەرەك. دۇنيە جۇزىلىك ساۋدا ۇيىمىنىڭ رەفورماسىن قولداپ، كوپ جاقتىلىق پەن كوپ جاقتى ساۋدا ءتۇزىلىسىن قورعاپ، ەركىن، اشىق، ءادىل، كەمسىتپەيتىن، جاريا جانە بولجامدى ساۋدا - قارجى قوسۋ ورتاسىن قالىپتاستىرۋ كەرەك. وڭىرلىك ەكونوميكانىڭ ءبىر تۇلعالانۋى جانە ازيا - تىنىق مۇحيت ەركىن ساۋدا رايونى اياق الىسىن ىلگەرىلەتىپ، 2040 - جىلى اشىق، ومىرشەڭ، سەرپىمدى، بەيبىت ازيا - تىنىق مۇحيت ورتاق تۇلعاسىن قۇرۋعا قۇلشىنۋ كەرەك.
كەڭەس «2040 - جىلعا دەيىنگى ازيا - تىنىق مۇحيت ەكونوميكالىق سەلبەستىك ۇيىمىنىڭ پۇتراجايا بولاشاق جوباسىن» ماقۇلداپ، «2020 - جىل ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ كۋالا - لۋمپۋر مالىمدەمەسىن» جاريالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەڭەسكە قاتىناستى.
