اۋات مۇراگەرلىك ەتۋ شەجىرەسى ەلەكتروندى ينفورماتسيا قويماسىن قۇردى
قورعاۋ + جالعاستىرۋ بەيزاتتىق مادەنيەت مۇرالارعا كورىك بەردى
11 - ايدىڭ 15 - كۇنى حالىق ونەرپازدارى اۋات اۋداندىق دولان مۇقامىنا مۇراگەرلىك ەتۋ ورتالىعىندا جاتتىعۋ جاساۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن
گازەتىمىزدىڭ جالپىلىق اقپارات قۇرالدارى تىلشىلەرى جين بو، جوۋ پىڭ، جاۋ چاڭفۋ 11 - ايدىڭ 19 - كۇنى اۋاتتان حابارلايدى. بيىل جىل باسىنان بەرى اۋات اۋدانى تۇتاس اۋدانداعى بەيزاتتىق مادەنيەت مۇرالارى مۇراگەرلەرىنىڭ جالعاستىرۋ شەجىرەسىن جاپپاي تەكسەرىپ، اۋات اۋداندىق بەيزاتتىق مادەنيەت مۇرالارىن جالعاستىرۋ شەجىرەسى ەلەكتروندى ينفورماتسيا قويماسىن قۇرىپ، بەيزاتتىق مۇرا مادەنيەتىن ءونىمدى جالعاستىردى جانە قورعادى.
اۋات اۋدانىنىڭ شينجياڭ ۇيعۇر ۇلتى ءماشىرابى (شينجياڭ ۇيعۇر دولان ءماشىرابى) مەملەكەت دارەجەلى بەيزاتتىق مادەنيەت مۇرالارى تىزىمدىگىنە ەنگىزىلگەن. ۇيعۇر دولان مۇقامى، ۇيعۇر ۇلتى دولان ءماشىراب كوركەمونەرى، اۋات ۇيعۇر ۇلتى مۇسالاسىن اشىتۋ تەحنولوگياسى سياقتى 8 ءتۇرلى نىسان اۆتونوميالى رايون دارەجەلى بەيزاتتىق مادەنيەت مۇرالارى تىزىمدىگىنە ەنگىزىلگەن. وسى اۋداندا قازىر مەملەكەت دارەجەلى بەيزاتتىق مادەنيەت مۇرالارى مۇراگەرىنەن ءبىر ادام، اۆتونوميالى رايون دارەجەلى بەيزاتتىق مادەنيەت مۇرالارى مۇراگەرىنەن 4 ادام بار.
”اعا بۋىنداردان جالعاسىپ كەلە جاتقان مادەنيەت مۇرالارى قىمباتتى مادەني بايلىق، ءبىزدىڭ ونى قورعاۋ جانە جالعاستىرۋ جاۋاپكەرشىلىگىمىز بار“. دولان ءماشىرابىنىڭ مۇراگەرى ءىلياس گايىت بىلاي دەپ سانادى: بەيزاتتىق مادەنيەت مۇرالارىن جالعاستىرۋ شەجىرەسى ەلەكتروندى ينفورماتسيا قويماسىنىڭ قۇرىلۋى بەيزاتتىق مادەنيەت مۇرالارىن جۇيەلى جالعاستىرۋدا جانە ونى قورعاۋدا ماڭىزدى مانگە يە.
دولان مۇقامىنىڭ مۇراگەرى ءابدۇقادىر مۇسا بىلاي دەدى: مەنىڭ جان دۇنيەمدە دولان مادەنيەتىنىڭ رۋحى تۋلاپ جاتىر، مەن بار كۇشىمدى سالا وتىرىپ، اناعۇرلىم كوپ مۇراگەر تاربيەلەيمىن.
