تيانشان تورى   ›   جاڭالىقتار   ›   ماڭىزدى حابارلار

ەڭبەك ارماندى اسقاقتاتادى، كۇرەس تاماشا داستان جازادى

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەڭبەك ەرلەرىنە جانە ەڭبەك ەرلەرى قىزمەتىنە كوڭىل بولگەنى تۋرالى ەستەلىك

 شينحۋا اگەنتتىگىنىڭ تىلشىلەرى فان شي، چي جۇڭشي، جاۋ ۋىنجۇن، ۋي يۇيكۇن

  حالىق تاريح جاراتادى، ەڭبەك بولاشاق اشادى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ىنتا - پەيىلىمەن جۇمىسشى تابىنا سۇيەنۋ باعىتىنا باستان - اياق تاباندى بولىپ، ەڭبەك ەرلەرىنە كوڭىل ءبولىپ، ولارعا قامقورلىق جاساپ، ەڭبەك ەرلەرى قىزمەتىنە ايرىقشا ءمان بەرىپ، ءبىر قىدىرۋ شەشىمدەر مەن ورنالاستىرۋلار جاساپ، جاڭا داۋىردەگى ەڭبەك ەرلەرى قىزمەتىن جاقسى ىستەۋگە ءتۇبىرلى بويسۇنۋ ولشەمىن ازىرلەپ، العا باسۋ بەتالىسىن ايقىن كورسەتىپ بەردى.

  قالىڭ ەڭبەك ەرلەرى مەن وزات قىزمەتكەرلەر داڭقتى قاستەرلەپ، قاسيەتىن ساقتاپ، ەڭبەك ەرلەرى رۋحىن زور كۇشپەن اسقاقتاتىپ، ۇلتتىڭ ۇلى گۇلدەنۋىنە بەت الۋ ساپارىندا، قاشاندا ءداۋىردىڭ الدىڭعى لەگىندە ءجۇردى.

ەڭبەكتى ارداقتاپ، جاسامپازدىققا القاۋ ايتتى −

كۇرەس نىساناسىن جۇزەگە اسىرىپ، كوركەم بولاشاق اشۋ ءۇشىن، ءسوز جوق، قاجىرلى ەڭبەككە، ادال ەڭبەككە، جاسامپازدىق ەڭبەككە سۇيەنۋ كەرەك

  قىس باسىنداعى بەيجيڭدە شىڭىلتىر سۋىق ىزعارى بىلىنەدى. كەشكى ساعات 7دەن اسقاندا، شۇنفىڭ بەيجيڭ شىتوۋ حۋتۇڭ تيجارات پۋنكتىندەگى ”جەدەل جەتكىزۋشى جىگىت“ ليۋ كو توراپ تۇيىنىندە كولىككە جۇك تيەپ، جۇك جونەلتۋمەن قاربالاستانىپ جاتتى.

  ”قاربالاسپىن! ’قوس 11‘ جاڭا عانا ءوتتى. قازىر كۇنىنە 300 داناداي جەدەل جولداما قابىلداپ، جونەلتەمىن. تاڭەرتەڭ ساعات 7دەن اسقاننان قازىرگە دەيىن تىنىم تاپپادىم“.

  جاپا تارتقانىمەن، ليۋ كونىڭ قايراتى قايتاتىن ەمەس. ”باس شۋجي شي جينپيڭ ءبىزدى ’ەڭبەكقور بال اراسىنا‘ ۇقساتتى، ەرەكشە وبرازدى، بۇل ءسوزدى ەستىپ جۇرەگىمىزدى جىلى لەپ كەرنەدى“، - دەدى ول.

  2019 - جىلى 2 - ايدا ديقاندار كالەندارى بويىنشا كوكتەم مەرەكەسى قارساڭىندا باس شۋجي شي جينپيڭ بەيجيڭ قالاسىندا قىزمەت تەكسەردى، ءبىر جەدەل جەتكىزۋ قىزمەت وتەۋ تۇيىنىندە قىزمەت ىستەپ جاتقان ”جەدەل جولداما جەتكىزۋشىلەرگە“ امانداسىپ، ولارمەن ىقىلاسپەن قول الىسىپ، قىزمەت، تۇرمىس جاعدايىن ۇعىستى ءارى ولاردىڭ كوكتەم مەرەكەسىنە قۇتتى بولسىن ايتتى. باس شۋجي: ”جەدەل جولداما جەتكىزۋشىلەردىڭ“ قىزمەتى وتە جاپالى، ەرتە تۇرىپ، كەش قايتىپ، بوران - شاشىنعا قاراماي قىزمەت ىستەپ كەلەدى، مەرەكە - مەيرام دەمالىس كەزدەرىندە ءتىپتى قاربالاس بولىپ، ەڭبەكقور بال اراسى سياقتى، ەڭ قاجىرلى ەڭبەك ەتىپ، كوپشىلىكتىڭ تۇرمىسىنا قولايلىلىق جاساپ وتىر، - دەپ اتاپ كورسەتتى.

  ەڭبەك − ادامزات قوعامىنىڭ العا باسۋىن ىلگەرىلەتەتىن ءتۇبىرلى كۇش.

