تيانشان تورى   ›   جاڭالىقتار   ›   ماڭىزدى حابارلار

شي جينپيڭ 20 ەل توبى باسشىلارى رياد باس قوسۋىنىڭ ”جەر شارىن قورعاۋ“ تاقىرىبىنداعى تاراپتار ماجىلىسىندە ءسوز سويلەدى

  11 - ايدىڭ 22 - كۇنى مەملەكەت ءتوراعاسى شي جينپيڭ 20 ەل توبى باسشىلارى رياد باس قوسۋىنىڭ ”جەر شارىن قورعاۋ“ تاقىرىبىنداعى تاراپتار ماجىلىسىندە ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - ايدىڭ 22 - كۇنى 20 ەل توبى باسشىلارى رياد باس قوسۋىنىڭ ”جەر شارىن قورعاۋ“ تاقىرىبىنداعى تاراپتار ماجىلىسىندە ءسوز سويلەدى.

  شي جينپيڭ بىلاي دەپ اتاپ كورسەتتى: جەر شارى ءبىزدىڭ ورتاق مەكەنىمىز. ادامزات تاعدىرلاس ورتاق تۇلعا ۇستانىمىنان جازباي، كليمات، ورتا سالاسىنداعى سىن - سايىستارعا قول ۇستاسا توتەپ بەرىپ، وسى كوگىلدىر عالامشاردى ويداعىداي قورعاۋىمىز كەرەك.

  شي جينپيڭ 3 قۋاتتاما ورتاعا قويدى:

  ءبىرىنشى، كليمات وزگەرىسىنە توتەپ بەرۋ سەرپىنىن ارتتىرۋ. 20 ەل توبى جەتەكتەۋ رولىن ۇزدىكسىز ساۋلەلەندىرىپ، «بىرلەسكەن مەملەكەتتەر ۇيىمى كليمات وزگەرىسى جۇلگەلىك شارتىنىڭ» جەتەكشىلىگىندە، كليمات وزگەرىسىنە توتەپ بەرۋدىڭ «پاريج كەلىسىمىنىڭ» جاپپاي ءونىمدى اتقارىلۋىن ىلگەرىلەتۋ كەرەك. جۇڭگو جاق جۇڭگونىڭ مەملەكەتتىڭ ءوز كۇشىمەن ۇلەس قوسۋ سەرپىنىن ارتتىرىپ، كومىرتەگى قوس توتىعىن ىعىستىرۋدى 2030 - جىلدان بۇرىن جوعارعى شەككە جەتكىزىپ، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋعا كۇش سالاتىندىعىن جاريالادى. جۇڭگو جاق تاباندىلىقپەن تياناقتاندىرادى.

  ەكىنشى، تازا ەنەرگياعا ويىسۋدى ىشكەرىلەي ىلگەرىلەتۋ. جۇڭگو جاق ىندەتتەن كەيىنگى داۋىردە ەنەرگيانى تومەن كومىرتەكتەندىرۋگە ويىسۋدى قولداپ، بارلىق ادامنىڭ باياندى ەنەرگيا نىساناسىنان يگىلىكتەنۋىن جۇزەگە اسىرادى. جۇڭگو جەر شارىنداعى ەڭ ۇلكەن تازا ەنەرگيا جۇيەسىن قۇردى، ەنەرگيانىڭ تازا، تومەن كومىرتەكتى، حاۋىپسىز، جوعارى ءونىمدى پايدالانىلۋىن ىلگەرىلەتىپ، جاڭا ەنەرگيا، جاسىل قورشاعان ورتانى قورعاۋ سياقتى كاسىپ سالالارىنىڭ دامۋىن جەدەلدەتىپ، ەكونوميكالىق، قوعامدىق دامۋدىڭ جاپپاي جاسىل تيپكە ويىسۋىن جەبەيدى.

  ءۇشىنشى، تابيعاتقا قۇرمەت ەتەتىن ەكولوگيالىق جۇيە قۇرۋ. جۇڭگو جاق 20 ەل توبىنىڭ جەردىڭ قۇنارسىزدانۋىن ازايتۋ، مارجان قۇزداردى قورعاۋ، تەڭىز - مۇحيتتاعى سۋلياۋ قوقىر - قوقسىققا توتەپ بەرۋ سياقتى سالالاردا سەلبەستىكتى تەرەڭدەتىپ، اناعۇرلىم بەكەم الەمدىك ەكولوگيا حاۋىپسىزدىگى قالتقىسىن تۇلعالاۋىن قولدايدى. جۇڭگو جاق ءارقايسى جاقتاردىڭ كەلەر جىلى 5 - ايدا كۇنميڭدە وتكىزىلەتىن «ورگانيزمدەردىڭ الۋان تۇرلىلىگى شارتىنىڭ» شارت جاساسۋشى جاقتار 15 - رەتكى جينالىسىنا قاتىناسۋىن شىن ىقىلاسپەن قارسى الادى، جينالىستىڭ بولاشاق ءبىر مەزگىلدەگى الەمدىك ورگانيزمدەردىڭ الۋان تۇرلىلىگىن قورعاۋعا نىسانا بەلگىلەۋىن، ارەكەت قولدانۋىن كۇتەدى. قول ۇستاسىپ، بىرگە تازا دا كورىكتى دۇنيە قۇرايىق!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.