− باس شۋجي شي جينپيڭنىڭ مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى
حالىق گازەتىنىڭ شولۋشىسى
ءبىزدىڭ دامۋ نىسانامىزدى جۇزەگە اسىرۋدا ماتەريالدىق جاقتان كۇشەيىپ قانا قالماستان، رۋحاني جاقتان دا كۇشەيۋىمىز كەرەك. مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسىندا باس شۋجي شي جينپيڭ ەڭبەك ەرى رۋحىنىڭ، ەڭبەك رۋحىنىڭ، ۇستا رۋحىنىڭ تەرەڭ ءمانىن ەگجەي - تەگجەيلى جيناقتاپ، ەڭبەك ەرى رۋحى، ەڭبەك رۋحى، ۇستا رۋحى بۇكىل پارتيانى، بۇكىل ەلدەگى ءار ۇلت حالقىن بوران - شاشىنعا بوگەلمەي، باتىلدىقپەن العا باسۋعا ىنتالاندىراتىن قۋاتتى رۋحاني قوزعاۋشى كۇش ەكەندىگىن اتاپ كورسەتىپ، ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتۋ كەرەكتىگىن باسا دارىپتەدى.
”ەڭبەكقورلىق − بارلىق ىزگى ارەكەت اتاۋلىنىڭ ۇستازى“. ۇزاق ۋاقىتتان بەرى، پارتيانىڭ باسشىلىعىندا ەلىمىزدىڭ جۇمىسشى تابى مەن قالىڭ ەڭبەكشى بۇقارا ”ءبىز جۇمىسشىلاردا كۇش - قۋات بار“ دەگەن نەگىزگى اۋەندى اسقاقتاتتى، اسىرەسە، جاڭا ءداۋىردىڭ ۇلى ساپارىندا جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدە نەگىزگى قوسىندىق رولىن ساۋلەلەندىردى. باس شۋجي شي جينپيڭ بىلاي دەپ اتاپ كورسەتتى: ”ۇزاق ۋاقىتتىق اماليات بارىسىندا ءبىز قىزمەت ورنىن ءسۇيىپ، كاسىبىن ارداقتايتىن، بىرەگەي بولۋعا تالپىناتىن، قاجىرلىلىقپەن كۇرەس جۇرگىزەتىن، باتىلدىقپەن جاڭالىق اشاتىن، اتاق - ابىرويعا بەرىلمەيتىن، ۇلەس قوسۋعا پەيىل بولاتىن ەڭبەك ەرى رۋحىن، ەڭبەكتى ارداقتايتىن، ەڭبەكتى سۇيەتىن، قاجىرلىلىقپەن ەڭبەك ەتەتىن، ادالدىقپەن ەڭبەك ىستەيتىن ەڭبەك رۋحىن، دەن قويۋدان جازبايتىن، كەمەلدەندىرۋگە ۇمتىلاتىن، ەرەكشە شوگەل بولاتىن، ەرەن بولۋعا ۇمتىلاتىن ۇستا رۋحىن جەتىلدىردىك، قالىپتاستىردىق“. ەڭبەك ەرى رۋحى، ەڭبەك رۋحى، ۇستا رۋحى وتانشىلدىقتى وزەك ەتكەن ۇلت رۋحىنىڭ جانە رەفورما جاساۋدى، جاڭالىق اشۋدى وزەك ەتكەن ءداۋىر رۋحىنىڭ جاندى بەينەسى. ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتۋ بۇكىل پارتيانى، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدە شەشۋشى سيپاتتى جەتىستىككە قول جەتكىزۋ نەگىزىندە تولقىن جارا ىلگەرىلەپ، ءورىس اشا العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ۇزدىكسىز كۇرەس جۇرگىزۋگە ىنتالاندىرۋ جانە شابىتتاندىرۋ جونىنەن كەلەلى مانگە يە.