  پارتيا 18 - قۇرىلتايىنان بەرى، باس شۋجي شي جينپيڭ ەڭبەك ەرلەرى مەن ەڭبەك ەرلەرى قىزمەتىنە باستان - اياق كوڭىل ءبولىپ، تالاي رەت ماڭىزدى ماجىلىستەردە، ماڭىزدى ورىنداردا بۇكىل ىنتا - پەيىلىمەن جۇمىسشى تابىنا سۇيەنۋ باعىتىنا تاباندى بولۋ، ەڭبەكتى ارداقتاۋ، ەڭبەكتى قىزۋ ءسۇيۋ، ەڭبەك ەرلەرىنىڭ ۇلگى كورسەتۋ، جەتەكتەۋ رولىن تولىق ساۋلەلەندىرۋ سياقتىلار توڭىرەگىندە ماڭىزدى ءسوز سويلەپ، ەڭبەك ەرلەرى مەن قالىڭ ەڭبەكشىلەردى جىگەرلەندىرىپ، ەڭبەك جاسامپازدىعىن القاپ، ەڭبەك رۋحىن ماداقتادى.

  ”كوپىر كران جۇمىسى كەڭىستىكتە ’ينەگە ءجىپ ساباقتاعانعا‘ ۇقسايدى“، - دەيدى نيڭبو جوۋشان پورتى بەيلۇن 3 - كونتەينەرلىك كەمەجاي شەكتى سەرىكتەستىگى كوپىر كران بانىنىڭ بانجاڭى جۋ شىجيە. 40 نەشە مەتر بيىكتىكتەگى كەڭىستىكتە، كۇردەلى دە قۇبىلمالى اۋا رايى جانە ءار ءتۇرلى تۇرپاتتاعى كەمەلەر الدىندا، ول مەن ونىڭ بان - گرۋپپاسى كونتەينەردى تەز ءارى ءدال تيەپ، تۇسىرەدى.

  تەحنيك - جۇمىسشىلار مەكتەبىنىڭ وقۋشىسىنان مەملەكەتتىك ەڭبەك ەرىنە، كوپىر كراننىڭ جوعارى ءونىمدى جۇمىس ءادىسىن دەربەس ويلاپ تابۋدان ۇجىمدى باستاپ جاڭالىق اشقانعا دەيىن... قىزمەت ىستەگەن 20 نەشە جىلدان بەرى، جۋ شىجيە ءوزىنىڭ تالىقپاس تاباندىلىعى جانە توسەلە تۇسۋگە ۇمتىلعان تالپىنىسى ارقىلى قاراپايىم قىزمەت ورنىنداعى ەڭبەكشىلەر رۋحىن ءتۇسىندىردى.

  ”باقىت اسپاننان تۇسپەيدى، ارمان وزدىگىنەن ورىندالا سالمايدى. كۇرەس نىسانامىزدى جۇزەگە اسىرۋ، كوركەم بولاشاعىمىزدى اشۋ ءۇشىن، ءسوز جوق، حالىققا سۇيەنۋىمىز، قاشاندا حالىق ءۇشىن ىستەۋىمىز، ءسوز جوق، قاجىرلى ەڭبەككە، ادال ەڭبەككە، جاسامپازدىق ەڭبەككە سۇيەنۋىمىز كەرەك“. 2013 - جىلى 4 - ايدىڭ 28 - كۇنى باس شۋجي شي جينپيڭ مەملەكەتتىك باس جۇمىسشى ۇيىمىنىڭ ورگانىندا مەملەكەتتىك ەڭبەك ەرلەرىنىڭ ۋاكىلدەرىمەن اڭگىمە وتكىزگەندە، تەرەڭ ماعىنادا وسىنى اتاپ كورسەتتى.

  2015 - جىلى 4 - ايدىڭ 28 - كۇنى ”1 - مامىر“ حالىقارالىق ەڭبەكشىلەر مەرەكەسىن قۇتتىقتاۋ جانە مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ - سيلاۋ جينالىسىندا باس شۋجي شي جينپيڭ بىلاي دەپ باسا دارىپتەدى: جۇڭگوشا سوتسياليزم ىستەرىنىڭ عيماراتى ءبىر كەرپىش، ءبىر كەرپىشتەن قالانىپ تۇرعىزىلعان، حالىقتىڭ باقىتى ءبىر تامشى، ءبىر تامشى جاسامپازدىقتان جارىققا شىققان. ەڭبەك ەرلەرى مەن وزات قىزمەتكەرلەر جۇڭگو جولىنا تاباندى بولۋدىڭ، جۇڭگو رۋحىن اسقاقتاتۋدىڭ، جۇڭگو كۇشىن ۇيىستىرۋدىڭ ۇلگىلەرى، ولار وسكەلەڭ قوجايىندىق جاۋاپكەرشىلىك سەزىم، ەرەسەن ەڭبەك جاسامپازدىعى، جانقيارلىقپەن كۇرەسىپ ۇلەس قوسۋ ارقىلى بۇكىل ەلدەگى ءار ۇلت حالقىنىڭ ۇيرەنۋ ۇلگىسى بولدى. ”قىزمەت ورنىن ءسۇيىپ، كاسىپتى قادىرلەۋ، ۇزدىك بولۋعا ۇمتىلۋ، قاجىرلىلىقپەن كۇرەس جۇرگىزۋ، باتىلدىقپەن جاڭالىق اشۋ، اتاق - ابىرويعا بەرىلمەۋ، ۇلەس قوسۋعا پەيىل بولۋ“ سىندى ەڭبەك ەرلەرى رۋحى سوتسياليستىك وزەكتى قۇن كوزقاراسىن جاندى تۇردە ءتۇسىندىردى، ول ءبىزدىڭ قىمباتتى رۋحاني بايلىعىمىز جانە قۋاتتى رۋحاني كۇشىمىز.

  گۇلدەر ماڭداي تەرمەن جايناپ اشىلادى، ءىس كۇرەس ارقىلى گۇلدەنەدى.

