تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى «جۇڭحۋا حالىق رەسپۋبليكاسىنىڭ ازاماتتىق زاڭناماسىن» ارناۋلى ۇيرەندى

شي جينپيڭنىڭ زاڭمەن جونگە سالۋ يدەياسىن ىشكەرىلەي دايەكتىلەندىرىپ، ازاماتتىق زاڭنامانىڭ اتقارىلۋىن ىلگەرىلەتىپ، شينجياڭدى جاپپاي زاڭمەن جونگە سالىپ، جاڭا داۋىردە شينجياڭدى زاڭمەن جونگە سالۋدىڭ جاڭا جاعدايىن اشۋ كەرەك

چىن چۋانگو باسقاردى

شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 11 - ايدىڭ 22 - كۇنى ۇرىمجىدەن حابارلايدى. 11 - ايدىڭ 22 - كۇنى تۇستەن بۇرىن اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەندى، ۇعىندى، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەندى، دايەكتىلەندىردى، «جۇڭحۋا حالىق رەسپۋبليكاسىنىڭ ازاماتتىق زاڭناماسىن» ارناۋلى ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.

  شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، ياڭ شين، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.

  شينجياڭ داشۋەسى زاڭ شۋەيۋانىنىڭ پروفەسسورى دىڭ شىمين ارناۋلى تاقىرىپتا پىسىقتاۋ بايانداماسىن جاسادى. دىڭ شىمين شي جينپيڭنىڭ زاڭمەن جونگە سالۋ يدەياسىن مىقتاپ ارقاۋ ەتىپ، ازاماتتىق زاڭنامانىڭ جاريالانۋىنىڭ كەلەلى ماڭىزى جانە ازاماتتىق زاڭناما ايگىلەگەن جۇڭگوشا ەرەكشەلىك، امالياتتىق ەرەكشەلىك، داۋىرلىك ەرەكشەلىك سياقتى 4 جاقتان زاڭ جۇيەسىن تانىستىرۋ، تارماقتاردى ءتۇسىندىرۋ جانە دەلو مىسالدارىنا تالداۋ جاساۋ سياقتىلارمەن بىرلەستىرىپ، ىشكەرىلەي جۇيەلى، عىلمي، جان - جاقتى تۇسىنىك جاسادى.

  چىن چۋانگو بىلاي دەپ اتاپ كورسەتتى: «جۇڭحۋا حالىق رەسپۋبليكاسىنىڭ ازاماتتىق زاڭناماسى» − جاڭا جۇڭگو قۇرىلعاننان بەرگى «زاڭناما» اتىمەن اتالعان تۇڭعىش زاڭ، ەلىمىز سوتسياليزمىنىڭ سيپاتىن ايگىلەيتىن، حالىقتىڭ مۇددەسى مەن تىلەگىنە ۇيلەسەتىن، ءداۋىردىڭ دامۋ تالابىنا ساي كەلەتىن ازاماتتىق زاڭناما، جاڭا داۋىردەگى ەلىمىزدىڭ سوتسياليستىك زاڭمەن جونگە سالۋ قۇرىلىسىنىڭ كەلەلى جەتىستىگى. ازاماتتىق زاڭناما رەسمي جاريالانىپ اتقارىلعان سوڭ، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 20 - رەتكى توپتىق ۇيرەنۋىن باسقارىپ اشىپ ءارى ماڭىزدى ءسوز سويلەپ، ازاماتتىق زاڭنامانى ۇيرەنۋدىڭ، ۇگىتتەۋدىڭ، اتقارۋدىڭ ناقتى تالاپتارىن ويداعىداي يگەرۋدى ايقىن العا قويىپ، ازاماتتىق زاڭنامانىڭ اتقارىلۋىن ىلگەرىلەتۋگە ماڭىزدى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ازاماتتىق زاڭنامانىڭ جاريالانىپ اتقارىلۋىنىڭ كەلەلى ماڭىزىن جەتە تانىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن، شي جينپيڭنىڭ زاڭمەن جونگە سالۋ يدەياسىمەن باتىل تۇردە بىرلىككە كەلتىرىپ، مەملەكەتتى جاپپاي زاڭمەن جونگە سالۋ تالابىن شينجياڭ قىزمەتىنىڭ ءاربىر سالاسىندا تياناقتاندىرىپ، ازاماتتىق زاڭنامانى ويداعىداي اتقارىپ، جاڭا داۋىردەگى شينجياڭدى زاڭمەن جونگە سالۋدىڭ جاڭا جاعدايىن قۇلشىنا اشۋ كەرەك.