باس شۋجي شي جينپيڭ بىلاي دەپ اتاپ كورسەتتى: ”ەڭبەك ەرلەرى ۇلتتىڭ ەگەيلەرى، حالىقتىڭ ۇلگىسى، رەسپۋبليكانىڭ ارداگەرى“. پارتيا مەن مەملەكەت ەڭبەك ەرلەرى مەن وزات قىزمەتكەرلەردىڭ ماڭىزدى رولىن ساۋلەلەندىرۋگە باستان - اياق ايرىقشا ءمان بەرىپ كەلەدى. 2015 - جىلدان بەرى ءار سالا، ءار كاسىپتە قىزمەت ورنىن ءسۇيىپ، كاسىبىن ارداقتايتىن، قايراتتانا جاڭالىق اشاتىن، باتىلدىقپەن جاۋاپكەرشىلىك ارقالايتىن، قالتقىسىز ۇلەس قوساتىن ءبىر توپ وزات، ۇلگىلەر جارىققا شىقتى، پارتيا ورتالىق كوميتەتى، مەملەكەتتىك كەڭەس 1689 ادامعا مەملەكەتتىك ەڭبەك ەرى اتاعىن، 804 ادامعا مەملەكەتتىك وزات قىزمەتكەر اتاعىن بەرۋدى ۇيعاردى. ءار سالا، ءار كاسىپتە كۇرەس جۇرگىزىپ جاتقان سان مىڭداعان ەڭبەكشى بۇقارانىڭ اراسىنداعى كورنەكتى ۋاكىل رەتىندە، ولار قاراپايىم قىزمەت ورىندارىندا ەرەسەن ناتيجە جاراتتى، ەڭبەك ەرى رۋحىن، ەڭبەك رۋحىن، ۇستا رۋحىن ءىس جۇزىندىك ارەكەتتەرىمەن ايگىلەدى، جۇڭگو حالقىنا ءتان ۇلى جاسامپازدىق رۋحتى، ۇلى كۇرەسكەرلىك رۋحتى، ۇلى ىنتىماق رۋحىن، ۇلى ارمان رۋحىن ءتۇسىندىردى، بۇكىل ەلدەگى ءار ۇلت حالقىنا ۇيرەنۋ ۇلگىسىن ورناتتى. قالىڭ ەڭبەك ەرلەرى جانە وزات قىزمەتكەرلەر قاسيەتتەرىن ساقتاپ، ۇزدىكسىز ايانباي شايقاسىپ، ۇلگىلىك، باستاماشىلدىق رولدارىن ساۋلەلەندىرىپ، جىگەر، تەبىن، ارىنى ارقىلى اناعۇرلىم كوپ ادامدى ىنتالاندىرۋى، قالىڭ ەڭبەكشى بۇقارانى جاڭا ءداۋىردىڭ كۇرەسكەرى بولۋعا شابىتتاندىرۋى كەرەك.
ەڭبەك بارلىق باقىتتىڭ باستاۋ كوزى. ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ تۇيىنىندە تۇرىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ بولاشاق دامۋىنىڭ ايبىندى جوباسىن كەسكىندەدى. تاماشا بولاشاق بولعان سايىن، ءبىز سولعۇرلىم جاپالى قۇلشىنىس جاساۋىمىز قاجەت، ەڭبەك ەرى رۋحىن، ەڭبەك رۋحىن، ۇستا رۋحىن سولعۇرلىم بارىنشا اسقاقتاتۋىمىز قاجەت. جاڭا جاعدايدا ەلىمىزدەگى جۇمىسشى تابى مەن قالىڭ ەڭبەكشى بۇقارا ۇزدىكسىز وزاتتاردان ۇيرەنىپ، وزاتتارعا تەڭەلىپ، سوتسياليستىك وزەكتى قۇن كوزقاراسىن سانالى تۇردە امالياتتا ايگىلەپ، ەڭبەك ەرلەرى مەن وزات قىزمەتكەرلەردىڭ وسكەلەڭ رۋحى جانە اسىل قاسيەتى ارقىلى وزدەرىن جانىپ، ەڭبەك ىنتاسىن قاۋلاتىپ، ۇستالىق مادەنيەتتى بارىنشا بايىتىپ، كاسىپتىك ءمورالدى