تيانشان تورى   ›   ۇيرەنۋ   ›   شولۋ

قوعامدىق ادىلدىكتى، تۋراشىلدىقتى قورعايىق جانە جەبەيىك

  − باس شۋجي شي جينپيڭنىڭ ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

   حالىق گازەتىنىڭ شولۋشىسى

  زاڭمەن جونگە سالۋ مۇلتىكسىز زاڭدىق جۇيەنى، كەمەلدى زاڭ اتقارۋ مەحانيزمىن، جالپى بەتتىك زاڭعا بويسۇنۋدى تالاپ ەتىپ قانا قالماستان، ادىلدىكتىڭ، تۋراشىلدىقتىڭ قورعالۋىن جانە جۇزەگە اسىرىلۋىن ءتىپتى دە تالاپ ەتەدى. ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ماجىلىسىندە باس شۋجي شي جينپيڭ ادىلدىك، تۋراشىلدىق − ءادىليانىڭ رۋحى مەن جانى دەپ تەرەڭ اتاپ كورسەتىپ، ءادىليالىق جاۋاپكەرشىلىك ءتۇزىمىنىڭ كەشەندى سايكەستى رەفورمالارىن تەرەڭدەتىپ، ءادىليالىق تەجەۋدى باقىلاۋدى كۇشەيتىپ، قوعامدىق ادىلدىكتى، تۋراشىلدىقتى زاڭمەن جونگە سالۋ ارقىلى قامتاماسىز ەتۋ ءتۇزىمىن اقاۋسىزداندىرىپ، حالىق بۇقاراسىنا ءاربىر ءادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنۋ كەرەك دەپ باسا دارىپتەدى.

  ادىلدىك، تۋراشىلدىق پارتيامىز تالپىنىپ كەلگەن توتەنشە قاستەرلى قۇن. پارتيا 18 - قۇرىلتايىنان بەرى باس شۋجي شي جينپيڭ قوعامدىق ادىلدىكتى، تۋراشىلدىقتى قورعاۋعا جانە جەبەۋگە وسكەلەڭ ءمان بەرىپ، ”ادىلدىك − زاڭمەن جونگە سالۋدىڭ جان تامىرى“ ەكەندىگىن العا قويىپ، ”مەيلى قانداي دامۋ دەڭگەيىندە تۇرايىق، ءتۇزىم قاشاندا قوعامدىق ادىلدىكتىڭ، تۋراشىلدىقتىڭ ماڭىزدى كەپىلى“ ەكەندىگىن ايقىنداپ، ”ءادىليا قوعامدىق ادىلدىكتى، تۋراشىلدىقتى قورعاۋدىڭ ەڭ سوڭعى ساقتىق شەبى“ دەپ باسا دارىپتەپ، ”حالىق بۇقاراسىنا ءاربىر دەلونى ىستەۋ، ءاربىر ءىستى ءبىر جاقتى ەتۋدىڭ بارلىعىندا ادىلدىكتى، تۋراشىلدىقتى سەزىندىرۋگە قۇلشىنۋ كەرەك“ دەپ تالاپ ەتتى. شي جينپيڭنىڭ زاڭمەن جونگە سالۋ يدەياسىن جەتەكشى ەتۋگە تاباندى بولىپ، سوتتا قاراۋدى وزەك ەتكەن قىلمىستىق ىستەر ارىز - شاعىم ءتۇزىمى رەفورماسىن ىلگەرىلەتىپ، ءادىليالىق جاۋاپكەرشىلىك ءتۇزىمىنىڭ كەشەندى سايكەستى رەفورمالارىن ويداعىداي يگەرىپ، ءبىر توپ ەلەۋلى ناقاق، جالعان، قاتە ىستەلگەن دەلونى زاڭ بويىنشا تۇزەتىپ، تىنىش - امان جۇڭگو قۇرىلىسىن تىڭعىلىقتى ىلگەرىلەتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ورىستەتىپ، تاماشا زاڭ ارقىلى شەبەرلىكپەن جونگە سالۋدى قوعامدىق ادىلدىكتى، تۋراشىلدىقتى قورعاۋدىڭ جانە جەبەۋدىڭ نەگىزىنە اينالدىرعاندا حالىق بۇقاراسىنىڭ تابىس سەزىمى، رازىلىعى كورنەكتى جوعارىلايدى.

