تيانشان تورى   ›   جاڭالىقتار   ›   شينجياڭ حابارلارى

شينجياڭداعى تۇڭعىش ءشول - جازيراداعى جوعارى قارقىندى تاس جولدىڭ تاعانى تۇتاستى

S21 التايدان ۇرىمجىگە دەيىنگى جوعارى قارقىندى تاس جولدىڭ تاعانىن سالۋ ناق مايدانى. (سۋرەتتى نىسان قولباسشىلىق شتابى قامداعان)

  تيانشان تورىنىڭ حابارى. (ءتىلشى گۋو ليڭ حابارلايدى) 11 - ايدىڭ 24 - كۇنى، شينجياڭداعى تۇڭعىش ءشول - جازيراداعى جوعارى قارقىندى تاس جول — S21 التايدان ۇرىمجىگە دەيىنگى جوعارى قارقىندى تاس جول نىسانىنىڭ تاعانى تۇتاستى. ەكى جەردى تۇتاستىرعان جوعارى قارقىندى تاس جولدىڭ سۇلباسى شىعىپ، كەلەر جىلى نىساننىڭ اياقتالۋىنا بەرىك نەگىز قالادى.

  11 - ايدىڭ 24 - كۇنى، وسى نىساننىڭ قۇرىلىسىن جۇرگىزۋ ناق مايدانىندا ۇزىننان ۇزاققا سوزىلعان جازىق ءارى كەڭ جول تاعانى، بەينە ”سارى ايداعار“ ءشول دالانى كەسىپ ءوتىپ سولتۇستىككە كەتىپ بارا جاتقانداي. سۇلباسى شىققان جول تاعانىنىڭ جانىندا قۇرىلىس جۇرگىزۋشىلەر قازۋ كولىگىن، توپىراق كۇرەۋىش كولىگىن جۇرگىزىپ، قورعاۋ قىزمەتىن ىستەدى.

  S21 التاي - ءۇرىمجى جوعارى قارقىندى تاس جولى نىسانىنىڭ قولباسشىسى لي جيە بىلاي دەدى: بيىل بولعان ىندەت قۇرىلىس جۇرگىزۋ اياق الىسىنا ىقپال جاسادى، قۇرىلىسشىلار ءتۇرلى قيىنشىلىقتاردى جەڭىپ، قىزمەتكەرلەردى، جابدىقتاردى كوبەيتۋ، قۇرىلىس مەرزىمىن كەرى ورنالاستىرۋ سياقتى شارالار ارقىلى قۇرىلىس جۇمىسىن مىقتى يگەرىپ، كەشەۋىلدەگەن قۇرىلىس ۋاقىتىن اقىرىن - اقىرىن ۇتىپ الدى. ”تۇتاس لەنيادا قۇرىلىس جۇرگىزۋ ماشينالارى جايشىلىقتاعىدان %70 ارتتى، جۇمىستىڭ قاۋىرت كەزىندە 4200دەن استام قۇرىلىسشى جانە 1800دەن استام ماشينا ءبىرىنشى شەپتە قاربالاس جۇمىس جۇرگىزدى“.

  S21 التاي - ءۇرىمجى جوعارى قارقىندى تاس جولى اۆتونوميالى رايوننىڭ ”13 - بەسجىلدىق“ جوسپارىنداعى قاڭقالى جول تورابىنىڭ ماڭىزدى قۇرامداس بولىگى. بەيتۇن قالاسىنان باستاپ، بۋرىلتوعاي اۋدانىن، ۋجياچۇي قالاسىن، سانجى حۇيزۋ اۆتونوميالى وبلىسىن باسىپ ءوتىپ، ءۇرىمجى قالاسىندا اياقتايدى. جالپى ۇزىندىعى 342.538 كيلومەتر بولىپ، جوعارى قارقىندى تاس جول ولشەمى بويىنشا سالىنعان. بىلتىر 12 ـ ايدا جۇمىس باستاعان، ونى بۇكىل ەلدەگى تۇڭعىش قاتىناس جانە ساياحات ىشكەرىلەي توعىسقان ءشول - جازيرانى شارلايتىن ساياحات جوعارى قارقىندى تاس جولى ەتىپ تۇلعالاماقشى.

  بۇل نىسان جوسپارمەن كەلەر جىلى سالىنىپ بولادى، سول كەزدە ۇرىمجىدەن التاي قالاسىنا بارۋدا اينالىپ ءوتۋدىڭ قاجەتى جوق. G217 لەنياسىنان 258 كيلومەتر، G216 لەنياسىنان 193 كيلومەتر قىسقاردى، بولاشاقتا ءۇرىمجى قالاسى مەن التاي ايماعىن تۇتاستىراتىن ءارى قولايلى ءارى تەز جوعارى قارقىندى تاس جول ارناسىنا اينالادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.