ۇيرەنۋ جەتىستىگىن جاڭا داۋىردە شينجياڭ قىزمەتىن جاقسى ىستەۋدىڭ مىعىم قوزعاۋشى كۇشىنە جانە ءىس جۇزىندىك ارەكەتىنە شىن مانىندە اينالدىرۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 11 - ايدىڭ 27 - كۇنى ۇرىمجىدەن حابارلايدى. 11 - ايدىڭ 27 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوننىڭ ايماق، مەڭگەرمە دارەجەلى كادرلاردى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە شوعىرلى تۇردە كەزەكپەن تاربيەلەۋ كۋرسىندا ارناۋلى تاقىرىپتا پىسىقتاۋ جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين باسقاردى.
شوكىرات زاكىر ارناۋلى تاقىرىپتا پىسىقتاۋ جاساعاندا بىلاي دەپ اتاپ كورسەتتى: پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى − پارتيامىزدىڭ جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندا تۇرعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالۋ الدىندا تۇرعان ماڭىزدى تاريحي ساتتە اشىلعان ءبىر رەتكى اسا ماڭىزدى ءماجىلىس، ەلىمىز جاڭا دامۋ كەزەڭىنە وتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن شەشۋشى ساتتە تۇرعان مەزگىلدە اشىلعان جالپى جاعداي سيپاتتى، تاريحي سيپاتتى ماڭىزعا يە ءماجىلىس. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ستراتەگيالىق جانە جالپى جاعداي تۇرعىسىنان جاڭا داۋىردەگى شينجياڭ قىزمەتىن جوسپارلاپ، ىلگەرىلەتىپ، كەزەكتەگى جانە مۇنان بىلايعى ءبىر مەزگىلدەگى شينجياڭ قىزمەتىنىڭ جەتەكشى يدەياسىن، نىسانا - مىندەتتەرىن، باعىت - ساياساتتارىن، ستراتەگيالىق شارالارىن ايقىن العا قويىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەگى ءتۇيىندى قىزمەتتەردى جاپپاي ورنالاستىردى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ وزەكتى مازمۇنى مەن رۋحاني ءمانىن ىشكەرىلەي ۇعىنىپ، دۇرىس يگەرىپ، جەتە ۇيرەنۋ، جەتە يگەرۋ، شىنايى تياناقتاندىرۋ جاعىنا كۇش سالىپ، ساياسي دەڭگەيدى جوعارىلاتىپ، جاۋاپكەرشىلىك، بورىش ارقالاۋدى كۇشەيتىپ، جاڭا داۋىردەگى شينجياڭ قىزمەتىن تىڭعىلىقتى ويداعىداي ىستەپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جۇرت جۇرەگىنە تەرەڭ ۇيالاتىپ، تيانشان الابىندا قۋاتتى وڭ ەنەرگيا ۇيىستىرۋعا شىنايى كەپىلدىك ەتۋ كەرەك.
شوكىرات زاكىر مىنالاردى باسا دارىپتەدى: جەر - جەر، تاراۋلار ۇيرەنۋ، ۇگىتتەۋ، دايەكتىلەندىرۋ تەبىنىن كۇشەيتىپ، ۇيرەنۋ تابىستارىن قوعام ورنىقتىلىعى مەن باياندى تىنىشتىقتى ىلگەرىلەتۋدىڭ پارمەندى قوزعاۋشى كۇشىنە جانە ءىس جۇزىندىك ارەكەتىنە شىن مانىندە اينالدىرىپ، جاعدايدى جانە ورايدى جەتە تانىپ، شينجياڭ قىزمەتىن جاقسى ىستەۋ سەنىمى مەن بەكىمىن نىعايتۋ؛ دامۋ نىسانالارىمەن جانە مىندەتتەرىمەن تىعىز بايلانىستىرىپ، شينجياڭ قىزمەتىندە قۇلشىنا جاڭا جاعداي اشۋ؛ شينجياڭدى زاڭمەن جونگە سالۋعا تاباندى بولىپ، جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتىپ، قوعامدىق كەلەلى جاعدايدىڭ باياندى ورنىقتىلىعىنا، ۇزاق ۋاقىتتىق ورنىقتىلىعىنا شىنايى كەپىلدىك ەتۋ؛ جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ، جاڭالىق اشۋ ارقىلى دامۋعا دەم بەرۋدى جەدەل ىلگەرىلەتىپ، اۋىل شارۋاشىلىعى ساپاسىن، ونىمدىلىگىن ۇزدىكسىز جوعارىلاتىپ، ونەركاسىپ نەگىزىن بەكەمدەۋدى، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى جەبەپ، وزىندىك ەرەكشەلىككە يە ابزال كاسىپ سالالارىن جەتىلدىرىپ، الۋەتتەندىرىپ، وسى زامانعى قىزمەت وتەۋ كاسىبىن بەلسەنە دامىتۋ؛ جىبەك جولى ەكونوميكالىق بەلدەۋى وزەكتى رايونىن قۇرۋدى جەدەلدەتىپ، ىشكى سۇرانىستى ارتتىرۋ ستراتەگياسىن تاباندىلىقپەن اتقارىپ، ەسىك اشۋدى ۇزدىكسىز كەڭەيتىپ، جاڭا دامۋ ارناسىمەن بەلسەنە توعىسۋ؛ رەفورمانى جاپپاي تەرەڭدەتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، سالىقتى ازايتىپ، اقىنى تومەندەتۋ سياقتى ساياساتتاردى تياناقتاندىرىپ، شارۋاشىلىق - ساۋدا ورتاسىن جاقسارتىپ، جوعارى ساپالى دامۋدى جۇزەگە اسىرۋعا تىڭ قوزعاۋشى كۇش ۇستەۋ؛ اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋ ستراتەگياسىن ىشكەرىلەي اتقارىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، ءورىسىن كەڭەيتىپ، وڭىرلەردىڭ سايكەستى دامۋىن جەدەل ىلگەرىلەتۋ؛ ەكولوگيالىق وركەنيەت قۇرىلىسىن كۇشەيتىپ، ەكولوگيالىق ورتانى قورعاۋ مەحانيزمىن اقاۋسىزداندىرىپ، بايلىقتان شوعىرلى، ۇنەمدى پايدالانۋدى كۇشەيتىپ، كورىكتى شينجياڭ قۇرۋ؛ حالىق تۇرمىسىن كۇش سالا قامتاماسىزداندىرىپ جانە جاقسارتىپ، جۇمىستاندىرۋدى الدىمەن ويلاستىرۋدان جازباي، وقۋ - اعارتۋ ىستەرىن دامىتىپ، ەمدەۋ - دەنساۋلىق ساقتاۋ دەڭگەيىن جوعارىلاتىپ، قوعامدىق قامتاماسىزداندىرۋ جۇيەسى مەن الەۋمەتتىك حاۋىپسىزدىك جۇيەسىن اقاۋسىزداندىرىپ، ءار ۇلت بۇقاراسىنىڭ ىرىس - قۇتىن ارتتىرۋ؛ پارتيانىڭ باسشىلىعىنا تاباندى بولىپ، ”14 - بەسجىلدىق“ جوبانىڭ اتقارىلۋىن پارمەندى كەپىلمەن قامداۋ قاجەت.
