تيانشان تورى   ›   جاڭالىقتار   ›   سپورت الەمى

حوش بول، فۋتبول ءپىرى! حوش بول، مارادونا!

حوش بول، فۋتبول ءپىرى!

حوش بول، مارادونا!

  ارگەنتينانىڭ كوپتەگەن اقپارات قۇرالدارىنىڭ حابارلاۋىنشا، 60 جىلدى باستان وتكەرگەن ارگەنتينانىڭ كيەلى فۋتبول جۇلدىزى ديەيگو مارادونا 11 - ايدىڭ 25 - كۇنى ۇيىندە توسىننان جۇرەك بۇلشىق ەتىنىڭ تۇيىلۋىنەن دۇنيەدەن ءوتتى.

  ارگەنتينا پرەزيدەنت سارايى 11 - ايدىڭ 25 - كۇنى حابارلاندىرۋ شىعاردى،

  سول كۇننەن باستاپ، بۇكىل ارگەنتينا 3 كۇن ازا بىلدىرەدى، ارگەنتينانىڭ پرەزيدەنتى فەرناندەس 11 - ايدىڭ 26 - كۇنگى، 27 - كۇنگى بارلىق مەملەكەت ىستەرى قيمىلىن ۋاقىتشا توقتاتادى.

  فۋتبولدان حابارىڭىز بولسىن - بولماسىن، ديەيگو مارادونا دەگەن ەسىمدى ەستىگەن بولارسىز، ول فۋتبول ءپىرى.

  ول 1960 - جىلى 10 - ايدىڭ 30 - كۇنى دۇنيەگە كەلگەن. الدىڭعى عاسىردىڭ 80 -، 90 - جىلدارىنداعى دۇنيە جۇزىندەگى ەڭ تاڭداۋلى فۋتبولشىلاردىڭ ءبىرى ەدى. ەڭ كلاسسيكالى 10 - ءنومىرلى ارىسكەر سانالدى. ول دا بىردەن - ءبىر جالپى جۇرت مويىنداعان فۋتبولشى بەيليمەن بىرگە ”فۋتبول ءپىرى“ اتالعان فۋتبول جۇلدىزى.

  بالا كەزىندە، مارادونانىڭ فۋتبول ونەرىن كورگەندەردىڭ ءبارى ”ول فۋتبول ءۇشىن جارالعان تالانت يەسى“ دەيتىن. 14 جاس كەزىندە، جاس دارىن ءوزىنىڭ ارمانىن ايتادى: ”مەنىڭ ەكى ارمانىم بار، ءبىرى، دۇنيە جۇزىلىك فۋتبول ساۋىتىنا تالاسۋ جارىسىنا قاتىناسۋ؛ ەندى ءبىرى، دۇنيە جۇزىلىك فۋتبول ساۋىتىنا تالاسۋ جارىسىنىڭ باس جۇلدەگەرى بولۋ“.

  مارادونا كاسىپتىك عۇمىرىندا، ارگەنتينا مەملەكەت كومانداسىن باستاپ، دۇنيە جۇزىلىك فۋتبول ساۋىتىنا تالاسۋ جارىسىنىڭ اعا جۇلدەگەرلىگىن الدى، جانە ءبىر رەتىندە ەكىنشى جۇلدەگەرلىكتى الدى.

  1986 - جىلعى دۇنيە جۇزىلىك فۋتبول ساۋىتىنا تالاسۋ جارىسى تورتتەن بىردىك شەشۋشى جارىسىندا مارادونا الدىمەن دوپ كىرگىزدى.

  5 مينۋتتان كەيىن، ول قىرۋار انگليا دوپشىلارىنىڭ قورعانىسىنان جانە قاقپاشىدان ءوتىپ، دوپتى يەسىز قاقپاعا كىرگىزەدى، قازىرگە دەيىن، وسى دوپ كىرگىزۋدى دۇنيە جۇزىلىك فۋتبول ساۋىتىنا تالاسۋ جارىسى تاريحىنداعى ەڭ تاڭداۋلى دوپ كىرگىزۋ سانايدى.

  مارادونانىڭ ايتۋلى بەينەسى جارىس الدىندا كوزگە تۇسپەگەن ارگەنتينا كومانداسىن 1986 - جىلعى دۇنيە جۇزىلىك فۋتبول ساۋىتىنا تالاسۋ جارىسىنىڭ اعا جۇلدەگەرى اتاعىنا جەتكىزدى.

  1994 - جىلى مارادونا كاسىپتىك عۇمىرىنداعى ەڭ سوڭعى كەزەكتى دۇنيە جۇزىلىك فۋتبول ساۋىتىنا تالاسۋ جارىسىنا — امەريكا دۇنيە جۇزىلىك فۋتبول ساۋىتىنا تالاسۋ جارىسىنا قاتىناستى. ارادا دارىلىك تەكسەرۋ ناتيجەسى بولىمدى بولعاندىقتان، حالىقارالىق فۋتبول بىرلەستىگى وعان 15 ايعا دەيىن جارىسقا قاتىناستىرماۋ جازاسىن بەردى، 1997 - جىلى، مارادونا فۋتبولدان شەگىنىپ شىعاتىنىن جاريالادى.

  ەسىرتكى ونىڭ سپورتتىق عۇمىرىن عانا قۇرتىپ قالماستان، ءوزىن دە كوپ رەت اجال اۋىزىنا يتەردى.

  2005 - جىلى 8 - ايدا، ول اقپارات قۇرالدارىنىڭ تىلشىلىگىن قابىلداعاندا بىلاي دەگەن ەدى: ”ۇلى سپورتشى قانداي بولاتىنىن بىلەسىز بە؟ ەگەردە مەن ەسىرتكى تۇتىنباعان بولسام، سول ۇلى سپورتشى مەن بولار ەدىم، بۇل نەتكەن زور وكىنىش دەسەڭىزشى، وسىلاردى ويلاسام، كوڭىلىم اۋىرادى، مەن ءاسىلى بۇدان دا بيىك بەلەستەرگە جەتە الۋشى ەدىم“.

  بيىل 10 - ايدىڭ 30 - كۇنى مارادونا ءوزىنىڭ 60 جاسقا كەلگەن تۋىلعان كۇنىن تويلادى.

  1997 - جىلى فۋتبولدان شەگىنىپ شىققاننان كەيىن، سالاماتتىعىنان كوپ رەت ماسەلەلەر شىققان ەدى.

  بيىل 11 - ايدىڭ 2 - كۇنى مارادونا جانە دە سالاماتتىق ماسەلەسى سەبەبىنەن شيپاحاناعا كىرەدى، تەكسەرۋ ناتيجەسىندە مارادونادا قاتتى قابىق استىنىڭ قاندى ىسىك ناۋقاسى بار ەكەنى كورسەتىلدى، تىكە سەبەبى بالكىم باسى بەلگىسىز سوققىعا ۇشىراعان بولۋى مۇمكىن.

  11 - ايدىڭ 3 - كۇنى، مارادونا شۇعىل وپەراتسيا جاساتتى، شيپاگەر سول كەزدە بۇل رەتكى مي وپەراتسياسىنىڭ ءٴساتتى بولعاندىعىن، مارادونانىڭ ساناسى سەرگەك، جاعدايى جاقسى ەكەندىگىن ايتتى.

  مارادونانىڭ توسىننان دۇنيەدەن ءوتۋى ارگەنتينانى جانە الەمدىك فۋتبول سالاسىن قايعىعا باتىردى.

  ارگەنتينانىڭ پرەزيدەنتى فەرناندەس ءوزىنىڭ قوعامدىق قارىم - قاتىناس مەديا جەكەلىك تۇعىرىنا: ”مارادونا ارگەنتينانى فۋتبول الەمىنىڭ ەڭ بيىك شىڭىنا شىعاردى، بىزگە مول شاتتىق سيلادى، سەن دۇنيە جۇزىندەگى ەڭ ۇلى فۋتبولشىسىڭ، ديەيگو بار بولعانىڭا راقىمەت، ءبىز سەنى ماڭگى ساعىنامىز، ەسكە الامىز“،-دەپ جازدى.

حوش بول، مارادونا!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.