”شىرقاعانى دولان مۇقامى، بيلەگەنى ءماشىراپ، ىشكەنى ءمۇسالاس“، دولان مادەنيەتىنەن ءنار الىپ، ءوسىپ - جەتىلگەن ءشاريزات وسمان بىلتىر ورتالىق مۋزيكا شۋەيۋانىنان وقۋ بىتىرگەننەن كەيىن اۋىلىنا قايتا ورالىپ، جەرگىلىكتى ورىنداعى ەڭ جاس مۇراگەرگە اينالدى.
”مەن بايىرعى مادەنيەت پەن وسى زامان مادەنيەتىن ءوزارا توعىستىرىپ، ءتىپتى دە كوپ ادامنىڭ دولان مادەنيەتىن تۇسىنۋىنە مۇمكىندىك جاساۋدى ويلايمىن“. ءشاريزات مۋزيكالىق قىزمەت وتەۋ ءۇيىن قۇرىپ، ىزدەنىس جاساۋ مەن سىناپ كورۋگە كىرىستى.
پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە بىلاي دەپ اتاپ كورسەتىلدى: ماڭىزدى مادەنيەت جانە تابيعات مۇرالارىن، بەيزاتتىق مادەنيەت مۇرالارىن جۇيەلى قورعاۋدى كۇشەيتۋ كەرەك. جۋىق جىلداردان بەرى اۋات اۋدانى دولان ءماشىرابىن جالعاستىرۋ ورتالىعىن قۇرىپ، تۇتاس اۋدانداعى بەيزاتتىق مادەنيەت مۇرالارى بايلىعىن جانە بەيزاتتىق مادەنيەت مۇرالارىنىڭ قورعالۋ تابىستارىن شوعىرلى ايگىلەدى. ”مادەنيەت مۇرالارى كۇنى“ جانە جۇڭحۋا ۇلتىنىڭ ءداستۇرلى مەرەكە كۇندەرىنەن تولىق پايدالانىپ، ”بۇقارالىق ۇلكەن ساحنا“، ”اۋىل - قىستاق ءجۇز كۇندىك مادەنيەت الاڭى قيمىلى“ سياقتىلاردى تىرەك ەتىپ، بەيزاتتىق مادەنيەتتى جالعاستىرۋ ويىن نومىرلەرىن شىعارىپ، قۇراستىرىپ، ۇگىت تەبىنىن كۇشەيتتى.
سونىمەن بىرگە، اۋات اۋدانى مادەنيەت، كوركەمونەرگە باۋلۋ بازاسىن قۇرىپ، جىل سايىن بەيزاتتىق مادەنيەت مۇرالارىن جالعاستىرۋ باۋلۋ كۋرسىن اشىپ، بەيزاتتىق مادەنيەت مۇرالارى مۇراگەرلەرىنىڭ اربىرەۋىن جىل سايىن 1 − 3 شاكىرت تاربيەلەۋگە ۇيىمداستىرىپ، بەيزاتتىق مادەنيەت مۇرالارىن قورعاپ باياندى دامىتۋعا زاپاس كۇش ازىرلەدى. 500 مىڭ يۋاننان استام قارجى قوسىپ دولان مۇقامىنا شۇعىل قۇتقارۋ سيپاتتى قورعاۋ جۇرگىزدى ءارى بەيزاتتىق مادەنيەت مۇرالارىن بايقاۋدى، توپتاۋدى جانە رەتتەۋدى ىلگەرىلەتتى.
اۋات اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى گو چاۋ بىلاي دەدى: مادەنيەت سەنىمى ەڭ نەگىزگى، ەڭ تەرەڭ، ەڭ باياندى كۇش. ءبىز بەيزاتتىق مادەنيەت مۇرالارىن جۇيەلى قورعاۋدى جانە جالعاستىرۋدى كۇشەيتىپ، حالىققا جاناسىمدى ءتىپتى دە كوپ تۋىندىلار جاراتۋعا قۇلشىنىپ، جۇڭگو رۋحىن اسقاقتاتىپ، جۇڭگو كۇشىن ۇيىستىرامىز“.
