11 - ايدىڭ 18 - كۇنى مەملەكەتتىك ەلەكتر تورى قۇمىل ەلەكترمەن قامداۋ سەرىكتەستىگىنىڭ قىزمەتكەرلەرى زەردەلى ەلەكتر ساعاتتى تەكسەرۋدە. سۋرەتىن تۇسىرگەن ەرىكتى ءتىلشى فىڭ ياڭ
تيانشان تورىنىڭ حابارى. (ءتىلشى جاڭ دۇڭمەي، ەرىكتى ءتىلشى حۋ پەيگىن شان شيان-ۋ حابارلايدى) قازىرگە دەيىن، شينجياڭ ەلەكتر تورابى تيجارات رايونىنداعى 9 ميلليون 981 مىڭ 600 تۇتىنۋشى تۇگەلدەي زەردەلى ەلەكتر ساعاتىن پايدالاندى، بۇل وسى تۇتىنۋشىلار ۇيدەن شىقپاي - اق، ”ينتەرنەتتەگى مەملەكەت تورابى“”ۋيشين“ قاتارلى APP ارقىلى ”جەلىدە ەلەكتر ساتىپ الۋدى“ جۇزەگە اسىرعاندىعىنان دەرك بەرەدى، قولايلى ءارى تەز.
11 - ايدىڭ 24 - كۇنى ءتىلشىنىڭ مەملەكەت ەلەكتر تورى شينجياڭ ەلەكتر سەرىكتەستىگىنەن ۇعىسۋىنشا، زەردەلى ەلەكتر ساعاتى شينجياڭنىڭ ەلەكتر تورى ەلەكتر قۋاتى ساندى مالىمەتتەرىن جينايتىن نەگىزگى جابدىقتاردىڭ ءبىرى، العاشقى ەلەكتر ەنەرگياسى ساندى مالىمەتىن جيناۋ، ولشەۋ جانە جەتكىزۋ مىندەتىن ۇستىنە العان، ينفورماتسيا توپتاۋ، تالداۋ جاساۋ، ساپالاندىرۋ جانە ساپانى باقىلاۋ - تەكسەرۋدىڭ نەگىزى. 2018 - جىلى 8 - ايدا، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى «نوپوس كەستەسىن وزگەرتۋ» ينجەنەرياسىن اتقارا باستادى، شينجياڭ ەلەكتر تورى تيجارات رايونىنداعى بارلىق تىكە قامدايتىن تىكە تۇتىنۋشىلارعا زەردەلى ەلەكتر ساعاتىن تەگىن ورناتىپ، ەلەكتر تورىنىڭ اۆتوماتتانۋ دەڭگەيىن جوعارىلاتادى.
ساندى مالىمەتتەر مىنانى كورسەتتى، كەزەكتە شينجياڭ ەلەكتر تورى تيجارات رايونى ىشىندە 55 مىڭ 200 ەلەكتر اقىسىن الىستان تولتىرۋ كاسىبى اشىلىپ، ”جەلىدە“ ەلەكتر ساتىپ العان تۇتىنۋشى 5 ميلليون 770 مىڭ 200 گە جەتىپ، جالپى تۇتىنۋشىلاردا ۇستايتىن سالىستىرماسى %60كە تايادى. مەملەكەتتىك ەلەكتر تورى شينجياڭ ەلەكتر شەكتى سەرىكتەستىگى زەردەلى ەلەكتر ساعاتىن پايدالانۋ تەبىنىن ۇزدىكسىز ارتتىرىپ، كوپ ءتۇرلى ارنالار ارقىلى ەلەكتر ساتىپ الۋ يقۋاتىن ۇگىتتەپ، 24 ساعات بويى قاريدارلاردىڭ الىس ارالىقتان ەلەكتر ساتىپ الۋىنا قولايلىلىق جاراتتى.
11 - ايدىڭ 19 - كۇنى مەملەكەتتىك ەلەكتر تورى قۇمىل ەلەكترمەن قامداۋ سەرىكتەستىگىنىڭ قىزمەتكەرلەرى قاريدارلارعا زەردەلى ەلەكتر ساعاتىن ورناتتى. سۋرەتتى تۇسىرگەن ەرىكتى ءتىلشى فىڭ ياڭ
مەملەكەتتىك ەلەكتر تورى شينجياڭ ەلەكتر شەكتى سەرىكتەستىگى زەردەلى ەلەكتر ساعاتى ارقىلى جيناعان ەلەكتر ساندى مالىمەتتەرى، ءىرى ساندى مالىمەتتەرگە تالداۋ جاساۋ تەحنيكاسى، ءىرى ساندىق مالىمەتكە تالداۋ جاساۋ تەحنيكاسىن قولدانىپ، كىناراتتى شۇعىل جوندەۋ، ەلەكتر ساۋداسى، قاريدارلارعا قىزمەت وتەۋ، ەلەكتر ەنەرگياسى ساپاسىن باقىلاۋ - تەكسەرۋ سياقتى كاسىپتەردى ساندى مالىمەتپەن قامدايدى. سونىمەن قاتار، زەردەلى ەلەكتر ساعاتى ”الىس ارالىقتى ەسەپتەۋدى“ جۇزەگە اسىرا الادى. مەملەكەتتىك ەلەكتر تورى شينجياڭ ەلەكتر شەكتى سەرىكتەستىگى ەلەكتر تۇتىنۋ ينفورماتسياسىن جيناۋ جۇيەسىن قۇرىپ، ەلەكتر تۇتىنۋشىلاردان توك پايدالانۋ ساندى مالىمەتىن جيناپ، قولمەن ساعات كوشىرۋدەن تۋىلعان اعاتتىقتان ساقتاندى، ءارى باسقارۋ تيجاراتىنىڭ وزىندىك قۇنىن تومەندەتتى.
مەملەكەتتىك ەلەكتر تورى شينجياڭ ەلەكتر شەكتى سەرىكتەستىگى تيجارات قىزمەت وتەۋ ورتالىعى ەنەرگيا ينتەرنەت تەحنيكاسى ٴبولىمىنىڭ جاۋاپتىسى جاڭ جيانۋىن تانىستىرىپ بىلاي دەدى: ”ءداستۇرلى ەلەكتر ساعاتىنىڭ نەگىزگى توك ىستەتۋ مولشەرىن ولشەۋدەن سىرت، زەردەلى ەلەكتر ساعاتى قوس باعىتتى كوپ ءتۇرلى ولشەۋ، تۇتىنۋشى تەرمينالىن مەڭگەرۋ، كوپ ءتۇرلى ساندى مالىمەتتەردى جەتكىزۋ ۇلگىسىندە قوس باعىتتى مالىمەت حابارلاسۋ، ۇرىدان ساقتانۋ سياقتى يقۋاتتارعا يە“.
