لوپنۇر اۋدانى ٴدوڭقوتان اۋىلى قورجا قىستاعىنداعى ماقتا جيناۋ مايدانىندا ٴىرى تۇرپاتتى ماقتا تەرۋ ماشيناسى قاربالاس جۇمىس ىستەۋدە. (9 - ايدىڭ 28 - كۇنى تۇسىرىلگەن سۋرەت) سۋرەتتى لي فەي تۇسىرگەن
سول كۇنى لوپنۇر اۋدانى ٴدوڭقوتان اۋىلىنىڭ كەڭ كوسىلگەن ماقتا اتىزىنان بۇرىنعىداي ماقتا تەرىپ جۇرگەن قالىڭ ٴنوپىر ادامدى كەزىكتىرە المايسىز، تەك قانا ماقتا تەرۋ ماشيناسىنىڭ ارلى - بەرلى شاپقىلاعانىن، ارتىنا دوپ - دومالاق ”ماقتا جۇمىرتقاسىن“ تاستاپ بارا جاتقانىن بايقايسىز. ۇعىسۋعا قاراعاندا، لوپنۇر اۋدانى مەملەكەتتىك ساپالى تاۋار ماقتا بازاسى جانە ”قوس ٴجۇز جىڭ تازا ماقتا اۋدانى“ رەتىندە، 2020 ـ جىلى ٴبىر ميلليون مۋ جەرگە ماقتا ەككەن (مۇنىڭ ىشىندە ماشينامەن تەرىلەتىن جەر كولەمى 960 مىڭ مۋ)، ٴىرى تۇرپاتتى ماقتا تەرۋ ماشيناسى جەرگىلىكتى ورىننىڭ ماقتا تەرۋىندەگى نەگىزگى قوسىنعا اينالىپ، اۋىل شارۋاشىلىق ماشينالارىنىڭ زەردەلەنۋ ورەسى بۇكىل شينجياڭنىڭ الدىڭعى لەگىنە ٴوتتى.
2019 - جىلى 6 - ايدىڭ 29 - كۇنى قۇتىبي اۋدانى ۋگۇڭتاي قالاشىعى جۇڭچۇي قىستاعى جيا - ي دىحۇي گۇل - ٴشوپ شەكتى سەرىكتەستىگىنىڭ ەگىمشىلىك بازاسىندا وسى بازانىڭ جاۋاپتىسى ديڭ يۇڭبين (وڭنان 1 - ادام) قىزمەتكەرلەرگە گۇلدى باپتاپ - باسقارۋ بىلىمدەرىن تۇسىندىرۋدە. سۋرەتتى تاۋ ۋيميڭ تۇسىرگەن
جاقىنعى جىلدارى، قۇتىبي اۋدانى اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، ”سەرىكتەستىك + شارۋا وتباسى“ ٴتاسىلىن قولدانىپ، جەردى اينالىمعا سالۋ ارقىلى ەرەكشە گۇل - ٴشوپ ەگۋ بازاسىن قۇرىپ، جەرگىلىكتى ورىننان 6000نان استام ادامدى جۇمىستاندىرىپ، كىرىستى ورنىقتى ارتتىرۋدى جۇزەگە اسىردى.
2019 - جىلى 10 - ايدىڭ 19 - كۇنى مارالباسى اۋدانى شۇڭقىرشاق اۋىلى اقتوعىراق قىستاعى اۋىل شارۋاشىلىق كاسىپتىك سەلبەستىك كووپەراتيۆىنىڭ مۇشەلەرى جەردى اينالىمعا سالۋ اقشاسىن تاپسىرىپ الۋدا. سۋرەتتى شينجياڭ گازەتىنىڭ ٴتىلىشسى وتكىر نيجات تۇسىرگەن
