شينجياڭ گازەتىنىڭ جالپىلىق اقپارات قۇرالدارى ءتىلشىسى لياڭ ليحۋا 11 - ايدىڭ 24 - كۇنى ۇرىمجىدەن حابارلايدى. 11 - ايدىڭ 24 - كۇنى مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى بەيجيڭدە سالتاناتپەن اشىلدى، شينجياڭنان جالپى 53 ادام ماداقتالىپ - سيلاندى، مۇنىڭ ىشىندە 37 ادام مەملەكەتتىك ەڭبەك ەرى، 16 ادام مەملەكەتتىك وزات قىزمەتكەر بولدى.
ۇعىسۋىمىزشا، ولار اۋىل شارۋاشىلىعى، ونەركاسىپ، وقۋ - اعارتۋ، فينانس، ساۋدا، دەنساۋلىق ساقتاۋ، قوعام حاۋىپسىزدىگى، قاتىناس سياقتى سالالاردان كەلگەن، حانزۋ، ۇيعۇر، قازاق، حۇيزۋ، موڭعۇل، تاجىك، قىرعىز ۇلتتارىنان بار. ولار شينجياڭنىڭ ءار سالا، ءار كاسىبىندەگى، ءارقايسى شەبىندەگى كورنەكتى ۋاكىلدەر، قاراپايىم قىزمەت ورنىندا ەلەۋلى ەڭبەك كورسەتكەن.
ۇعىسۋىمىزشا، ولاردىڭ ىشىندە جەكە باسىنىڭ اماندىعىمەن ساناسپاي، ىندەتتەن ساقتانۋ - تىزگىندەۋدىڭ ءبىرىنشى شەبىنەن تايسالماي، ناۋقاستاردى بەلسەندى تۇردە قۇتقارىپ - ەمدەگەن ەمدەۋ قىزمەتكەرلەرى بار؛ ءوز باسىنان ونەگە كورسەتىپ، قاجىرلىلىقپەن جۇمىس ىستەپ، بۇقارانى باستاپ كەدەيلىكتەن ارىلتۋدان قامال العان باستاماشىلار بار؛ قوعام ورنىقتىلىعىن ساقتاپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىن قورعاعان قوعام حاۋىپسىزدىگى كادر - ساقشىلارى بار؛ جىلدار بويى ءوندىرىستىڭ ءبىرىنشى شەبىندە ءۇن - ءتۇنسىز ۇلەس قوسقان تەحنيك جۇمىسشىلار بار؛ ەڭبەكشىل قوس قولىنا سۇيەنىپ باس بولىپ بايىعان قاراپايىم ەگىنشى - مالشىلار بار؛ نەگىزگى ساتىعا ىشكەرىلەي ارالاسىپ، بۇقارامەن توعىسىپ، قالتقىسىز ۇلەس قوسقان ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان كادرلار بار؛ وقۋ - اعارتۋ، عىلمي زەرتتەۋ سالاسىندا تەحنيكالىق جاڭالىق اشقان شەبەرلەر مەن باستاماشىلار بار. ولاردىڭ قىزمەت ورنى، كەشىرمەلەرى ۇقساماعانىمەن، بارلىعىنىڭ داڭقتى كۇرەس جاساعان كەشىرمەسى بار، بارلىعىنىڭ اسەرلى ىزگى ىستەرى بار. ولاردىڭ ءون - بويىنان قالىڭ ەڭبەكشىلەردىڭ بەرىك مۇرات - سەنىمى، كۇشتى العا باسۋ تانىمى، وسكەلەڭ كاسىپتىك ءمورالى مەن تاماشا رۋحاني كەلبەتى شوعىرلى ايگىلەنگەن، كەڭ كولەمدى العاباسارلىق جانە ۋاكىلدىك سيپاتقا يە. ولار ءىس جۇزىندىك ارەكەتى ارقىلى ”قىزمەت ورنىن ءسۇيىپ، كاسىپتى ارداقتاۋ، بىرەگەي بولۋعا تالپىنۋ، قاجىرلىلىقپەن كۇرەس جاساۋ، باتىلدىقپەن جاڭالىق اشۋ، اتاق - ابىرويعا بەرىلمەۋ، ۇلەس قوسۋعا پەيىل بولۋداي“ ەڭبەك ەرلەرى رۋحىن امالياتتا ايگىلەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتتارىن جانە كۇش - قۋاتتارىن ارنادى.
