شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 11 - ايدىڭ 22 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، الدىڭعى 10 ايدا رايونىمىزدىڭ جالپى ەلەكتر تاراتۋ مولشەرى 187 ميلليارد 700 ميلليون كيلوۆات - ساعات بولعان. مۇنىڭ ىشىندە جاڭا ەنەرگيامەن ەلەكتر تاراتۋ مولشەرى 50 ميلليارد 960 ميلليون كيلوۆات - ساعات بولىپ، سايكەس مەزگىلدەگىدەن %9.5 ارتقان.
رايونىمىزدىڭ مول ”جەل، كۇن نۇرى“ بايلىعى بار، جەل ەنەرگيا بايلىق قورى، كۇن ەنەرگياسىنىڭ جىلدىق جالپى مولشەرى تۇگەلدەي بۇكىل ەل بويىنشا الدىڭعى قاتاردا. جاڭا ەنەرگيادان پايدالانۋ مولشەرىن جوعارىلاتۋ ءۇشىن، رايونىمىز ەلەكتر جەلىسى جانە جاڭا ەنەرگيا بازاسى قۇرىلىسىن جەدەلدەتىپ، ەلەكتر ەنەرگياسىن جەتكىزۋ ارناسىن ۇزدىكسىز كەڭەيتىپ، قابىلداۋ دەڭگەيىن زور كۇشپەن ارتتىردى.
الدىڭعى 10 ايدا رايونىمىزدىڭ جاڭا ەنەرگيامەن ەلەكتر تاراتۋ مولشەرى جالپى ەلەكتر تاراتۋ مولشەرىنىڭ %27ىن يەلەپ، جاڭا ەنەرگيانىڭ پايدالانىلۋ سالىستىرماسى %90.9كە جەتىپ، سايكەس مەزگىلدەگىدەن 4.3 پايىز جوعارىلاعان. 2016 - جىلى رايونىمىزدا جاڭا ەنەرگيانىڭ پايدالانىلۋ سالىستىرماسى %63 قانا بولاتىن. قىسقا عانا بىرنەشە جىلدا جاڭا ەنەرگيانىڭ پايدالانىلۋ سالىستىرماسى زور مولشەردە جوعارىلادى.