شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 11 - ايدىڭ 23 - كۇنى ۇرىمجىدەن حابارلايدى. 11 - ايدىڭ 23 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 20 - رەتكى ءماجىلىسى شينجياڭ حالىق سارايىندا ءبىرىنشى جالپى جيىنىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىندى باسقاردى.
تۇراقتى كوميتەتتىڭ قۇرامىنداعىلاردان 54 ادام جيىنعا قاتىناسىپ، زاڭدا بەلگىلەنگەن ادام سانىنا ۇيلەستى.
جيىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 20 - رەتكى ءماجىلىسىنىڭ كۇن ءتارتىبىن ماقۇلدادى، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرىپ، «اۆتونوميالى رايوننىڭ گەولوگيالىق ورتانى قورعاۋ ەرەجەسىن (وزگەرىس ەنگىزىلگەن جوبا نۇسقاسى)» قاراۋ ناتيجەسى بايانداماسىن، «اۆتونوميالى رايوننىڭ < اۋىل - قىستاق جەرىن كوتەرمەگە بەرۋ زاڭىن > اتقارۋ ءادىسى (وزگەرىس ەنگىزىلگەن جوبا نۇسقاسى)» جانە «اۆتونوميالى رايوننىڭ قوعامدىق عىلىمداردى جالپىلاستىرۋ ەرەجەسى (جوبا نۇسقا)» جونىندەگى تۇسىنىكتەمەنى تىڭدادى، 2019 - جىلعى اۆتونوميالى رايون دارەجەلى مەجە ەسەپتى اتقارۋدا جانە باسقا دا قازىنالىق كىرىس - شىعىستاردى قازىنالىق باقىلاۋدا تەكسەرىپ شىققان ماسەلەلەردى تۇزەتۋ احۋالىنا قاتىستى باياندامانى، 2020 - جىلعى اۆتونوميالى رايون دارەجەلى مەجە ەسەپتى رەتتەۋ جوباسى(جوبا نۇسقا) جونىندەگى باياندامانى، 2020 - جىلعى اۆتونوميالى رايوننىڭ ءتۇيىندى نىسان قۇرىلىسى جاعدايى جونىندەگى باياندامانى، قوعامدىق قامتاماسىزداندىرۋدىڭ كەدەيلىكتەن ارىلتۋدان قامال الۋ قىزمەتىن جەبەۋ جاعدايى جونىندەگى باياندامانى، ارىز - شاعىم قىزمەت وتەۋ ورتالىعى قۇرىلىسى قىزمەتىن كۇشەيتۋ جاعدايى جونىندەگى باياندامانى، قىلمىستىق ىستەر تەكسەرۋى قىزمەتىن ورىستەتۋ جاعدايى جونىندەگى باياندامانى تىڭدادى، اۆتونوميالى رايوندىق حالىق قۇرىلتايى تۇراقتى كوميتەتى كەڭسەسىنىڭ، اۆتونوميالى رايوندىق حالىق ۇكىمەتىنىڭ اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسى ۋاكىلدەرىنىڭ ۇسىنىس، سىن، پىكىرلەرىن ءبىر جاقتى ەتۋ جاعدايى جونىندەگى بايانداماسىن تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ابدۇقادىر، مانەن زەينەل، سو يۋە جيىنعا قاتىناستى.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىلارى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەت قىزمەت تاراۋلارىنىڭ جاۋاپتىلارى، ءارقايسى ايماقتىق، وبلىستىق، قالالىق حالىق قۇرىلتايى تۇراقتى كوميتەتىنىڭ جاۋاپتىلارى، ءبىر ءبولىم مەملەكەتتىك جانە اۆتونوميالى رايوندىق حالىق قۇرىلتايىنىڭ ۋاكىلدەرى، قاتىستى تاراۋلاردىڭ جاۋاپتىلارى قاتارلىلار جيىنعا سىرتتاي قاتىناستى.