  مەملەكەتتى جاپپاي زاڭمەن جونگە سالۋدىڭ ەڭ كەڭ، ەڭ تەرەڭ نەگىزى حالىق، ءسوز جوق، حالىقتى وزەك ەتۋگە تاباندى بولۋ، حالىق ءۇشىن ىستەۋگە، حالىققا سۇيەنۋگە تاباندى بولۋ كەرەك. باس شۋجي شي جينپيڭ بىلاي دەپ اتاپ كورسەتتى: ”مەملەكەتتى جاپپاي زاڭمەن جونگە سالۋدى ىلگەرىلەتۋدىڭ ءتۇبىرلى ماقساتى حالىقتىڭ ۇقىق - مۇددەسىن زاڭمەن قامتاماسىز ەتۋ“. ەلىمىز ەكونوميكاسىنىڭ، قوعامىنىڭ ۇزدىكسىز دامۋىنا ىلەسە، حالىق بۇقاراسىنىڭ دەموكراتيا، زاڭمەن جونگە سالۋ، ادىلدىك، تۋراشىلدىق، حاۋىپسىزدىك، قورشاعان ورتا سياقتى جاقتارداعى تالابى كۇن سايىن جوعارىلادى. حالىقتىڭ مۇددەسىن ايگىلەۋدى، حالىقتىڭ ارمان - تىلەگىن ءبىلدىرۋدى، حالىقتىڭ ۇقىق - مۇددەسىن قورعاۋدى، حالىقتىڭ ىرىس - قۇتىن ارتتىرۋدى مەملەكەتتى جاپپاي زاڭمەن جونگە سالۋدىڭ بارلىق سالاسىندا، تۇتاس بارىسىندا تياناقتاندىرىپ، حالىق بۇقاراسىنىڭ ەڭ جاڭا تالابىنا، ەڭ جاڭا تىلەگىنە بەلسەندىلىكپەن جاۋاپ قاتىپ، زاڭمەن جونگە سالۋ سالاسىنداعى حالىق بۇقاراسىنىڭ اڭىسى كۇشتى بولىپ وتىرعان كورنەكتى ماسەلەلەرگە جۇيەلى زەرتتەۋ جۇرگىزىپ، جوسپارلاپ جانە شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز ارتتىرىپ، حالىقتىڭ تىنىش ءومىر، شات - شادىمان تىرشىلىك كەشىرۋىن زاڭمەن جونگە سالۋمەن قامتاماسىز ەتۋ كەرەك. قوعامدىق ادىلدىك، تۋراشىلدىق سىندى زاڭمەن جونگە سالۋدىڭ قۇن تالپىنىسىن زاڭ شىعارۋدىڭ، زاڭ اتقارۋدىڭ، ءادىليانىڭ، زاڭعا بويسۇنۋدىڭ تۇتاس بارىسىمەن جانە ءار جاعىمەن ساباقتاستىرىپ، ادىلدىكتىڭ، تۋراشىلدىقتىڭ نۇر - شۇعىلاسىن حالىقتىڭ كوڭىل كوكىرەگىنە ءتۇسىرۋ كەرەك.

