باس شۋجيدىڭ ماڭىزدى ءسوزى رايونىمىزدىڭ ءار سالا، ءار كاسىبىندەگى ەڭبەكشىلەردى جىگەرلەندىردى −
جاقسى قوجايىن بولىپ، جاڭا داۋىردە ەڭبەك سىڭىرەمىز
شينجياڭ گازەتىنىڭ جالپىلىق اقپارات قۇرالدارى تىلشىلەرى
”جۇمىسشى تابى مەن قالىڭ ەڭبەكشى بۇقارانىڭ نەگىزگى قوسىندىق رولىن تولىق ساۋلەلەندىرۋ كەرەك“، ”جاقسى قوجايىن بولىپ، جاڭا داۋىردە ەڭبەك ءسىڭىرۋ كەرەك“... بىرنەشە كۇننەن بەرى، باس شۋجي شي جينپيڭنىڭ مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسىندا سويلەگەن ماڭىزدى ءسوزى رايونىمىزداعى ءار ۇلت كادرلارى مەن بۇقاراسىن ەرەكشە شابىتتاندىردى. كوپشىلىك ءبىر اۋىزدان مىنانى ءبىلدىردى: باس شۋجي ماڭىزدى سوزىندە ءار سالا، ءار كاسىپتەگى ەڭبەكشىلەردىڭ ەڭبەگى مەن جاسامپازدىعىن تولىق تۇراقتاندىردى، ءبىز، ءسوزسىز، پارتيانىڭ سوزىنە مىزعىماستان قۇلاق اسىپ، پارتياعا بۇلجىماستان ىلەسىپ، قوجايىندىق بەينەمەن امالياتقا ارالاسىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا جاڭا داۋىرگە ءتان شۇعىلالى تابىس جاراتۋعا قۇلشىنامىز.
”پارتيا مەن ۇكىمەتتىڭ كوڭىل ءبولىپ كومەكتەسۋىندە، مەن جانە كوپتەگەن قىستاق تۇرعىندارى تاۋ قويناۋىنان شىعىپ جۇمىس ىستەپ، كەدەيلىكتەن ارىلىپ، باقىتتى تۇرمىس كەشىرىپ جاتىرمىز، كوڭىلىمىزدى العىس كەرنەيدى“. مەملەكەتتىك ەڭبەك ەرى، مەملەكەتتىك ەڭ ارداقتى قىزمەتكەر، گۋاڭدۇڭ دۇڭگۋان لۇيجوۋ اياق كيىم شارۋاشىلىعى شەكتى سەرىكتەستىگىنىڭ قىزمەتكەرى پاشاگۇل كەرىم تەبىرەنىسپەن بىلاي دەدى: ”مەملەكەت جاقسى بولسا عانا ءبارىمىز جاقسى بولامىز. جاڭا داۋىردەگى كاسىپ سالاسى جۇمىسشىسى رەتىندە، مەن بۇلجىماستان پارتيانىڭ سوزىنە قۇلاق اسىپ، پارتياعا ىلەسىپ، جەكە ارمانىمدى مەملەكەتتىڭ بايىپ - قۇدىرەتتەنۋىمەن، ۇلتتىڭ گۇلدەنىپ - كوركەيۋىمەن توعىستىرىپ، قىزمەتتەستەرىممەن ىنتىماقتاسا سەلبەسىپ، كوركەم بولاشاقتى بىرگە اشامىز“.
مەملەكەتتىك ەڭبەك ەرى، شىنحۋا شينجياڭ ەنەرگيا شەكتى جاۋاپكەرشىلىك سەرىكتەستىگى ۋدۇڭ كومىر كەنىنىڭ ورىنباسار باس ينجەنەرى مامەتالي روزى بىلاي دەدى: ”كومىر كەن كاسىبىنىڭ ينفورماتسيالانۋ، زەردەلىلەنۋ دەڭگەيى بارعان سايىن جوعارىلادى، تەحنيكالىق تىرەكتى رەتىندە، مەن جاڭالىق اشۋ تانىمىمدى كۇشەيتىپ، جاڭالىق اشۋ ويىمدى جەتىلدىرىپ، قۇلشىنا قامال الىپ، قيىندىقتاردى جەڭىپ، قالىڭ جۇمىسشى - قىزمەتكەرلەرمەن بىرگە ەڭبەگىم جانە جاسامپازدىعىم ارقىلى كاسىپورىن ءۇشىن ونىمدىلىكتى ارتتىرىپ، شينجياڭنىڭ ەنەرگيا كاسىپ سالاسىنىڭ دامۋىنا جاڭا ۇلەس قوسامىن“.
مەملەكەتتىك وزات قىزمەتكەر، شينجياڭ اۋىل شارۋاشىلىعى عىلىم اكادەمياسى استىق داقىلدارىن زەرتتەۋ ورنىنىڭ اعا زەرتتەۋشىسى لياڭ شياۋليڭ 35 جىلدان بەرى جۇگەرىنىڭ تۇقىمىن جەتىلدىرۋ قىزمەتىمەن اينالىسىپ كەلەدى، وسى رەت مەملەكەتتىك سيلىققا يە بولعان ول جاۋاپكەرشىلىگىنىڭ اۋىر، بورىشىنىڭ داڭقتى ەكەندىگىن تەرەڭ سەزىندى. ول بىلاي دەدى: ءسوزسىز باس شۋجي شي جينپيڭنىڭ ماڭىزدى ءسوزىنىڭ رۋحىن ويداعىداي تياناقتاندىرىپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، ءومىر بويى ۇيرەنىپ، زەرتتەۋ دەڭگەيىمدى ۇزدىكسىز جوعارىلاتىپ، اناعۇرلىم كوپ، اناعۇرلىم ويداعىداي ساپالى تۇقىم جەتىلدىرىپ، اۋىل شارۋاشىلىعىنىڭ دامۋىن جەبەيمىن.
اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم بىلاي دەدى: تىنىش، جاراسىمدى، باي، كورىكتى اقسۋ سان مىڭداعان ەڭبەكشىلەردىڭ ەڭبەگى مەن جاسامپازدىعىنا سۇيەنەدى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ەڭبەكشىلەردىڭ زاڭدى ۇقىق - مۇددەسىن شىن مانىندە ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، ورنىقتىلىق، دامۋ، حالىق تۇرمىسى ۇشەۋىنىڭ ءبىر تۇلعالانۋىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى حالىققا تيىمدىلىك جەتكىزەتىن ءتۇيىندى ينجەنەريالاردى ۇزدىكسىز ىلگەرىلەتىپ، قالىڭ ەڭبەكشىلەردىڭ رەفورما، دامۋ جەتىستىكتەرىن بىرگە جاراتۋىنا، بىرگە يگىلىكتەنۋىنە مۇمكىندىك جاسايمىز.
”باس شۋجيدىڭ ماڭىزدى ءسوزى ءبىزدىڭ جۇمىستاندىرۋ، باۋلۋ قىزمەتىن ويداعىداي ىستەۋ سەنىمىمىزدى اناعۇرلىم بەكەمدەي ءتۇستى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەت قۇرىلىسى باسقارماسىنىڭ ورىنباسار باستىعى چياۋ پىڭچىڭ بىلاي دەدى: ءبىز كاسىپتىك شەبەرلىكتى ارتتىرۋ ءىس - قيمىلىن ۇزدىكسىز ىلگەرىلەتىپ، قىرۋار جوعارى ساپالى ەڭبەكشىلەر مەن تەحنيكالىق شەبەرلىك دارىندىلارىن جەدەل باۋلىپ، اناعۇرلىم كوپ ەڭبەكشىلەردىڭ شەبەرلىككە سۇيەنىپ، كىرىستى ارتتىرۋ، شەبەرلىككە سۇيەنىپ، دارىندى بولۋ جولىنا تۇسۋىنە مۇمكىندىك جاسايمىز.
ىلە قازاق اۆتونوميالى وبلىستىق باس جۇمىسشى ۇيىمى كاسىپورىن، ءىسورىنداردى دامىتۋ ورتالىعىنىڭ ورىنباسار مەڭگەرۋشىسى ابدۇكەرىم رەيىم مىنالاردى ءبىلدىردى: باس شۋجي شي جينپيڭنىڭ تالابى بويىنشا، ەڭبەك جانە شەبەرلىك باسەكەسىن جالپى بەتتىك، ىشكەرىلەي، ۇزاق ۋاقىت ورىستەتىپ، كاسىپ سالاسى جۇمىسشىلارى قوسىنى قۇرىلىسى رەفورماسىن بار كۇشپەن ىلگەرىلەتىپ، مۇراتتى، سەنىمى بەرىك، تەحنيكانىڭ تەتىگىن يگەرىپ، جاڭالىق اشا الاتىن، جۇرەكتىلىكپەن جاۋاپكەرشىلىك ارقالاپ، ۇلەس قوسۋدى دارىپتەيتىن وراسان زور ونەركاسىپ جۇمىسشىلارى قوسىنىن قالىپتاستىرامىز. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، تۇتاس وبلىستاعى قالىڭ جۇمىسشى - قىزمەتكەرلەردى نەگىزگى قوسىندىق رولىن ساۋلەلەندىرۋگە جۇمىلدىرىپ، ىلەنىڭ جوعارى ساپالى دامۋىن ىلگەرىلەتۋگە جاڭا ۇلەس قوسامىز.
”ەڭبەك − بارلىق باقىتتىڭ باستاۋ كوزى. باس شۋجيدىڭ ماڭىزدى ءسوزى ءون - بويىما كۇش - قۋات بەردى“. باي اۋدانىنداعى جەكە كاسىپكەر مايرا پولات بىلاي دەدى: ”مەن ەڭبەك ەرلەرى مەن وزات قىزمەتكەرلەردى ۇلگى ەتىپ، شارۋاشىلىق - ساۋدا بىلىمدەرىن ويداعىداي ۇيرەنىپ، كيىم - كەشەك دۇكەنىمدى دامىتىپ، اپەكە - سىڭلىلەرىمدى قاجىرلى ەڭبەكپەن تاماشا تۇرمىسقا جەتۋگە باستايمىن“.
(ءتىلشى جاڭ يانفاڭ، قاتىناسقان تىلشىلەر لياڭ ليحۋا، جاڭ رۇيلين، جىڭ جو، ليۋ شياڭ، جاڭ جىلي، لي چۇنشيا، ءجازيرا نەسىپبەك)
