شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 11 - ايدىڭ 22 - كۇنى ۇرىمجىدەن حابارلايدى. 11 - ايدىڭ 20 - كۇنى تۇستەن كەيىن اۆتونوميالى رايوننىڭ كەدەيلەردى دالمە - ءدال سۇيەمەلدەۋ ارحيۆ قىزمەتىن ىلگەرىلەتۋ ءماجىلىسى اشىلدى. ءماجىلىس باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىنىڭ، اسىرەسە، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ جاڭا داۋىردە ارحيۆ قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابىنا ساي، كەدەيلەردى دالمە - ءدال سۇيەمەلدەۋ ارحيۆ قىزمەتىن ورنالاستىرىپ، جايعاستىرىپ، ءار دارەجەلى، ءارقايسى ورىنداردى ارحيۆ قۇرىلىسى قىزمەتىن شىنايى ويداعىداي يگەرىپ، شينجياڭنىڭ كەدەيلىكتەن ارىلتۋدان قامال الۋدى ىلگەرىلەتۋدە شەشۋشى سيپاتتى تابىسقا قول جەتكىزگەن ۇلى بارىسىن شىنايى، جان - جاقتى، دالمە - ءدال ەستەلىككە الۋعا جانە بەينەلەۋگە شىنايى كەپىلدىك ەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە، جاپپاي دوڭگەلەك داۋلەتتى قوعامدى دەر كەزىندە ورناتۋعا ۇلەس قوسۋعا اتتانىسقا كەلتىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءار ءسوز سويلەدى.
ءماجىلىس مىنالاردى اتاپ كورسەتتى: كەدەيلەردى دالمە - ءدال سۇيەمەلدەۋ ارحيۆ قىزمەتىن جاقسى ىستەپ، كەدەيلىكتەن ارىلتۋدان قامال الۋدىڭ ۇلى بارىسىن جان - جاقتى، شىنايى ەستەلىككە الۋ − كەدەيلىكتەن ارىلتۋدان قامال الۋدى اياقتاتۋ قىزمەتىنىڭ ماڭىزدى مازمۇنى. كەدەيلەردى دالمە - ءدال سۇيەمەلدەۋ ارحيۆ قىزمەتى مەحانيزمىن اقاۋسىزداندىرۋدى نەگىز، كەدەيلەردى دالمە - ءدال سۇيەمەلدەۋ ارحيۆ حاۋىپسىزدىگىن كۇشەيتۋدى كەپىلدىك، تۇتاس رايوندا 5 دارەجە بىرلەسىپ قيمىلدايتىن، ءوزارا ءبىرىن - ءبىرى ايعاقتايتىن، جينالۋى، رەتتەلۋى تولىق، باسقارۋ حاۋىپسىزدىگى جۇيەلى، اشۋ، پايدالانۋ ونىمدىلىگى جوعارى ارحيۆ قىزمەتى جۇيەسىن تۇلعالاۋ كەرەك.
تاريحي فاكتتەرگە قۇرمەت ەتىپ، دارەجە بويىنشا جاۋاپتى بولۋدى جولعا قويىپ، قۇرۋ مەن باسقارۋعا تەڭ ءمان بەرۋدى كۇشەيتىپ، ۇقىپتىلىقتى، ۇنەمشىلدىكتى قاتاڭ اتقارىپ، نەگىزگى ساتىنىڭ اۋىرتپالىعىن جەڭىلدەتىپ، كەدەيلەردى دالمە - ءدال سۇيەمەلدەۋ ارحيۆ قىزمەتىن جەرگىلىكتى جاعدايعا قاراي ويداعىداي ورىستەتۋ كەرەك. سىناق ءتۇيىنى تاجىريبەلەرىن قورىتىندىلاپ، باۋلۋ قىزمەتىن ساتىلار بويىنشا، باعىتتامالى تۇردە ورىستەتىپ، حۇجات جيۋ، ارحيۆكە الۋ، رەتتەۋ قىزمەتىن ءتارتىپتى ىلگەرىلەتۋ كەرەك. ارحيۆكە الۋ كولەمىن، ۋاقىت ارالىعىن، جاۋاپكەرشىلىك جۇمىس ءبولىسىن ايقىنداپ، سايكەستى ارحيۆكە الىنعان كەدەيلەردى دالمە - ءدال سۇيەمەلدەۋ حۇجات ماتەريالدارىنىڭ جيۋعا تيىستىلەرىن تۇگەلدەي جيىپ، ارحيۆكە الۋعا تيىستىلەرىن تۇگەلدەي ارحيۆكە الۋ كەرەك.
ءماجىلىس مىنالاردى باسا دارىپتەدى: كەدەيلەردى دالمە - ءدال سۇيەمەلدەۋ ارحيۆ قىزمەتى ولشەمىنە تاباندى بولىپ، جۇيەلى رەتتەۋ، جۇيەلى ارحيۆكە الۋ كەرەك. تەحنيكالىق تالاپتى تياناقتاندىرىپ، دالمە - ءدال تۇرگە ايىرۋعا، رەتتى تارتىپكە تۇرعىزۋعا، رەتتى تۇپتەۋگە، مازمۇنى انىق بولۋعا شىنايى كەپىلدىك ەتۋ كەرەك. قىزمەت ءتارتىبىن جۇيەگە ءتۇسىرىپ، ورتتەن ساقتانۋ، ۇرى - قارىدان ساقتانۋ، جوعارى تەمپەراتۋرادان ساقتانۋ سىندى ساقتاۋ - باسقارۋ شارت - جاعدايىن تياناقتاندىرىپ، شوعىرلى ءبىر تۇتاس ساقتاپ - باسقارۋدى، جۇيەلى باسقارۋدى قاتايتۋ كەرەك. كەدەيلەردى دالمە - ءدال سۇيەمەلدەۋ ارحيۆىنىڭ كەڭەسشىلىك، تاربيەلىك رولىن ساۋلەلەندىرۋگە ءمان بەرىپ، شينجياڭنىڭ كەدەيلىكتەن ارىلتۋدان قامال الۋ بارىسىندا جارىققا شىققان وزات تيپتەرىن جانە اسەرلى ىزگى ىستەرىن تولىق ايگىلەۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكوم مەن ۇكىمەت ساياسي دەڭگەيدى شىنايى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كەدەيلەردى سۇيەمەلدەۋ ارحيۆ قۇرىلىسىنىڭ تۇلعالىق جاۋاپكەرشىلىگىن ارقالاۋ كەرەك. ءار دارەجەلى، ءارقايسى تاراۋلار تىزە قوسا سەلبەسىپ، تىعىز سايكەسىپ، سەلبەسىپ ىلگەرىلەتىپ، پارمەندى بىرىككەن كۇش قالىپتاستىرۋ كەرەك.
اۆتونوميالى رايون باسشىسى ۋان حايچۋان ءماجىلىستى باسقاردى.