  مەملەكەتتى جاپپاي زاڭمەن جونگە سالۋدى ىلگەرىلەتۋدى، ءسوز جوق، قوعامدىق ادىلدىكتى، تۋراشىلدىقتى قامتاماسىز ەتۋدى جانە جەبەۋدى تىعىز ارقاۋ ەتىپ جۇرگىزۋ كەرەك. عىلمي زاڭ شىعارۋدى، زاڭدى قاتاڭ اتقارۋدى، ءادىليانىڭ ادىلدىگىن، جالپى حالىقتىڭ زاڭعا بويسۇنۋىن جاپپاي ىلگەرىلەتۋگە تاباندى بولىپ، زاڭمەن جونگە سالۋ سالاسىنداعى رەفورمالاردى ۇزدىكسىز ىلگەرىلەتىپ، زاڭ شىعارۋ، زاڭ اتقارۋ، ءادىليا، زاڭعا بويسۇنۋ سياقتى سالالارداعى كورنەكتى قايشىلىقتار مەن ماسەلەلەردى ويداعىداي شەشۋ كەرەك. زاڭمەن جونگە سالۋ ارقىلى اكىمشىلىك ۇقىقتىڭ قاعيداسىن بەلگىلەپ، شەكاراسىن ايىرىپ، اكىمشىلىك شەشىم جاساۋ ءتارتىبىن ارناعا ءتۇسىرىپ، ۇكىمەت فۋنكتسياسىنا جەدەل بۇرىلىس جاساپ، زاڭدى قاتاڭ، ولشەمدى، ءادىل، مادەنيەتتى اتقارۋدى ىلگەرىلەتۋ كەرەك. ءادىليا ءتۇزىلىسى رەفورماسىن ۇزدىكسىز تەرەڭدەتىپ، تۇزىلىستىك، مەحانيزمدىك، قامتاماسىزدىق سيپاتتى كەدەرگىلەردى كۇش سالا جويىپ، اشىق، قوزعالىستى، جاريا، حالىققا قولايلى جارقىن ءادىليا مەحانيزمىن قالىپتاستىرىپ، ولشەمدى، جوعارى ءونىمدى تەجەۋ، باقىلاۋ جۇيەسىن جەدەل ورناتىپ، ءادىليانىڭ ادىلدىگىنىڭ تومەنگى شەگىن بەرىك ساقتاپ، حالىقتىڭ ۇقىق - مۇددەسىن قورعاۋعا تاباندى بولىپ، ءادىليانىڭ الەۋمەتتىك سەنىمدىلىگىن ۇزدىكسىز جوعارىلاتۋ كەرەك. قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، قارا، سۇرقيا كۇشتەرگە، سونداي - اق ولاردىڭ ”باسقالقالارىنا“ باتىل سوققى بەرىپ، قالا مەن اۋىلدىڭ اناعۇرلىم تىنىش بولۋىنا، بۇقارانىڭ اناعۇرلىم الاڭسىز تىرشىلىك، شات - شادىمان تۇرمىس كەشىرۋىنە مۇمكىندىك جاساۋ كەرەك. ساقتىق سيپاتتى زاڭ - ءتۇزىمدى كەمەلدەندىرىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قوعامنىڭ جاراسىمدىلىعىن، ورنىقتىلىعىن جەبەۋ كەرەك.

  ”ەل باسقارۋدىڭ ءتۇيىنى ادىلدىكتە، تۋراشىلدىقتا“. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ كەلەشەكتەگى دامۋ كارتيناسىن سالىپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوز جوق، بويسۇنۋعا ءتيىستى پرينسيپتى العا قويعان كەزدە ”قوعامدىق ادىلدىكتى جەبەۋ، حالىق تۇرمىسىنىڭ ىرىس - قۇتىن ارتتىرۋ“ مازمۇنىن ايقىنداپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋداعى باستى نىسانالاردى العا قويعان كەزدە ”سوتسياليستىك دەموكراتيالىق زاڭمەن جونگە سالۋدى اناعۇرلىم اقاۋسىزداندىرۋ، قوعامدىق ادىلدىكتى، تۋراشىلدىقتى ىشكەرىلەي ايگىلەۋ“ مىندەتىن ايقىندادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ زاڭمەن جونگە سالۋ يدەياسىنىڭ مەملەكەتتى جاپپاي زاڭمەن جونگە سالۋداعى جەتەكشى ورنىنا تاباندى بولىپ، جۇڭگوشا سوتسياليستىك زاڭمەن جونگە سالۋ جولىمەن مىزعىماستان ءجۇرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى زاڭمەن جونگە سالۋ ارناسىندا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىن قۇلشىنا قولعا كەلتىرەيىك!

  (شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.