تيانشان تورى   ›   جاڭالىقتار   ›   ساياحات

”تۇلپارلاردىڭ قاردا قۇيعىتۋى“ اتتى كورىنىس موڭعۇلكۇرەنىڭ قىسقى ساياحاتىن جانداندىردى

  شينجياڭ گازەتىنىڭ 11 - ايدىڭ 21 - كۇنى موڭعۇلكۇرەدەن بەرگەن حابارى. جالپىلىق اقپارات قۇرالدارىنىڭ ٴتىلشىسى تاڭ كاندۇڭ، ەرىكتى تىلشىلەر جي سۇنلي، لي ۋىن - ۋ حابارلايدى. ”موڭعۇلكۇرەنىڭ قىسقى ساياحاتىنا قىزىققان ادام وتە كوپ، ىشكى ولكەلەردەن كەلگەن ساياحاتشىلار مالشىلاردىڭ قىسقى كوشى - قون كورىنىسىن كورىپ، ’تۇلپارلاردىڭ قاردا قۇيعىتۋىنداي‘ ايبىندى كورىنىستى ٴوز كوزىمەن كورگىسى كەلەدى“. موڭعۇلكۇرە شياۋماۋاڭ جىلقى شارۋاشىلىعى شەكتى جاۋاپكەرشىلىك سەرىكتەستىگىنىڭ جاۋاپتىسى لو يۋانچۇي بىلاي دەدى: 11 - ايدىڭ 23 - كۇنى، ٴبىرىنشى توپتاعى قىسقى اتقا ٴمىنىپ ساياحاتتاۋ ۇيىرمەسىن قابىلداماقشىمىن، ۇيىرمەنىڭ 8 مۇشەسى جەكە - جەكە بەيجيڭ، سىچۋان سياقتى جەرلەردەن كەلەدى.

  لو يۋانچۇيدىڭ موڭعۇلكۇرە اۋدانىندا ساياحات اشقانىنا ەكى جىلدان استى، ساياحاتشىلاردىڭ اتقا ٴمىنىپ ساياحاتتاۋى ٴۇشىن ارنايى جەكەلىك تاپسىرىس بويىنشا قىزمەت وتەۋ ازىرلەدى، بۇرىنعى جىلدارى 5 - ايدان 10 - ايعا دەيىن قاربالاستىققا تۇسەتىن، بيىل ساياحاتشىلاردىڭ قاجەتىنە قاراي، ول تيجارات مەرزىمىن قىس ماۋسىمىنا ۇزارتتى.

  بىرنەشە كۇننەن بەرى ۇدايى جاۋعان قاردان كەيىن ۇلان - بايتاق موڭعۇلكۇرە ساحاراسى قىس ماۋسىمىنا ەندى، بارلىق الاپ مۇز قۇرسانىپ، بايتاق دالادا قار قاپالاقتادى، مىنە بۇل موڭعۇلكۇرەدەگى بايتاق دالانىڭ ناقتى بەينەسى. موڭعۇلكۇرەنىڭ قىس ماۋسىمى 11 - ايدان باستالىپ، كەلەسى جىلى 4 - ايدىڭ ورتا شەنىنە دەيىن جالعاسادى، قار ٴتۇسۋ مولشەرى زور، قاردىڭ ساپاسى جاقسى، مۇز قاتۋ مەزگىلى مەن قاسات قار مەزگىلى ٴبىرشاما ۇزاق بولۋ سياقتى ەرەكشەلىكتەرگە يە. تاياۋ جىلداردان بەرى، ”تۇلپار مەكەنى“ موڭعۇلكۇرە تاماشا قار ـ مۇز بايلىعى مەن ەرەكشە جىلقى مادەنيەتى ساياحات بايلىعىن ۇشتاستىرىپ، موڭعۇلكۇرەنىڭ قىسقى ساياحاتىنىڭ وزگەشە ەرەكشەلىگىن ايگىلەدى. كوپتەگەن اتتىلى ساياحات ۇيىرمەلەرى بۇكىل ەلدىڭ جەر - جەرىنەن بىرىنەن سوڭ ٴبىرى كەلدى، لو يۋانچۇي سياقتى ”قار ـ مۇز + جىلقى مادەنيەتى“ ساياحات شارۋاشىلىعىمەن شۇعىلداناتىن ساياحات كاسىپكەرلەرى دە بارعان سايىن كوبەيدى.

  2019 - جىلى 9 - ايدا موڭعۇلكۇرە اۋدانى تۇڭعىش توپتاعى ”مەملەكەتتىك تۇتاس وڭىرلىك ساياحاتتان ۇلگى كورسەتۋ رايونىنا“ ەنگىزىلدى. ”تۇتاس مەزگىل، تۇتاس ماۋسىم، تۇتاس وڭىرلىك“ دامىتۋ ۇستانىمىن اناعۇرلىم ويداعىداي امالياتتا ايگىلەۋ ٴۇشىن، بۇل اۋدان قار ـ مۇز بايلىعى مەن جىلقى بايلىعى سىندى ەكى ”ماڭدايعا باسار“دى بىرلەستىرىپ، قىسقى ساياحاتتىڭ تاڭداۋلى ونىمدەرىن جاراتتى.

