تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

”كۇن نۇرىمەن تۇرمىسقا كۇش قوسۋ“

سۇڭ ۋيگو

چەرچەن اۋدانى قۇراملىق اۋىلى باشكىچىك قىستاعى كوشەسىنىڭ كورىنىسى. سۋرەتتى جاڭ شياۋميڭ تۇسىرگەن

  قىسقى كۇن شۇلەن شۇعىلاسىن چەرچەن اۋدانى قۇراملىق اۋىلى باشكىچىك قىستاعىنا توگىپ تۇر. ٴانۋار رەجەپ بەيقۇت ٴۇيىنىڭ توبەسىندەگى فوتوۆولتتىق توك شىعارۋ تاقتاسىنا قاراپ، جۇزىنەن باقىت كۇلكىسى ەستى.

  20 جىلدىڭ الدىندا ٴانۋار قازىرگى تۇرعان جەرىنەن 100 نەشە كيلومەتر قاشىقتىقتاعى تاۋ قويناۋىندا تۇراتىن. ول ايەلىمەن بىرگە قوي باعىپ كۇن كورىپ، ٴاردايىم اشىققاندا ەكى نان جەپ، شولدەگەندە كۇنلۇن تاۋىنان ەرىگەن قار سۋىن ىشەتىن.

  ايەلى سىپىرەمحان روزى وعان ايعايلاپ، قاشان ٴۇيدىڭ توبەسىنە شىعىپ فوتوۆولتتىق توك شىعارۋ تاقتاسىن سىپىراسىڭ دەپ سۇرادى. ٴانۋاردىڭ ويى سوندا عانا 20 جىلدىڭ الدىنان قازىرگى رەالدىققا قايتا ورالدى.

  2017 - جىلى ٴانۋار ايەلى مەن ەكى ۇلىن ەرتىپ تاۋدان كوشىپ شىعىپ، قۇراملىق اۋىلىنىڭ باشكىچىك قىستاعىنا ىرگە تەپتى. 2018 ـ جىلى قىستاققا قۇرىلىس اترەتى كەلىپ، ”كۇن نۇرىمەن تۇرمىسقا كۇش قوسادى“،-دەدى.

  قىزمەت كيىمىن كيگەن مىنا قۇرىلىسشىلار فوتوۆولتتىق توك شىعارۋ تاقتالارىن جۇك اۆتوموبيلىنەن ٴتۇسىرىپ، ونان سوڭ ٴۇي توبەسىنە قايتا شىعاردى. ولار بىردە سومكالارىنان ٴارٴتۇرلى قۇرال - سايمانداردى الىپ شىقسا، بىردە ماشينادان ۇلكەن ەلەكتر سىم بايلامدارىن ٴتۇسىرىپ، ەڭ سوڭىندا ءانۋاردىڭ ٴۇيىنىڭ توبەسىنە توك شىعارۋ جابدىعىن ورناتتى.

  قالاشىقتاعى كادر بىلاي دەدى: ٴار وتباسىندا وسىنداي ەلەكتر شىعارۋ جابدىعى بار، كۇننىڭ نۇرى مەن جىلۋى وسى جابدىقتار ارقىلى ەلەكترگە اينالىپ، توكپەن قامداۋ جۇيەسى ارقىلى توكپەن قامداۋ سەرىكتەستىگىنە ساتىپ بەرىلەدى، جىلىنا 3100 يۋان تابىس كىرگىزۋگە بولادى.

  انۋارعا تىم توسىن سەزىلگەنى — تەك ٴۇيىنىڭ توبەسىن ارناسا بولعانى، ٴوزىنىڭ ٴبىر تيىن اقشا تاپسىرۋىنىڭ قاجەتى جوق ەكەندىگى.

  وسى كىرىس بولعاندىقتان، ءانۋاردىڭ تۇرمىسى ٴتىپتى دە جاقسارا ٴتۇستى. سىپىرەمحان ەكەۋى جەرىن دەن قويا باپتاپ، قىستاقتاعى باعىمشىلىق بازاسىندا قوي، تۇيە دە باقتى.

  قازىر ٴانۋاردىڭ وتباسىندا 100 تۇياق قوي، 12 تۇيە بار. سىپىرەمحان كەلەر جىلى سىرتقا شىعىپ ساياحاتتاۋ ۋاقىتىن جوسپارلاي باستادى.

  ”وزىڭنەن قاشان بارىپ فوتوۆولتتىق توك شىعارۋ تاقتاسىن سىپىراسىڭ دەپ سۇراپ تۇرمىن“،-سپيرەمحان تاعى ٴبىر رەت قۋزادى.

  ٴانۋار كۇلىپ ٴۇيدىڭ توبەسىنە شىقتى. ول ارتىنداعى سىپىرەمحاننىڭ ەزۋى ٴسال جوعارى كوتەرىلىپ، ۇمىتكە تولى جانارمەن وعان قاراپ، كۇننىڭ نۇرىندا ەرەكشە سۇلۋلانىپ كەتكەنىن بايقاي المادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.