تيانشان تورى
تيانشان تورى   ›   ۇيرەنۋ   ›   شولۋ

جاڭا داۋىردەگى ەڭ ارداقتى كۇرەسكەرلەرگە قۇرمەت بىلدىرەيىك

  − باس شۋجي شي جينپيڭنىڭ مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

   حالىق گازەتىنىڭ شولۋشىسى

  بۇكىل پارتيا، بۇكىل ەلدەگى ءار ۇلت حالقى قايتپاس قايسارلىقپەن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ سىندى شەشۋشى ساتتە، مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى 11 - ايدىڭ 24 - كۇنى بەيجيڭدە سالتاناتپەن وتكىزىلدى. ءبىز ماداقتالىپ - سيلانعان مەملەكەتتىك ەڭبەك ەرلەرىن جانە وزات قىزمەتكەرلەردى قىزۋ قۇتتىقتايمىز! رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن كورنەكتى ۇلەس قوسقان ەلىمىزدىڭ جۇمىسشى تابى مەن قالىڭ ەڭبەكشى بۇقاراسىنا شىنايى سالەم جولدايمىز! سوتسياليزم ىستەۋمەن كەلگەن، جاڭا ءداۋىر كۇرەسپەن كەلگەن، ءبىز جاڭا داۋىردەگى ەڭ ارداقتى كۇرەسكەرلەرگە قۇرمەت بىلدىرەمىز!

  ماداقتاۋ - سيلاۋ جينالىسىندا باس شۋجي شي جينپيڭ ماڭىزدى ءسوز سويلەپ، جۇمىسشى تابى مەن قالىڭ ەڭبەكشى بۇقارانىڭ جۇڭگوشا سوتسياليزم ۇلى ىستەرىندەگى ماڭىزدى ورنى مەن رولىن جوعارى باعالاپ، مەملەكەتتىك ەڭبەك ەرلەرىنىڭ جانە وزات قىزمەتكەرلەردىڭ كورنەكتى ۇلەسى مەن وسكەلەڭ رۋحىن تولىق تۇراقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە جاپا - ماشاقاتتان، حاۋىپ - قاتەردەن تايسالماي، قايسارلىقپەن شايقاس جاساعان بۇكىل ەلدەگى ءار ۇلت حالقىن قىزۋ القاپ، جۇمىسشى تابى مەن قالىڭ ەڭبەكشى بۇقاراعا تىعىز سۇيەنىپ جاڭا ساپاردى باستاۋ، جەلكەن جايىپ تاعى اتتانۋ جونىندە ايقىن تالاپ قويدى. باس شۋجي شي جينپيڭنىڭ ماڭىزدى ءسوزى وتە كۇشتى يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە، بۇكىل پارتيانى، بۇكىل ەلدەگى ءار ۇلت حالقىن ەڭبەك ەرلەرى رۋحىن اسقاقتاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە شەشۋشى سيپاتتى جەتىستىككە قول جەتكىزۋ نەگىزىندە تولقىن جارا ىلگەرىلەپ، ءورىس اشا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ۇزدىكسىز كۇرەس جاساۋعا ىنتالاندىراتىندىعى جانە شابىتتاندىراتىندىعى ءشۇباسىز.

  باس شۋجي شي جينپيڭ بىلاي دەپ اتاپ كورسەتتى: ”ەلىمىز حالىق قوجايىن بولاتىن سوتسياليستىك مەملەكەت، پارتيا مەن مەملەكەت باستان - اياق جۇمىسشى تابىنا بار ىنتا - پەيىلىمەن سۇيەنۋ باعىتىنا تاباندى بولدى، باستان - اياق جۇمىسشى تابى مەن قالىڭ ەڭبەكشى بۇقارانىڭ پارتيا مەن مەملەكەت ىستەرىنىڭ دامۋ بارىسىنداعى ماڭىزدى ورنىنا ايرىقشا ءمان بەردى، باستان - اياق ەڭبەك ەرلەرى مەن وزات قىزمەتكەرلەردىڭ ماڭىزدى رولىن ساۋلەلەندىرۋگە ايرىقشا ءمان بەردى“. ۇزاق ۋاقىتتان بەرى پارتيانىڭ باسشىلىعىندا ەلىمىزدىڭ جۇمىسشى تابى مەن قالىڭ ەڭبەكشى بۇقارا وتانمەن بىرگە ەسەيىپ، داۋىرمەن بىرگە ەكپىندەي ىلگەرىلەپ، ”ءبىز جۇمىسشىلاردا كۇش - قۋات بار“ دەگەن نەگىزگى اۋەندى اسقاقتاتتى، ءارقايسى شەپتە قاھارماندار توپ - توبىمەن شىعىپ، شوق جۇلدىزدار جارقىرادى. اسىرەسە، جاڭا داۋىرگە وتكەننەن بەرى ەلىمىزدىڭ جۇمىسشى تابى مەن قالىڭ ەڭبەكشى بۇقارا جۇڭگو ارمانىن جۇزەگە اسىرۋ ۇلى ساپارىندا ەرلىكپەن كۇرەس جۇرگىزىپ، ۇزدىك بولۋعا ۇمتىلىپ، ەرلىكپەن شىڭعا شىعىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە نەگىزگى قوسىندىق رولىن ساۋلەلەندىردى، اقىل - پاراساتى مەن ماڭداي تەرى ارقىلى ەڭبەك داڭقتى، ءبىلىم ارداقتى، دارىندىلار باعالى، جاسامپازدىق ۇلى دەيتىن قوعامدىق سالتتى قالىپتاستىرىپ، ”جۇڭگو ارمانى . ەڭبەك قاستەرلى“ دەگەن جاڭا داستان جازدى. ىندەتكە قارسى اتتانۋ ايبىندى كۇرەسىندە ءبىر توپ ەڭبەك ەرلەرى جانە وزات قىزمەتكەرلەر جارىققا شىقتى، ولار بۇكىل ەلدەگى ءار ۇلت حالقىمەن بىرگە ءومىردى بارىنەن جوعارى قوياتىن، بۇكىل ەل ءبىر نيەتتە بولاتىن، ولىمنەن قورىقپايتىن، عىلىمعا قۇرمەت ەتەتىن، تاعدىرى بىرگە بولاتىن ىندەتكە قارسى اتتانۋ ۇلى رۋحىن سومدادى، ولار دەسە دەگەندەي جاڭا داۋىردەگى ەڭ ارداقتى كۇرەسكەرلەر! اماليات مىنانى تولىق دالەلدەدى: زامانىمىزداعى جۇڭگودا جۇمىسشى تابى مەن قالىڭ ەڭبەكشى بۇقارا باستان - اياق ەلىمىزدىڭ ەكونوميكالىق، قوعامدىق دامۋدى ىلگەرىلەتەتىن، قوعامنىڭ تىنىشتىعىن، ىنتىماعىن قورعايتىن ءتۇبىرلى كۇش، ەڭبەك ەرلەرى ۇلتتىڭ ەگەيلەرى، حالىقتىڭ ونەگەسى، رەسپۋبليكانىڭ ارداگەرلەرى!

  بۇگىنگى دۇنيە ءجۇزى ءجۇز جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن شەشۋشى مەزگىلدە تۇر. ۇزاق ۋاقىتتىق كۇرەس جۇرگىزۋ ارقىلى ەلىمىزدىڭ ەكونوميكالىق ناقتى قۋاتى، عىلىم - تەحنيكا ناقتى قۋاتى، جالپىلىق مەملەكەت قۋاتى جاڭا ۇلكەن ساتىعا كوتەرىلدى، حالىقتىڭ تۇرمىس دەڭگەيى كورنەكتى جوعارىلادى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ جەڭىسى تاياپ قالدى، جۇڭحۋا ۇلتىنىڭ ۇلى گۇلدەنۋى العا قاراي جاڭا دا زور ارشىندى قادام باستى. 2021 - جىلدان باستاپ، ەلىمىز ”14 - بەسجىلدىق“ مەزگىلگە وتەدى، بۇل قولايلى جاعدايدان ۇتىمدى پايدالانىپ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋدىڭ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ ءبىرىنشى 5 جىلى. باس شۋجي شي جينپيڭ بىلاي دەپ باسا دارىپتەدى: ”جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، داعدارىس بارىسىندا ءتيىمدى وراي جەتىلدىرۋدە، وزگەرىس بارىسىندا جاڭا جاعداي اشۋدا، ءسوز جوق، جۇمىسشى تابى مەن قالىڭ ەڭبەكشى بۇقاراعا تىعىز سۇيەنىپ، جاڭا ساپاردى باستاپ، جەلكەندى جايىپ تاعى دا اتتانۋ كەرەك“. پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە جاسالعان ايبىندى جوبانى جۇزەگە اسىرۋدا ءبىز، ءسوز جوق، ۋاقىتپەن جارىسىپ، تاريحپەن بىرگە ىلگەرىلەپ، ماڭداي تەردى توگۋ ارقىلى ءونىم الىپ، ناقتى ىستەۋ ارقىلى بايسالدىلىقپەن العا ىلگەرىلەپ، جاڭا داۋىردەگى كۇرەسكەرلەر جىرىن شىرقاۋىمىز كەرەك. ەڭبەك ەرلەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، جۇمىسشى تابى مەن قالىڭ ەڭبەكشى بۇقارانىڭ نەگىزگى قوسىندىق رولىن تولىق ساۋلەلەندىرىپ، جوعارى ساپالى ەڭبەكشىلەر قوسىنىن قۇرۋعا قۇلشىنىپ، ەڭبەكشىلەردىڭ زاڭدى ۇقىق - مۇددەسىن شىن مانىندە ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ كەرەك.

  داڭق ەڭبەكشىلەرگە ءتان، باقىت ەڭبەكشىلەرگە ءتان. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاسامپازدىق جاراتۋعا ىنتالى، كۇرەس جۇرگىزۋگە باتىل بولىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جاڭا داۋىرگە ءتان شۇعىلالى ناتيجە جاراتۋعا، جاڭا تاريحي ۇلى ءىستى ورىنداۋعا قۇلشىنايىق!

  (شينحۋا اگەنتتىگىنىڭ 11 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.