  2020 - جىلى 1 - ايدىڭ 24 - كۇنىنەن (ديقاندار كالەندارى بويىنشا شاعانعا قاراعان ءتۇن) باستاپ، جىڭجوۋ يۋانفاڭ توبى پارتكومىنىڭ شۋجيى شۋە رۇڭنىڭ كۇن تارتىبىندە ىندەتكە قارسى اتتانايىق دەگەن ءسوز عانا جازىلدى.

  ديقاندار كالەندارى بويىنشا 1 - ايدىڭ 5 - كۇنى يۋانفاڭ توبى پارتكومى بەينە ەكران ءماجىلىسىن شۇعىل اشىپ، نەبارى جارتى كۇندە 500گە تاياۋ پارتيا مۇشەسىنەن ەكپىندىلەر اترەتىن ۇيىمداستىردى. 2 - ايدىڭ 12 - كۇنى شۋە رۇڭ پارتيا مۇشەلەرىنىڭ ەكپىندىلەر اترەتىنىڭ ءبىر توپ مۇشەسىن باستاپ حۋبەي ولكەسىنىڭ شىيان قالالىق حالىق شيپاحاناسىنا كومەككە اتتاندى.

  ”ءبىزدىڭ پارتيا مۇشەلەرى ەكپىندىلەر اترەتىمىزدە ءبىرىنشى شەپتەگى تازالىقشىلار، پارتيا ءىسى قىزمەتكەرلەرى، بوبەك قاراۋشىلار دا، سونداي - اق كود جازاتىن پروگرامميستەر دە بار. ءبىر قورعانۋ كيىمىن ۇنەمدەۋ ءۇشىن، قىزمەتتى بىرنەشە ساعات كوبىرەك ىستەۋ جونىندە ءوتىنىش بەرگەندەر دە بولدى؛ كەيبىرەۋلەر ۋاقىتتى ۇنەمدەۋ ءۇشىن، شيپاحانادا تۇنەي سالدى“. ءبىرىنشى شەپتە كۇرەسكەن قىزمەتكەرلەردى تىلگە العاندا، شۋە رۇڭ بىرنەشە رەت اۋزىنا ءسوز تۇسپەي كىدىرىپ قالدى.

  4 - ايدىڭ 30 - كۇنى باس شۋجي شي جينپيڭ جىڭجوۋ يۋانفاڭ توبىنداعى بارلىق جۇمىسشى - قىزمەتكەرگە جاۋاپ حات جازىپ، قالىڭ ەڭبەكشى بۇقارانىڭ سەنىمدى بەكەمدەپ، تەبىندى ساقتاپ، ەڭبەك رۋحىن اسقاقتاتىپ، قيىندىقتار مەن كەدەرگىلەردى جەڭىپ، قاراپايىم جۇمىس ورنىندا ۇزدىكسىز كەرەمەت ىستەر تىندىرىپ، قاجىرلى ەڭبەكتەرىمەن ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋعا اناعۇرلىم زور كۇش قوسۋىن ءۇمىت ەتتى.

  ءار جولى نەگىزگى ساتىعا بارىپ تەكسەرۋ - زەرتتەۋ جۇرگىزگەندە باس شۋجي شي جينپيڭ قالىڭ جۇمىسشى - قىزمەتكەرلەر مەن ەڭبەك ەرلەرىنىڭ ءوندىرىسىن، تۇرمىسىن ەستەن شىعارماي، قاراپايىم جۇمىسشى - قىزمەتكەرلەر مەن ەڭبەك ەرلەرىنىڭ ۋاكىلدەرىمەن ەتەنە اڭگىمەلەسىپ، ولاردىڭ حال - جايىن سۇراپ، تۇرمىسىنا كوڭىل ءبولدى.

  2017 - جىلى 4 - ايدا باس شۋجي شي جينپيڭ گۋاڭشيدا قىزمەت تەكسەرىپ، بەيحاي قالاسى تيەشانگاڭ پورتى الەۋمەتتىك كەمەجايىندا جۇمىس ىستەپ جاتقان جۇمىسشىلارعا امانداسا باردى. باس شۋجيدىڭ كەلگەنىن كورگەن جۇمىس ىستەپ جاتقان كەمەجاي جۇمىسشىلارى تەبىرەنە كەلىپ باس شۋجيدى قاۋمالاپ ەسەندىك سۇرادى. باس شۋجي شي جينپيڭ ولارمەن ىقىلاسپەن قول الىسىپ، ولاردى قىزمەت ورنىن ءسۇيىپ، كاسىپتى قادىرلەپ، ۇزدىك بولۋعا ۇمتىلىپ، زامانىمىزداعى جۇمىسشى تابىنىڭ تاماشا وبرازىن سومداۋعا جانە ايگىلەۋگە جىگەرلەندىردى.

  ”ەڭبەڭ ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم“. 2018 - جىلى 4 - ايدىڭ 30 - كۇنى باس شۋجي شي جينپيڭ جۇڭگو ەڭبەك قاتىناسى شۋەيۋانىنىڭ ەڭبەك ەرلەرى تولىق كۋرس كلاسىنداعى كۋرسانتتارعا جاۋاپ حات جازىپ جىگەرلەندىرگەندە: ”تۇتاس قوعام تۇگەلدەي ەڭبەك ەرلەرىن قۇرمەتتەپ، ەڭبەك ەرلەرىنىڭ رۋحىن ساۋلەلەندىرىپ، ادال ەڭبەكتى، قۇلشىنا قىزمەت ىستەۋدى سالتقا اينالدىرۋ كەرەك“ دەپ باسا دارىپتەپ اتاپ كورسەتتى.

