ەڭبەكاقىنى كەشەۋىلدەتۋدى تۇبىرىنەن جونگە سالۋ قىسقى ارناۋلى ارەكەتىن ورىستەتۋدى ورنالاستىردى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 11 - ايدىڭ 23 - كۇنى ۇرىمجىدەن حابارلايدى. 11 - ايدىڭ 23 - كۇنى اۆتونوميالى رايون تەلەۆيزور - تەلەفون ءماجىلىسىن اشىپ، مەملەكەتتىك كەڭەستىڭ شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن جونگە سالۋ قىزمەتى باسشىلىق گرۋپپاسى ءماجىلىسىنىڭ رۋحىن تياناقتاندىرىپ، رايونىمىزدا ەڭبەكاقىنى كەشەۋىلدەتۋدى تۇبىرىنەن جونگە سالۋ قىسقى ارناۋلى ارەكەتىن ورىستەتۋ جونىندە قايتالاي اتتانىسقا كەلتىرىپ، قايتالاي ورنالاستىرۋ جاساپ، قايتالاي تالاپ قويىپ، شارۋا جۇمىسكەرلەردىڭ ەڭبەكاقىسىن ۋاعىندا، تولىق تاراتۋعا شىنايى كەپىلدىك ەتىپ، شارۋا جۇمىسكەرلەردىڭ ەڭبەكاقى ۇقىق - مۇددەسى مەن قوعامنىڭ جاراسىمدىلىعىن، ورنىقتىلىعىن شىن مانىندە قورعادى.
ءماجىلىس مىنالاردى اتاپ كورسەتتى: ايماقتار (وبلىس، قالا)، قاتىستى تاراۋلار ەڭبەكاقىنى كەشەۋىلدەتۋدى تۇبىرىنەن جونگە سالۋ قىزمەتىنىڭ ماڭىزدىلىعىن ىشكەرىلەي تانىپ، مىندەتتى ايقىنداپ، ءتۇيىندى كورنەكتىلەندىرىپ، ەڭبەكاقىنى كەشەۋىلدەتكەنى انىقتالعان زاڭعا قايشى ارەكەتتەرگە قاراتا، ”ەكىنى اداقتاۋدى“ ورىنداۋ، ياعني 2020 - جىلى جۇرگىزىلگەن ۇكىمەتتىڭ قارجى قوسۋ ينجەنەرياسى نىساندارى، مەملەكەت مەنشىگىندەگى كاسىپورىن نىساندارى، سونداي - اق ءتۇرلى ۇكىمەتتىك، قوعامدىق كاپيتالدىڭ سەلبەستىك نىساندارى بويىنشا شارۋا جۇمىسكەرلەردىڭ ەڭبەكاقىسىن كەشەۋىلدەتۋ دەلولارىن جىل سوڭىنان بۇرىن جاپپاي اداقتاۋ، باسقالاي ەڭبەكاقىنى كەشەۋىلدەتۋ دەلولارىن 2021 - جىلى كوكتەم مەرەكەسىنەن بۇرىن اۋقىمدىق اداقتاۋ كەرەك.
ءماجىلىس مىنالاردى تالاپ ەتتى: جەر - جەر ەڭبەكاقىنى كەشەۋىلدەتۋ ماسەلەسىن باسقارۋ تىزىمدىگىن ورناتىپ، دەر كەزىندە يگەرىپ، قىزمەتتى رەتتەۋدى، ورنالاستىرۋدى باعىتتامالى تۇردە مىقتى يگەرىپ، ەڭبەكاقىنى كەشەۋىلدەتۋ ماسەلەسى شەشىلمەيىنشە تىزىمدىكتى وشىرمەۋدى باتىل ورىنداۋ كەرەك. ەڭبەكاقىنى كەشەۋىلدەتۋ ماسەلەسىن سەلبەسىپ باقىلاپ - باسقارۋ مەن بىرلەسىپ جازالاپ ساقتاندىرۋدى ونان ارى كۇشەيتۋ كەرەك. ەڭبەكشىلەردىڭ ەڭبەكاقىسىن ۇستاپ قالعانداردى، سەبەپسىز كەشەۋىلدەتكەندەردى نەمەسە ەڭبەكاقىنى كەشەۋىلدەتۋ سىندى زاڭعا قايشى ارەكەت سەبەبىنەن توپتىق جاڭجال نەمەسە ۇشقارى وقيعا تۋدىرعانداردى قاتىستى بەلگىلەمە بويىنشا شارۋا جۇمىسكەرلەردىڭ ەڭبەكاقىسىن كەشەۋىلدەتكەندەر ”قارا تىزىمدىگىنە“ ەنگىزىپ، بىرلەسىپ جازالاپ ساقتاندىرۋ كەرەك. ەڭبەكاقىنى كەشەۋىلدەتۋگە قاتىستى اۋىر دەلولاردى قاتىستى بەلگىلەمەگە ساي دەر كەزىندە قوعامعا جاريالاۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى، اۆتونوميالى رايوننىڭ شارۋا جۇمىسكەرلەردىڭ ەڭبەكاقىسىن كەشەۋىلدەتۋدى تۇبىرىنەن جونگە سالۋ قىزمەتى باسشىلىق گرۋپپاسىنىڭ باستىعى جاڭ چۇنلين ماجىلىسكە قاتىناستى ءارى ءسوز سويلەدى.