  چىن چۋانگو بىلاي دەپ باسا دارىپتەدى: شينجياڭنىڭ ءىس جۇزىندىگىمەن تىعىز بىرلەستىرىپ، ازاماتتىق زاڭنامانى كەڭ كولەمدە ۇگىتتەپ، مۇقيات اتقارىپ، شينجياڭدى جاپپاي زاڭمەن جونگە سالۋدى، زاڭمەن جونگە سالىناتىن شينجياڭ قۇرۋدى ىلگەرىلەتىپ، ءار ۇلت حالقىنىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك. ازاماتتىق زاڭنامانى ۇيرەنۋدى، ۇگىتتەۋدى ويداعىداي يگەرىپ، ازاماتتىق زاڭنامانى ۇيرەنۋدى، ۇگىتتەۋدى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرۋعا تاباندى بولىپ، ىشكەرىلەي ۇيرەنۋدى، جەتە ءتۇسىنۋدى، ساباقتاستىرۋدى شىن مانىندە ورىنداۋ؛ زاڭ جالپىلاستىرۋ قىزمەتىن كۇشەيتىپ، بۇقارانى سانالى تۇردە زاڭعا بويسۇنۋ تانىمىن قالىپتاستىرۋعا، ىسكە جولىققاندا زاڭمەن ساناسۋ داعدىسىن قالىپتاستىرۋعا، ماسەلەنى شەشكەندە زاڭعا سۇيەنۋ تانىمى مەن قابىلەتىن جەتىلدىرۋگە جەتەكتەۋ؛ ازاماتتىق زاڭنامانىڭ نەگىزگى پرينسيپتەرىن، نەگىزگى تالاپتارىن جانە ءبىر قىدىرۋ جاڭا بەلگىلەمەلەرىن، جاڭا ۇعىمدارىن، جاڭا رۋحتارىن ويداعىداي شەشىپ ءتۇسىندىرىپ، ءار ۇلت كادر - بۇقاراسىنىڭ ازاماتتىق زاڭنامانى ءتىپتى دە جاقسى ۇيرەنۋىنە، تۇسىنۋىنە، يگەرۋىنە شارت - جاعداي ازىرلەۋ كەرەك. ءار ۇلت بۇقاراسىنىڭ زاڭدى ۇقىق - مۇددەسىن قامتاماسىز ەتىپ، حالىقتى بارىنەن جوعارى قويۋعا تاباندى بولىپ، ءار ۇلت بۇقاراسىنىڭ زاڭمەن جونگە سالۋ تالاپ - تىلەگىنە بەلسەنە جاۋاپ بەرىپ، قوعامدىق ادىلدىكتى، تۋراشىلدىقتى قورعاپ، زاڭمەن جونگە سالىناتىن ۇكىمەت قۇرۋدى ىلگەرىلەتىپ، زاڭ بويىنشا اكىمشىلىك جۇرگىزۋ قابىلەتى مەن دەڭگەيىن جوعارىلاتىپ، زاڭدى قاتاڭ، جۇيەلى، ءادىل، مادەنيەتتى تۇردە اتقارىپ، ءادىليا ورگانىنىڭ ازاماتتىق ىستەر دەلولارىن سوتتاۋ دەڭگەيى مەن ونىمدىلىگىن جوعارىلاتۋ كەرەك. زاڭمەن جونگە سالۋدى قامتاماسىز ەتۋ دەڭگەيىن ءوسىرىپ، شينجياڭدى جاپپاي زاڭمەن جونگە سالۋ قىزمەتتەرىن ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋعا، ەكونوميكانىڭ جوعارى ساپالى دامۋىن ىلگەرىلەتۋگە، كەدەيلىكتەن ارىلتۋ تابىستارىن بەكەمدەۋگە، قوعامدىق كەلەلى جاعدايدىڭ باياندى ورنىقتىلىعى مەن ۇزاق ۋاقىتتىق ورنىقتىلىعىن ساقتاپ، قوعام ورنىقتىلىعى مەن باياندى تىنىشتىقتى جۇزەگە اسىرۋعا زاڭمەن جونگە سالۋ كەپىلدىگىن ازىرلەۋ كەرەك.

  چىن چۋانگو بىلاي دەپ باسا دارىپتەدى: ءار دارەجەلى پارتكوم مەن ۇكىمەت ماڭىزدى جاۋاپكەرشىلىك ارقالاپ، ازاماتتىق زاڭنامانىڭ اتقارىلۋىن باستاماشىلدىقپەن ۇگىتتەۋ، ىلگەرىلەتۋ، قامتاماسىز ەتۋ كەرەك. ءار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرى تەكسەرۋ مەن باقىلاۋدى كۇشەيتىپ، ازاماتتىق زاڭنامانىڭ جالپى بەتتىك ءونىمدى تۇردە اتقارىلۋىنا شىنايى كەپىلدىك ەتۋ كەرەك. تاراۋلار، ورىندار ءوز مىندەتتەرىن ادا ەتىپ، سايكەسە بىرلەسىپ قيمىلداپ، ازاماتتىق زاڭنامانى ۇيرەنۋدىڭ، ۇگىتتەۋدىڭ، دايەكتى اتقارۋدىڭ بىرىككەن كۇشىن قالىپتاستىرۋ كەرەك. ءار دارەجەلى پارتيالى كادرلار ونەگە كورسەتىپ، ازاماتتىق زاڭنامانى قولدانىپ حالىقتىڭ ۇقىق - مۇددەسىن قورعاۋ، قايشىلىق، داۋ - شاردى شەشۋ، قوعامنىڭ جاراسىمدىلىعىن، ورنىقتىلىعىن جەبەۋ قابىلەتى مەن دەڭگەيىن جوعارىلاتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.