تيانشان تورى   ›   جاڭالىقتار   ›   ماڭىزدى حابارلار

شي جينپيڭ 20 ەل توبى باسشىلارىنىڭ 15 - رەتكى باس قوسۋىنىڭ 2 - كەزەڭدەگى ماجىلىسىنە قاتىناستى

  11 - ايدىڭ 22 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىندە 20 ەل توبى باسشىلارىنىڭ 15 - رەتكى باسشىلار باس قوسۋىنىڭ 2 - كەزەڭدەگى ماجىلىسىنە قاتىناسىپ، باياندى دامۋ ماسەلەسى جونىندەگى كوزقاراسىن ءتۇيىندى تۇردە بايىمدادى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

    11 - ايدىڭ 22 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران تاسىلىندە 20 ەل توبى باسشىلارىنىڭ 15 - رەتكى باسشىلار باس قوسۋىنىڭ 2 - كەزەڭدەگى ماجىلىسىنە قاتىناسىپ، باياندى دامۋ ماسەلەسى جونىندەگى كوزقاراسىن ءتۇيىندى تۇردە بايىمدادى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

  شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - ايدىڭ 22 - كۇنى كەشتە بەيجيڭدە بەينە ەكران تاسىلىندە 20 ەل توبى باسشىلارىنىڭ 15 - رەتكى باس قوسۋىنىڭ 2 - كەزەڭدەگى ماجىلىسىنە قاتىناسىپ، باياندى دامۋ ماسەلەسى جونىندەگى كوزقاراسىن ءتۇيىندى تۇردە بايىمدادى.

  شي جينپيڭ بىلاي دەپ اتاپ كورسەتتى: سيىسىمدى، باياندى، سەرپىمدى بولاشاق جاراتىپ، تۇتاس جەر شارىنداعى كەدەيلىكتى ازايتۋ ىستەرىن ۇزدىكسىز ىلگەرىلەتۋ ايرىقشا ماڭىزدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا، ءبىز بۇرىنعى ءارقانداي كەزدەگىدەن دە شىنايى شارا قولدانۋعا اناعۇرلىم ءزارۋمىز.

  ءبىرىنشى، دامۋدى الدىڭعى ورىنعا قويۋ ۇستانىمىنا تاباندى بولۋ. بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋدى جەتەكشىلىككە الىپ، دامۋ سەلبەستىگىن كۇشەيتىپ، وڭتۇستىك - سولتۇستىك دامۋىنداعى پارىقتى ازايتۋ كەرەك.

  ەكىنشى، جان - جاقتى بىركەلكى ساياسات، شارا قولدانۋ. دالمە - ءدال شارا قولدانىپ، ىندەتتىڭ كەسىرىنەن كەدەيلەسۋگە، قايتا كەدەيلەسۋگە توتەپ بەرۋ كەرەك. قارىزدى كەشەۋىلدەتۋ باستاماسىن تياناقتاندىرۋمەن قاتار، وركەندەپ كەلە جاتقان ەلدەرگە قاجەتتى قارجى قۇراۋ قولداۋىن كورسەتۋ، نەگىزدىك قۇرىلعىلار جانە ۇلاستىرۋ، تۇتاستىرۋ قۇرىلىسىن ىلگەرىلەتۋ كەرەك.

  ءۇشىنشى، تاماشا حالىقارالىق ەكونوميكالىق ورتا جاراتۋ. كەدەن باجىسى مەن كەدەن باجىسىنا جاتپايتىن قامالداردى ازايتىپ، ساۋدا ارقىلى كەدەيلىكتى ازايتۋدى جەبەپ، دامۋدى جەبەپ، وركەندەپ كەلە جاتقان ەلدەردىڭ الەمدىك ۇلكەن بازارعا اناعۇرلىم ويداعىداي توعىسۋىنا كومەكتەسۋ كەرەك. سيفرلىق كەدەيلىكتى ازايتۋ رولىن ساۋلەلەندىرىپ، ورتا، شاعىن كاسىپورىندار، ايەلدەر، جاستار سياقتى ءالسىز شوعىر ءۇشىن اناعۇرلىم كوپ كەدەيلىكتەن ارىلىپ، بايۋ ورايىن ازىرلەۋ كەرەك.

  شي جينپيڭ بىلاي دەپ باسا دارىپتەدى: جۇڭگو مۇلدە كەدەيلىكتى جويۋ نىساناسىن 10 جىل بۇرىن جۇزەگە اسىرادى. رەفورما جاساپ، ەسىك اشقان 40 نەشە جىلدان بەرى جۇڭگودا 700 نەشە ميلليون ادام كەدەيلىكتەن ارىلىپ، دۇنيە ءجۇزىنىڭ كەدەيلىكتى ازايتۋىنا قوسقان ۇلەسىنىڭ سالىستىرماسى %70تەن استى. جۇڭگو ءارقايسى ەلمەن بىرگە سەلبەسىپ كەدەيلىكتەن اۋلاق، بىرگە داميتىن كوركەم دۇنيە قۇرۋدى قالايدى.

  ماجىلىسكە قاتىناسقان باسشىلار مىنالاردى ءبىلدىردى: 20 ەل توبى وركەندەپ كەلە جاتقان ەلدەردىڭ ىندەتتى جەڭۋىن قولداۋدى كۇشەيتىپ، ەكونوميكانىڭ قايتا قالپىنا كەلۋىن جانە ارتۋىن ىلگەرىلەتۋ، سيفر جىلعاسىن كىشىرەيتۋ، كەدەيلىكتى جويۋ، ايەلدەر مەن جاستارعا اناعۇرلىم كوپ تاربيە الۋ جانە جۇمىستانۋ ورايىن بەرۋ، 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋ، سيىسىمدى دامۋدى جۇزەگە اسىرۋ كەرەك. كومىرتەگىن ىعىستىرۋدى ازايتىپ، جاسىل، تومەن كومىرتەكتى دامۋدى جەبەپ، كليمات وزگەرىسى جانە ەكولوگيالىق ورتانىڭ ناشارلاۋى سياقتى الەمدىك سايىستارعا كۇش بىرىكتىرە وتىرىپ توتەپ بەرۋ كەرەك.

  باسشىلار باس قوسۋى «20 ەل توبى باسشىلارىنىڭ رياد باس قوسۋى جارناماسىن» ماقۇلدادى.

  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ قاتارلىلار قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.