شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان 11 - ايدىڭ 22 - كۇنى ۇرىمجىدەن حابارلايدى. 11 - ايدىڭ 21 - كۇنى جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتىنىڭ توعىزىنشى جالپى ءماجىلىسى وتكىزىلدى. ءماجىلىستى بيڭتۋان پارتكومىنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى ۋاڭ جۇنجىڭ ءسوز سويلەدى.
ءماجىلىس پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، «جۇڭگو كوممۋنيستىك پارتياسى شينجياڭ ءوندىرىس - قۇرىلىس بيڭتۋانى 7 - كەزەكتى كوميتەتى توعىزىنشى جالپى ءماجىلىسىنىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ جونىندەگى قاۋلىسىن» قاراپ ماقۇلدادى.
ءماجىلىس مىنانى اتاپ كورسەتتى: بيڭتۋانداعى ءار دارەجەلى تاراۋلار مەن قالىڭ پارتيالى كادرلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەت ەتۋ كەرەك.
ءماجىلىس مىنانى باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ءبىر تۇتاس باسشىلىققا الۋدان جازباي، بيڭتۋاننىڭ ”14 - بەسجىلدىق“ جوباسىن جانە بولاشاقتاعى دامۋىن عىلمي جوبالاۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، شينجياڭ قىزمەتى باس نىساناسىن مىقتاپ يگەرىپ، نازاردى بيڭتۋاننىڭ قىزمەت جاۋاپكەرشىلىگىن، بورىشىن ادا ەتۋگە شوعىرلاندىرىپ، جاڭا دامۋ كەزەڭىن جان - جاقتى يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىمەن بەلسەنە توعىسىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، حالىق تۇرمىسىمەن تىعىز جاناستىرىپ، جوعارى ساپالى دامۋدى ىلگەرىلەتۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتۋگە تاباندى بولىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتىپ، بيڭتۋاننىڭ جالپىلىق ناقتى قۋاتىن نىعايتىپ، ”3 ۇلكەن يقۋاتتى“ ويداعىداي اتقارىپ، ”4 ۇلكەن رولدى“ ساۋلەلەندىرۋ كەرەك.
ءماجىلىس مىنانى باسا دارىپتەدى: وسكەلەڭ ساياسي سانالىلىق پەن كۇشتى جاۋاپكەرشىلىك ارقالاۋ ارقىلى شينجياڭ مەن بيڭتۋاننىڭ ءىس جۇزىندىك جاعدايىن تياناق ەتىپ، ”14 - بەسجىلدىق“ كەزىندەگى بيڭتۋاننىڭ ەكونوميكالىق، قوعامدىق دامۋىنداعى ءتۇيىندى مىندەتتەردى جوبالاپ، ويداعىداي اتقارىپ، جاڭا داۋىردەگى بيڭتۋاننىڭ ەرەكشە رولىن تولىق ساۋلەلەندىرۋ كەرەك. ورنىقتىلىقتى قورعاۋ، شەكارانى كۇزەتۋ قابىلەتىن ارتتىرىپ، شەكارانى ورنىقتىرۋداعى - بەكەمدەۋدەگى ورنىقتىرعىشتىق رولىن ساۋلەلەندىرۋ كەرەك. رەفورمانى ۇزدىكسىز تەرەڭدەتىپ، بيڭتۋاننىڭ ۇيىمدىق ابزالدىلىعى مەن اتتانىسقا كەلتىرۋ قابىلەتىن كۇشەيتۋ كەرەك. حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، بيڭتۋاننىڭ جالپىلىق ناقتى قۋاتىن ۇزدىكسىز نىعايتۋ كەرەك. شينجياڭدى مادەنيەتپەن نارلەندىرۋ ينجەنەرياسىن اتقارىپ، وزىق مادەنيەتتەن ۇلگى كورسەتۋ ءوڭىرىن قۇرۋ كەرەك. بيىلعى نىسانالار مەن مىندەتتەردى قۇلشىنا ورىنداپ، ”14 - بەسجىلدىق“ كەزىندەگى دامۋعا تاماشا نەگىز قالاۋ كەرەك. ءماجىلىس پارتيانى جاپپاي قاتاڭ جونگە سالۋدى ىلگەرىلەتىپ، بيڭتۋاننىڭ ەكونوميكاسىنىڭ، قوعامىنىڭ جوعارى ساپالى دامۋىنا، جاپپاي دامۋىنا پارمەندى كەپىلدىك ازىرلەۋدى باسا دارىپتەدى.
بيڭتۋان پارتكومىنىڭ تۇراقتى مۇشەلەرى پىڭ جيارۇي، كۇڭ شيڭلۇڭ، شاۋ فىڭ، ءمۇتالىپ ءماتتوحتى، ياۋ شينمين، لي پيڭ، لۋ شۇيپيڭ، لي جيدۇڭ، جۇڭ بو ماجىلىسكە قاتىناستى.