  ىقىلاستى ءسوز، شىنايى تاپسىرما كۇرەس ىنتاسىن قاۋلاتىپ، العا باسۋ بەتالىسىن كورسەتىپ، سان ميلليونداعان جۇڭحۋا ۇلاندارىن ”قوس 100 جىلدىق“ كۇرەس نىساناسىنا اناعۇرلىم زور كۇش قوسۋعا ىنتالاندىردى.

قىزمەت ورنىن ءسۇيىپ ۇلەس قوستى، جاڭالىق اشۋ ارقىلى جەتەكتەدى −

ەڭبەك ەرلەرى رۋحىن، ەڭبەك رۋحىن، ۇستا رۋحىن ءداۋىردىڭ باستى اۋەنىنە اينالدىردى

  ”ۋاقىتتىڭ الدىندا جۇرەتىن“ ۋاڭ چۇڭلۇن، ”زامانىمىزدىڭ لەي فىڭى“ گو ميڭي، ”تەمىر جول كىشكەنتاي الىبى“ جۇي شياۋلين، ”التىن مەدالدى دانەكەرلەۋشى“ گاۋ فىڭلين...

  جارقىن ەسىمدەر جۇڭگو جۇمىسشىلارىنىڭ ەرلىكپەن شىڭعا شىعاتىن تاباندى جىگەرى مەن قايىسپاس قاسيەتىنە كۋا بولىپ، ”ەڭبەك ەرلەرىنىڭ“ قۇن تالپىنىسى مەن ەڭبەك ەرلەرى رۋحىنىڭ داۋىرلىك انىقتاماسىن اشىپ كورسەتتى.

  ماجىلىستە اڭگىمەلەسكەندە جانە نەگىزگى ساتىدا قىزمەت تەكسەرىپ، تەكسەرۋ - زەرتتەۋ جۇرگىزگەندە، باس شۋجي شي جينپيڭ ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ كەلەلى جاعدايى تۇرعىسىنان، ەڭبەك ەرلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتۋ جونىندە تالاي رەت مازمۇنى اسا باي، كەلەلى دە تەرەڭ ماڭىزعا يە ءبىر قىدىرۋ كەلەلى نۇسقاۋ بەردى.

    قىزمەت ورنىن ءسۇيىپ، كاسىپتى قادىرلەدى، كۇرەس جۇرگىزىپ ۇلەس قوستى −

  2013 - جىلدان بۇرىن ەلىمىزدە 2000 توننادان اساتىن ءىرى تۇرپاتتى شىنجىر تاباندى كراننىڭ بارلىعى يمپورت ەتىلەتىن، باعا، ساتۋدان كەيىنگى قىزمەت وتەۋ سياقتىلاردىڭ بارلىعى وزگەلەردىڭ مەڭگەرۋىندە بولاتىن. جۇڭگونىڭ ءوزىنىڭ ”الىپ كرانىن“ جاساۋى شۇيگۇڭ توبىنىڭ اعا ينجەنەرى سۇن ليدىڭ ارمانى بولاتىن.

  2013 - جىلى سۇن لي مەن ۇجىمنىڭ قاجىرلىلىقپەن زەرتتەپ ىزدەنۋىنىڭ ناتيجەسىندە 4000 توننالىق شىنجىر تاباندى كران شاندۇڭنىڭ يانتايىندا ءساتتى جاسالىپ، ەلىمىزدىڭ ەرەكشە اۋىر سالماقتاعى شىنجىر تاباندى كراندى زەرتتەپ جاساۋ سالاسىندا تىڭ سەرپىلىستى جۇزەگە اسىردى. وسى جابدىققا مودەلدەندىرۋ، شوعىرلاندىرۋ جوباسى جاسامپازدىقپەن قولدانىلىپ، كوپ ءتۇرلى تەحنيكادا ەل ىشىندەگى تەحنيكالىق اقتاڭداقتىڭ ورنى تولتىرىلدى.

  ”وسى ارماندى ىسكە اسىرۋ، جۇڭگو كرانىن دۇنيە ءجۇزىنىڭ بيىك شىڭىنا كوتەرۋ جولىندا ءبىز تۇپ - تۋرا 23 جىل كۇرەس جۇرگىزدىك“، - دەدى سۇن لي.

  باس شۋجي شي جينپيڭ: ”كاسىپورىنداعى قالىڭ جۇمىسشى - قىزمەتكەرلەر جاڭا داۋىردەگى جۇمىسشى تابىنىڭ ماقتانىش سەزىمى مەن بورىشتىلىق سەزىمىن كۇشەيتىپ، قىزمەت ورنىن ءسۇيىپ، كاسىپتى قادىرلەپ، كۇرەس جۇرگىزىپ ۇلەس قوسىپ، ەڭبەك ەرلەرى رۋحى مەن ۇستا رۋحىن زور كۇشپەن اسقاقتاتىپ، جۇڭگو ارمانىن جۇزەگە اسىرۋ جولىنداعى كۇرەستە ەرەن ناتيجەلەر شىعارۋعا ۇمتىلۋ كەرەك“ دەپ باسا دارىپتەپ اتاپ كورسەتتى.

    تۇعىر ورناتىپ، ساحنا ازىرلەدى −

  2018 - جىلى 10 - ايدىڭ 29 - كۇنى باس شۋجي شي جينپيڭ مەملەكەتتىك باس جۇمىسشى ۇيىمىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەن كەزدە بىلاي دەپ اتاپ كورسەتتى: كاسىپ سالاسى جۇمىسشىلارى قوسىنى قۇرىلىسىن كۇشەيتىپ، ءبىلىمدى، ونەرلى، جاسامپاز كاسىپ سالاسى جۇمىسشىلارى ۇلكەن قوسىنىن جەدەل قۇرۋ كەرەك. ەڭبەك ەرلەرى − ۇلتتىڭ ەگەيلەرى، حالىقتىڭ ونەگەسى. ءىرى ەل ۇستالارى جۇمىسشى - قىزمەتكەرلەر قوسىنىنداعى ونەرى ۇستەم دارىندىلار. جۇمىسشى ۇيىمى ءار جاقتاردى سايكەستىرىپ، ەڭبەك ەرلەرىنىڭ، ءىرى ەل ۇستالارىنىڭ رولىن ساۋلەلەندىرۋ تۇعىرىن، ساحناسىن ازىرلەپ، ءتىپتى دە كوپ ەڭبەك ەرلەرىن، ءىرى ەل ۇستالارىن جەتىلدىرۋ، تۇلعالاۋ كەرەك.

  2016 - جىلدان باستاپ، مەملەكەتتىك باس جۇمىسشى ۇيىمى بۇكىل ەل كولەمىندە ”قاسىمىزداعى ءىرى ەل ۇستالارىن“ تانىستىرۋ، ۇيرەنۋ قيمىلىن ورىستەتتى ءارى وقۋ - اعارتۋ مينيسترلىگىمەن بىرلەسىپ ”ءىرى ەل ۇستالارى مەكتەپتەرگە بارۋ“ قيمىلىن ۇيىمداستىرىپ، ورىستەتىپ، ءىرى ەل ۇستالارىن مەكتەپتەرگە ۇسىنىس ەتىپ، وقۋشىلارعا جاقسى ادام بولۋ، ونەر ۇيرەنۋ تاجىريبەلەرى مەن كەشىرمەلەرىن ۇيرەتىپ، ءىرى ەل ۇستالارىنىڭ وقىتۋشى - وقۋشىلارمەن اۋىس - كۇيىس جاساۋ باياندى تۇعىرىن ورناتتى.

   قادامدى نىق باسىپ، شىنايى يگەرىپ، ناقتى ىستەدى −

    ءبىر ميكرومەتر قانشالىق جىڭىشكە؟ ول ءبىر تال شاشتىڭ 60تان بىرىندەي!

  ال ۋشي ميكرو زەرتتەۋ شەكتى جارنا سەرىكتەستىگىنىڭ اعا تەحنيگى چىن لياڭنىڭ ەڭ شەبەر ونەرى قالىپتىڭ دالدىگىن ءبىر ميكرومەتر ىشىندە مەڭگەرۋ.

  ”تاعى ءبىراز جىنتىكتەسەك، ءبىر ميكرومەترلىك دالدىككە ءتىپتى دە جاقىنداي تۇسەمىز!“. ءار رەتكى سىن - سايىسقا اناعۇرلىم ويداعىداي توتەپ بەرۋ ءۇشىن، چىن لياڭ وزىنە وسىنداي قىزمەت ولشەمىن قويدى.

  ءوز مىندەتىن تياناق ەتىپ، قىزمەت ورنىن ءسۇيىپ، ۇلەس قوسىپ، ۇزدىك بولۋعا ۇمتىلۋ، بۇل جاڭا داۋىردەگى ەڭبەكشىنىڭ ”كۇرەس كەلبەتى“.

  2018 - جىلى 9 - ايدا باس شۋجي شي جينپيڭ لياۋنيڭدا قىزمەت تەكسەردى. لياۋنيڭ جۇڭۋاڭ توبىنىڭ رەليستى ۆاگون جاساۋ سەحىندا باس شۋجي قىزمەتكەرلەردەن ءوندىرىس بارىسى مەن تەحنيكالىق تالاپتارىن ەگجەي - تەگجەيلى ۇعىسىپ، بىلاي دەپ باسا دارىپتەدى: ۇستا رۋحىن اسقاقتاتىپ، نەگىزگى كاسىپتى مىقتاپ يگەرىپ، بار ىقىلاستى سالىپ، اناعۇرلىم كوپ ماڭداي الدى ءونىم جاساپ، ماڭداي الدى كاسىپ سالاسىن دامىتۋعا قۇلشىنۋ كەرەك.

  2019 - جىلى 9 - ايدا باس شۋجي شي جينپيڭ حىناندا قىزمەت تەكسەردى، جىڭجوۋ كومىركەن ماشينالارى توبى شەكتى جارنا سەرىكتەستىگىنىڭ باس قۇراستىرۋ سەحىندا باس شۋجي مىنانى باسا دارىپتەپ اتاپ كورسەتتى: جاساۋ كاسىبى ناقتى ەكونوميكانىڭ نەگىزى، ناقتى ەكونوميكا ەلىمىز دامۋىنىڭ نەگىزگى قورى، كەلەشەك دامۋ ستراتەگياسىنىڭ باسىمدىعىن قالىپتاستىرۋدىڭ ماڭىزدى تىرەگى. كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى باتىل ىلگەرىلەتىپ، ءوز كۇشىنە سۇيەنىپ جاڭالىق اشۋدى كۇشەيتىپ، جوعارى دەڭگەيلى جاساۋدى، زەردەلى جاساۋدى دامىتىپ، ەلىمىزدىڭ جاساۋ كاسىبىن جانە ناقتى ەكونوميكاسىن ورگە باستىرىپ، ەلىمىز ەكونوميكاسىنىڭ مولشەرى كوپ بولۋدان ساپاسى كۇشتى بولۋعا بۇرىلىس جاساۋىن ىلگەرىلەتىپ، ”قوس 100 جىلدىق“ كۇرەس نىساناسىن تىڭعىلىقتى جۇزەگە اسىرۋ كەرەك.

  2020 - جىلى 8 - ايدا باس شۋجي شي جينپيڭ انحۇيدا قىزمەت تەكسەردى. جۇڭگو باۋ - ۋ ماگاڭ توبى سەحىنىڭ سىرتىندا كاسىپورىننىڭ ەڭبەك ەرلەرى، جۇمىسشىلار ۋاكىلدەرى باس شۋجيدى كورىپ قىزۋ قول شاپالاق سوقتى. باس شۋجي شي جينپيڭ ولارمەن ىقىلاستى سالەمدەستى. باس شۋجي بىلاي دەپ اتاپ كورسەتتى: ىندەت تۋىلعاننان بەرى، ماگاڭ قيىنشىلىقتى جەڭىپ، جۇمىستى، ءوندىرىستى الدىمەن قالپىنا كەلتىرىپ، الدىڭعى جارتى جىلداعى ءونىم مولشەرى مەن تيجارات كىرىسىندە بىلتىرعى سايكەستى مەزگىلدەگىمەن سالىستىرعاندا ”قوس جوعارىلاۋدى“ جۇزەگە اسىردى. مەملەكەت مەنشىگىندەگى كاسىپورىندار رەفورماسىن تەرەڭدەتۋ جانە چاڭجياڭ اتىراۋىنىڭ ءبىر تۇلعالانىپ دامۋىن ىلگەرىلەتۋدىڭ كەلەلى ورايىن مىقتاپ يگەرىپ، جاڭا ماتەريالدى، جاڭا تەحنيكانى زەرتتەپ اشۋدى كۇشەيتىپ، ءتىپتى دە كوپ تەحنيكالىق قۇرامى جوعارى، ۇستەمە قۇنى جوعارى جاڭا ونىمدەردى اشىپ، ءوندىرىپ، بازارداعى باسەكەلىك قۋاتتى كۇشەيتۋ كەرەك. ەڭبەك ارداگەرلەرى رەسپۋبليكانىڭ ەگەيلەرى، ەڭبەك ەرلەرى رۋحىن زور كۇشپەن اسقاقتاتۋ كەرەك.

  ءۇمىت پەن جەبەۋ ادامدى ەكپىندەي ىلگەرىلەۋگە شابىتتاندىردى؛ تۇراقتاندىرۋ مەن ىنتالاندىرۋ جۇرت كوڭىلىن جەلپىندىردى. سان ميلليونداعان جۇمىسشى - قىزمەتكەرلەر ءوز كەلبەتتەرىن ايگىلەپ، جاڭا داۋىردەگى ەڭبەكشىلەر جىرىن قوسىلا شىرقادى.

ارماندى ماپەلەدى، كۇش - قۋات ۇيىستىردى −

تۇتاس قوعامدا ەڭبەك ەرلەرىنە قۇرمەت ەتەتىن، ەڭبەك ەرلەرىن ايالايتىن تاماشا بەينە قالىپتاستىردى

  ”ءبىرىنشى شەپتە قىزمەت ىستەگەنىمە 27 جىل بولدى، مۇنداي داڭققا يە بولۋ مەن ءۇشىن شابىتتاندىرۋ جانە تۇراقتاندىرۋ، ءتىپتى دە ماڭىزدىسى، جەبەۋ جانە جەتەكتەۋ بولدى“، - دەدى مەملەكەتتىك ەڭبەك ەرى بولىپ سايلانعان لي شاۋجيە تەبىرەنگەن كوڭىل كۇيمەن.

  لي شاۋجيە جۇڭگو تەمىر جولى 19 - مەكەمەسى 3 - سەرىكتەستىگى لانجوۋ - چۇڭچيڭ تەمىر جولى نىسان ءبولىمى 3 - جۇمىس اۋماعىنىڭ باس ينجەنەرى. گەولوگيالىق ورتاسى ءالسىز بولۋداي قاتاڭ سىن - سايىس الدىندا، لي شاۋجيە ۇجىمدى باستاپ لانجوۋ - چۇڭچيڭ تەمىر جولى حۋماليڭ تۋنەلىندە تاپجىلماي 8 جىل ىستەپ، ەلىمىزدىڭ ەرەكشە گەولوگيالىق شارت - جاعدايدا تۋنەل قۇرىلىسىن جۇرگىزۋدەگى تەحنيكالىق اقتاڭداقتى تولتىردى.

  ەڭبەك ەرى ۇلتتىڭ ەگەيلەرى، حالىقتىڭ ونەگەسى، تۇتاس قوعامنىڭ ۇيرەنۋ ۇلگىسى.

  ەجەلدەن بەرى پارتيا ورتالىق كوميتەتى ەڭبەك ەرلەرى قىزمەتىنە باستان - اياق وسكەلەڭ ءمان بەردى، ءبىر قىدىرۋ ساياسات - شارالار ناقتى، قونىمدى اتقارىلىپ، ەڭبەك ەرلەرىن شىن كوڭىلدەن شابىتتاندىردى جانە مەيىرگە بولەدى...

  2019 - جىلى 9 - ايدىڭ 29 - كۇنى بەيجيڭدەگى حالىق سارايىندا سيلاۋ سالتى سالتاناتپەن وتكىزىلىپ، باس شۋجي شي جينپيڭ مەملەكەت وردەنى مەن مەملەكەتتىك داڭق اتاق يەگەرلەرىنە وردەن، مەدال بەردى.

  83 جاستاعى ۋاڭ چيمين ولاردىڭ ىشىندەگى بىرەۋى ەدى. وتكەن عاسىردىڭ 60 - جىلدارىنان بەرى، ول نەشە ونداعان جىلدى ءبىر كۇنگىدەي وتكىزىپ، مۇناي ءوندىرىسىنىڭ ءبىرىنشى شەبىندە كۇرەس جاساپ، ەلىمىزدىڭ مۇناي ايىرۋ تەحنيكاسىنان قامال الۋىنا وشپەس كۇش قوسىپ، ”داچيڭنىڭ ’جاڭا قۇرىش ادامى‘“ دەگەن اتقا يە بولدى.

  ”مەملەكەت وردەنىنە، مەملەكەتتىك داڭق اتاققا يە بولعان ءاربىر ادامدا تۇگەلدەي مىناداي ورتاق ەرەكشەلىك بار، اتاپ ايتقاندا، ادالدىق، تاباندىلىق، قاراپايىمدىلىق. ’تەز ناتيجەگە جەتەمىن‘ دەپ اپتىعاتىندار قاھارمان بولا المايدى؛ ’اتاق، مۇددە، سيلىقتى‘ كوزدەگەندەردەن ۇلىلىق شىقپايدى“، - دەدى ۋاڭ چيمين.

  ۇلىلىق قاراپايىمدىلىقتان تۋادى، قاراپايىمدىلىق ۇلىلىقتى تۇلعالايدى.

  ”بەرىك مۇرات - سەنىممەن، قاجىماي كۇرەس جاسايتىن رۋحپەن، ءاربىر قاراپايىم ءىستى تاباندىلىقپەن جاقسى ىستەسە بولعانى، بارلىق جاي ادامداردىڭ ەرەكشە ءومىر وتكىزۋىنە، بارلىق قاراپايىم قىزمەتتە ەرەكشە تابىس جاراتۋعا بولادى“، - دەپ باس شۋجي شي جينپيڭ باسا دارىپتەپ اتاپ كورسەتتى.

  عىلىم - تەحنيكادا جاڭالىق اشۋدىڭ ءبىرىنشى شەبىندەگى ”اتويشى“، ءتۇيىندى نىسان قۇرىلىسىنداعى ”باستاماشى“، قاراپايىم قىزمەت ورنىندا قاجىرلىلىقپەن ونەرىن جەتىلدىرگەن ەڭبەكشى... ءاربىر ەڭبەك ەرى تۇگەلدەي رەسپۋبليكانىڭ بايلىعى.

  ەڭبەك ەرلەرىنىڭ ەمدەلۋىنە، تىنىعۋىنا ويداعىداي قىزمەت وتەۋدى كوزدە ۇستاي وتىرىپ، مەملەكەتتىك باس جۇمىسشى ۇيىمى «مەملەكەتتىك باس جۇمىسشى ۇيىمىنىڭ ەڭبەك ەرلەرىن ەمدەۋ، تىنىقتىرۋ قىزمەتىن ونان ارى كۇشەيتۋ جانە ارناعا ءتۇسىرۋ جونىندەگى پىكىردى» شىعارىپ، ەڭبەك ەرلەرىن ءار جىلى بۇكىل ەلدەگى ەمدەلۋ، تىنىعۋ بازالارىنا بارىپ ەمدەلۋگە، تىنىعۋعا ۇيىمداستىردى. 2015 - جىلدان بەرى ەڭبەك ەرلەرى 26 مىڭ ادام - رەتكە جۋىق ەمدەلۋگە، تىنىعۋعا ۇيىمداستىرىلدى.

  ”ەڭبەك ەرلەرىنىڭ دارىندارىن اناعۇرلىم ساۋلەلەندىرىپ، رۋحاني قاسيەتىن ايگىلەۋىنە جان - جاقتىلى قولداۋ كورسەتىپ، ولاردىڭ ەڭبەك شەبەرلىكتەرىن، جاسامپازدىق جاراتۋ ادىستەرىن، باسقارۋ تاجىريبەلەرىن كەڭىنەن تاراتىپ، ۇلگى كورسەتۋ، جەتەكتەۋ رولىن تولىق ساۋلەلەندىرۋ كەرەك. ەڭبەك ەرلەرى داڭقتى قاستەرلەپ، كىشى پەيىل، بايسالدى بولىپ، كۇش ۇستىنە كۇش قوسىپ، جاڭا باستامادا پارتيا مەن حالىق ءۇشىن اناعۇرلىم زور ناتيجەلەردى ۇزدىكسىز جاراتۋ كەرەك“، - دەپ باسا دارىپتەدى باس شۋجي شي جينپيڭ.

  جۋىردا جۇڭگو ساۋدالىق ۇشاق شاڭحاي ۇشاق جاساۋ شەكتى سەرىكتەستىگىنىڭ ەرەكشە دارەجەلى تەحنيگى حۋ شۋاڭچيان كاسىپ سالاسى جۇمىسشىلارىنىڭ ۋاكىلى رەتىندە پۋدۇڭدى يگەرۋدىڭ، اشىق ۇستاۋدىڭ 30 جىلدىعىن قۇتتىقتاۋ جينالىسىنا قاتىناستى.

  ”بيىل زەينەتكەرلىك جاسىنا جەتتىم، سوندا دا كۇشىم تاسقىنداپ تۇر، قىزمەت ورنىمدا ۇزدىكسىز كۇش سالعىم كەلەدى“، - دەدى حۋ شۋاڭچيان. ول ەڭبەك ەرى جاڭالىق اشۋ قىزمەت كەڭسەسى ۇجىمىن باستاپ، ءىرى ۇشاقتىڭ بولشەكتەرىن ءوندىرۋدى ىلگەرىلەتىپ، شەبەرلىك ۇيرەتۋمەن بىرگە شاكىرتتەرىنىڭ دەربەس ويلاۋ، ۇڭىلە زەرتتەۋ قاسيەتىن جەتىلدىرۋگە ايرىقشا ءمان بەرىپ، ءىرى ۇشاق ىستەرىنىڭ ءىزباسارلارىن جاقسى باۋلىدى.

  ۇلى ىستەر جالعاستى كۇرەس جاساۋدى قاجەت ەتەدى. كاسىپ جۇمىسشىلارى قوسىنى قۇرىلىسىنا پارتيا ورتالىق كوميتەتى ايرىقشا ءمان بەردى.

  2017 - جىلى 2 - ايدىڭ 6 - كۇنى باس شۋجي شي جينپيڭ ورتالىق رەفورمانى جاپپاي تەرەڭدەتۋ باسشىلىق گرۋپپاسىنىڭ 32 - رەتكى ءماجىلىسىن باسقارىپ اشىپ، «جاڭا مەزگىلدەگى كاسىپ سالاسى جۇمىسشىلارى قوسىنى قۇرىلىسىنىڭ رەفورما جوباسىن» قاراپ ماقۇلدادى، بۇل باس شۋجي شي جينپيڭ ءوزى تاقىرىپ بەلگىلەپ، ءوزى ورنالاستىرىپ، ءوزى جەتەكشىلىك ەتكەن ءبىر كەلەلى رەفورما.

  جوبادا مىنالار باسا دارىپتەلدى: ”كاسىپ سالاسى جۇمىسشىلارىنىڭ ءار دارەجەلى، ءار ءتۇرلى ەڭبەك ەرلەرى جانە وزاتتاردىڭ ۋاكىلدەرى قاتارلىلاردى باعالاۋداعى سان سالىستىرماسىن ارتتىرۋ“، ”شارت - جاعدايى بار سالالاردىڭ، كاسىپورىنداردىڭ جۇمىسشى - قىزمەتكەرلەر جاڭالىق اشۋ قىزمەت ءۇيىن، ەڭبەك ەرلەرىنىڭ جاڭالىق اشۋ قىزمەت ءۇيىن جانە شەبەرلىك ۇستازدار قىزمەت ءۇيىن قۇرۋىن ىلگەرىلەتۋ“، ”ەڭبەك ەرلەرىن، ۇستالاردى مەكتەپتەرگە، ساباقحانالارعا، كاسىپورىندارعا، بان - گرۋپپالارعا بارۋعا ۇيىمداستىرىپ، ’جۇمىسشى − ۇلى، ەڭبەك − داڭقتى‘ سىندى ءداۋىردىڭ نەگىزگى اۋەنىن اسقاقتاتۋ كەرەك“.

  2018 - جىلدان باستاپ، مەملەكەتتىك باس جۇمىسشى ۇيىمى ورىستەتكەن مەملەكەتتىك 1 - مامىر ەڭبەك مەدالىن باعالاۋ قيمىلى كاسىپ سالاسى جۇمىسشىلارىن ماداقتاۋ - سيلاۋ تەبىنىن ونان ارى ارتتىرىپ، ولاردىڭ سالىستىرماسىن ايىرىم جاسادى ءارى %35تەن تومەن بولماۋىن تالاپ ەتتى. 2 جىلدان بەرى، مەملەكەتتىك باس جۇمىسشى ۇيىمى مەملەكەتتىك 1 - مامىر ەڭبەك مەدالى يەگەرلەرىنەن 1392 ادامدى شوعىرلى ماداقتاپ - سيلادى، مۇنىڭ ىشىندە نەگىزگى ساتىنىڭ ءبىرىنشى شەبىندەگى ەڭبەكشىلەر %86.6تى ۇستادى، مۇندا كاسىپ سالاسى جۇمىسشىسىنان 570 ادام بولدى، ولار جالپى ماداقتالىپ - سيلانۋشىلار سانىنىڭ %40.9ىن ۇستادى.

  پارتيا ورتالىق كوميتەتىنىڭ شىنايى قامقورلىعى مەن ايالاۋىندا ەڭبەك ەرلەرى مەن وزات قىزمەتكەرلەر ەڭبەك ەرى رۋحىن، ەڭبەك رۋحىن، ۇستا رۋحىن كۇندەلىكتى قىزمەتتەرىندە ايگىلەدى ءارى زور توپتاعى جۇمىسشى - قىزمەتكەرلەردى جاڭالىق اشۋ شەبەرى جانە ۇستەم ونەرلى دارىندىلار بولۋعا ۇلگى كورسەتىپ جەتەكتەدى. 2016 - جىلدان بەرى بۇكىل ەلدەگى جۇمىسشى - قىزمەتكەرلەر 37 ميلليون 518 مىڭ نۇسقا ۇيلەسىمدى ۇسىنىس العا قويدى، 2 ميلليون 145 مىڭ نىساندا تەحنيكالىق جاڭالاۋ جۇرگىزدى، 808 مىڭ جاسامپازدىق جاراتتى، 640 مىڭ ءتۇرلى وزىق جۇمىس ءتاسىلىن جالپىلاستىردى، جۇمىسشى - قىزمەتكەرلەردىڭ تەحنيكالىق جاسامپازدىق جەتىستىگىنەن 645 مىڭى مەملەكەتتىك پاتەنتكە يە بولدى.

  ەڭبەك ارقىلى ارماندى جۇزەگە اسىرىپ، كۇرەس ارقىلى ساپارعا اتتاندى.

  قالىڭ ەڭبەكشى بۇقارا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اقىل - پاراساتتى جانە كۇش - قۋاتتى ۇيىستىرىپ، رەسپۋبليكانىڭ شۇعىلالى تاريحىندا اناعۇرلىم ماقتان ەتەرلىك ناتيجە جاراتىپ، اناعۇرلىم شۇلەن شۇعىلالى تاراۋلاردى جازادى.

  (شينحۋا اگەنتتىگىنىڭ 11 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.