ساقتاپ، قاجىرلى ەڭبەكتى، ادال ەڭبەكتى، جاسامپاز ەڭبەكتى سانالى ارەكەتكە اينالدىرۋ كەرەك. ءار دارەجەلى پارتكوم مەن ۇكىمەت ەڭبەك ەرلەرىنە قۇرمەت ەتىپ، ەڭبەك ەرلەرىنە قامقورلىق جاساپ، ەڭبەككە قۇرمەت ەتۋ، بىلىمگە قۇرمەت ەتۋ، دارىندىلارعا قۇرمەت ەتۋ، جاسامپازدىققا قۇرمەت ەتۋ باعىتىن ويداعىداي دايەكتىلەندىرىپ، ەڭبەك ەرلەرى ساياساتىن كەمەلدەندىرىپ، ەڭبەك ەرلەرىنىڭ مارتەبەسىن جوعارىلاتىپ، ەڭبەك ەرلەرى مامىلەسىن تياناقتاندىرىپ، اناعۇرلىم كوپ ەڭبەك ەرى مەن وزات قىزمەتكەردىڭ توپ - توبىمەن جارىققا شىعۋىن ىلگەرىلەتۋ كەرەك. تۇتاس قوعام ەڭبەكتى ارداقتاپ، جاقسىدان ونەگە الىپ، ەڭبەك ەرلەرى مەن وزاق قىزمەتكەرلەردى ۇگىتتەۋ تەبىنىن ارتتىرىپ، ەڭبەك ەرلەرى حيكاياسىن ويداعىداي بايانداپ، ەڭبەك حيكاياسىن ويداعىداي بايانداپ، ۇستالاردىڭ اڭگىمەلەرىن ويداعىداي بايانداپ، ەڭبەڭ ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ قاستەرلى دەيتىن قوعامدىق سالتتى اسقاقتاتۋ كەرەك. ەڭبەك باقىت اكەلەدى دەگەندى نەگىزگى تاقىرىپ ەتكەن ۇگىت - تاربيەنى ورىستەتىپ، ەڭبەك تاربيەسىن دارىندىلاردى باۋلۋدىڭ جالپى بارىسىنا ەنگىزىپ، جوعارى، ورتا، باستاۋىش مەكتەپتەردىڭ ءارقايسى وقۋ كەزەڭىنە، سونداي - اق وتباسىلارىنىڭ، مەكتەپتەردىڭ، قوعامنىڭ ءار جاعىنا توعىستىرىپ، جاستار مەن ورەندەردى قاجىرلى ەڭبەك داڭق، جان راقاتىن كۇيىتتەۋ نامىس دەيتىن ەڭبەك كوزقاراسىن ورناتۋعا تاربيەلەپ، جەتەكتەپ، ۇرپاقتان - ۇرپاققا جالعاسقان ەڭبەكتى سۇيەتىن، ەڭبەككە ىنتالى، ەڭبەككە شەبەر جوعارى ساپالى ەڭبەكشىلەردى باۋلۋ كەرەك.
”ۇلى ىستەر ۇلى ەرىك - جىگەردەن تۋىندايدى، ۇلى ىستەر قاجىماي - تالماي ەڭبەكتەنۋدەن كەلەدى“. جۇڭگو ارمانىن جۇزەگە اسىرۋدىڭ، بۇكىل حالىقتى اناعۇرلىم تاماشا تۇرمىسقا كەنەلتۋدىڭ مىندەتى اۋىر، جولى الىس، ول ءاربىر ادامنان تىنباي قاجىرلى ەڭبەك ىستەۋدى جانە جاپالى قۇلشىنىس جاساۋدى قاجەت ەتەدى. ءبىز ەڭبەك ەرلەرى مەن وزات قىزمەتكەرلەردى ۇلگى ەتىپ، ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتىپ، قىزمەت ورنىن ءسۇيىپ، كاسىپتى ارداقتاپ، قۇلشىنا قىزمەت ىستەپ، قايراتتانا ۇمتىلىپ، باتىلدىقپەن جاسامپازدىق جاراتىپ، جاڭا داۋىردەگى ەڭبەكشىلەر جىرىن ۇزدىكسىز جازايىق!
(شينحۋا اگەنتتىگىنىڭ 11 - ايدىڭ 26 - كۇنى بەيجيڭنەن بەرگەن حابارى)