  ”موڭعۇلكۇرەنىڭ قىسقى ساياحاتىنىڭ بولاشاعى زور، جەرگىلىكتى ەرەكشەلىككە يە، دامۋدىڭ كومەسكى كۇشى بار، ٴبىز ات ٴۇستى ساياحاتى مەن ”تۇلپارلاردىڭ قاردا قۇيعىتۋى“ اتتى كورىنىسىن قىس ماۋسىمىنداعى موڭعۇلكۇرەنىڭ ساياحات تانىسقىسىنا اينالدىرىپ، موڭعۇلكۇرەنىڭ قىسقى ساياحاتىن كەڭەيتىپ، ارلەندىرىپ، ’سۋىق بايلىق‘تى ’ىستىق ەكونوميكا‘عا اينالدىرۋىمىز كەرەك“، - دەدى موڭعۇلكۇرە اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى تاڭ گاڭ.

  ”تۇلپارلاردىڭ قاردا قۇيعىتۋى“ سىندى وسى ٴبىر تاماشا شىنايى كورىنىستى ونەر كورسەتۋدى ۇيىمداستىرعان تەك موڭعۇلكۇرە اۋداندىق تۇلپار ساياحات - مادەنيەت باقشاسى عانا ەمەس، موڭعۇلكۇرە اۋداندىق كورىنىس ٴوڭىرىن باسقارۋ كوميتەتى دە بار. موڭعۇلكۇرە اۋداندىق كورىنىس ٴوڭىرىن باسقارۋ كوميتەتى ۇگىت - ساۋدا ٴبولىمىنىڭ باستىعى جاڭ پيڭ بىلاي دەپ تانىستىردى: بىلتىر ٴبىز موڭعۇلكۇرەدەگى سازدىق باقشاسىندا ”تۇلپارلاردىڭ قاردا قۇيعىتۋى“ اتتى قيمىلدى ورىستەتتىك، فوتوگرافتار مەن ساياحاتشىلار قىزۋ اڭىس ٴبىلدىردى.

  جۇڭگو جىلقى شارۋاشىلىعى قوعامى فوتوگرافتار بولىمشە قوعامىنىڭ باستىعى لي گاڭ بىلاي دەپ قارادى: موڭعۇلكۇرەنىڭ قار بايلىعى مەن جىلقى بايلىعىنىڭ ۇشتاسۋ دەڭگەيى جوعارى بولىپ، مەملەكەت بويىنشا سيرەك كەزدەسەدى. سۋرەتكە الۋدى ٴتۇيىن ەتىپ، جوعارى دەڭگەيدەگى ساياحات ونىمدەرىن جاراتىپ، قىسقى ساياحاتتى جەبەۋدىڭ بولاشاعى نۇرلى.

  چين جيە فوتو سۋرەت ۇيىرمەسىن ۇيىمداستىرۋشى، ول موڭعۇلكۇرەدە ون نەشە جىل تۇلپارلاردى سۋرەتكە العان، فوتوگرافتار ىشىندە ازىناۋلاق اتاعى بار، قازىر ول فوتوگراف اۋەسكەرلەرىنىڭ كوپتەگەن زاكازىن تاپسىرىپ الدى، بۇلار تۇگەلدەي ”تۇلپارلاردىڭ قاردا قۇيعىتۋى“ كورىنىسىن سۋرەتكە الماقشى بولعاندار.

  تانىستىرۋعا قاراعاندا، قار بايلىعى مەن جىلقى بايلىعىن ”ماڭدايعا باسار“ ەتكەن، ”قار - مۇز كورىنىسى، قار - مۇز سپورتى، قار - مۇز قىزىعى، قار - مۇز سالت - ساناسى“ سياقتى نەگىزگى تاقىرىپتاردى ارقاۋ ەتكەن موڭعۇلكۇر اۋدانىنىڭ قىسقى ساياحات نىسانى قازىر باستالعان. جەرگىلىكتى ورىننىڭ ساياحات باسقارۋ تاراۋى مەن ساياحات كاسىبىمەن شۇعىلدانۋشىلار ەرەكشە قىسقى ساياحات ماركاسىنىڭ موڭعۇلكۇرەدە ”كوكتەمدە قايتا جىلىنۋ، جازدا دۋماندانۋ، كۇزدە سالقىنداماۋ، قىستا سۋىماۋ“ سىندى تۇتاس مەزگىلدەگى تۇتاس وڭىرلىك ساياحاتتىڭ دامۋىن ۇدايىلاندىرۋدى قالىپتاستىرۋعا دەم بەرۋىن ٴۇمىت ەتتى.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى