11 - ايدىڭ 16 - كۇنى جىڭ اۋدانى چيرۇي بيوتەحنيكا شەكتى جاۋاپكەرشىلىك سەرىكتەستىگىنىڭ ءوندىرىس سەحىندا، جۇمىسشىلار الاقات ونىمدەرىن جىنتىكتەپ مانەرلەۋ ءوندىرىس جەلىسىندە جۇمىس ىستەۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جىن شىشين تۇسىرگەن
”جاڭا دامۋ ۇستانىمىن دايەكتىلەندىرىپ، دامۋ ساپاسى مەن ونىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتۋگە تاباندى بولىپ، ەرەكشە باسىمدىققا يە كاسىپ سالالارىن جەتىلدىرۋ، زورايتۋ كەرەك“. باس شۋجي شي جينپيڭنىڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحى شينجياڭنىڭ ”13 - بەسجىلدىق“ مەزگىلىندەگى قاتىستى سالالاردىڭ اينىماس دامۋ بەتالىسىنا اينالدى. قازىرگە دەيىن شينجياڭدا ەرەكشە كاسىپ سالالارىنىڭ دامۋ نەگىزى كۇن سايىن بەكەمدەلىپ، دامۋ ساپاسى ۇزدىكسىز ءوستى.
ەگىن، ورمان، مال، بالىق شارۋاشىلىعىندا
”شينجياڭ“ ەرەكشەلىگى بارعان سايىن ايشىقتالا ءتۇستى
ءدال وسى ساتتە، اقسۋدىڭ قىراۋ شالعان بيڭتاڭشين الماسى چاڭجياڭنىڭ تۇستىگى مەن تەرىستىگىنە توقتاۋسىز جونەلتىلىپ جاتىر. بۇل المالار شينجياڭداعى 18 ميلليون 560 مىڭ مۋلىق (بيڭتۋاندى قامتىمايدى) جەمىس باعىنىڭ بيىلعى ەڭ سوڭعى جەمىستەرى. كەلەر جىلى كوكتەمدەگى ورىكتەن باستاپ، قاۋىن - قاربىز، شىلان، المۇرت، شىرعاناق، شينمەي سياقتى ەرەكشە جەمىستەر ماۋەلەپ ءوسىپ جەمىس بەرەتىن بولادى.
”13 - بەسجىلدىق“ مەزگىلىندە ساپانى ءوسىرىپ، ونىمدىلىكتى جوعارىلاتۋدى وزەك ەتە دامىعان وسى زامانعى جەمىس ورمان شارۋاشىلىعى ەگىلگەن جەر اۋدانىن ورنىقتىرۋ، قۇرىلىمدى ساپالىلاندىرۋ، ساپانى ءوسىرۋ، ونىمدىلىكتى جوعارىلاتۋ ارقىلى بىرتىندەپ شينجياڭ شارۋالارىنىڭ ماڭىزدى ەكونوميكالىق قاينارىنا اينالدى. وڭتۇستىك شينجياڭدا جەمىس ورمانىنان كەلەتىن كىرىس جەرگىلىكتى شارۋالاردىڭ كىرىسىنىڭ ۇشتەن ءبىرىن ۇستايدى، كەي جەرلەردە ءتىپتى جارتىسىنان استامىنا دەيىن جەتەدى. ال جەمىس ساۋداسىنداعى ىشكى - سىرتقى ”ەكى توردىڭ“ بەلسەندىلىكپەن قۇرىلۋى شينجياڭنىڭ جەمىستەرىنىڭ ەل ءىشى بازارىنداعى نورماسىنىڭ بىرتىندەپ كەڭەيۋىنە شارت - جاعداي ازىرلەپ بەردى.
5 جىلدان بەرى ميلليونداعان ادامنىڭ تۇرمىسىنا قاتىستى وسى زور كاسىپ سالاسى تيانشان الابىندا باياندى دامۋدىڭ ەكولوگيالىق قالتقىسىن قۇرىپ قانا قويماي، اسىرەسە، شينجياڭدا كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ، جاپپاي دوڭگەلەك داۋلەتتى قوعام ورناتۋ جولىندا نىق قاداممەن العا ىلگەرىلەۋدىڭ ماڭىزدى تۇتقاسىنا اينالىپ، باس شۋجي شي جينپيڭنىڭ ”تۇنىق سۋ، جاسىل تاۋ − باعالى بايلىق“ دەگەن تەرەڭ تۇجىرىمىن ءتۇسىندىرىپ بەردى.
جەمىس ورمانى ونىمدەرى عانا ەمەس، سوڭعى 5 جىلدا ماقسارى مايى، راۋشانگۇل، قىزعالداق، ورگانيكالى سيىر، قوي ەتى، تۇششى سۋ بالىقشىلىعى، تۇيە شۇباتى سياقتى ەرەكشە ونىمدەر ۇزدىكسىز دامىپ، زورايىپ، شينجياڭنىڭ اۋىل شارۋاشىلىعى ونىمدەرىنىڭ اتاعى مەن بەدەلى ۇزدىكسىز ءوسىپ، بازارى كەڭەيە ءتۇستى.
”جياڭشياۋناڭنىڭ“ بەلگىسىز جۇيرىگى توسىننان شىققاننان كۇشار ۇلكەن نانىنىڭ دارەجەسىنىڭ جوعارىلاپ، جاڭالانۋىنا دەيىن؛ سول جەردىڭ وزىندە عانا كۇندەلىكتى ساتىلۋدان ينتەرنەت جەلىسىنەن تىس جانە ينتەرنەت جەلىسىندە جاپپاي جالپىلاستىرىلۋعا دەيىن؛ شاعىن شەبەرحانادا جاسالعان كىلەڭ ءبىر تۇردەن ولشەمدى ءوندىرىس جەلىسىندە مول ءتۇردى ولشەمدەندىرىپ وندىرۋگە دەيىن... شينجياڭنىڭ نان كاسىبى ”13 - بەسجىلدىق“ مەزگىلىندە زورايىپ جانە دامىپ، شينجياڭنىڭ ەرەكشە اۋىل شارۋاشىلىعىنىڭ العا ىلگەرىلەۋ جەلىسىن كەسكىندەدى − جاڭالىق اشۋعا تاباندى بولىپ، ەرەكشە جاڭا تۇرلەردى زور كۇشپەن اشتى؛ بايلىقتى بىرىكتىرىپ، ءوندىرىس فاكتورلارىنىڭ ۇيلەسىمدى جىلجۋىن جەبەدى؛ ايگىلى ماركا جەتىلدىرىپ، بۇكىل ەل بازارىن قۇلشىنا اشتى.
شينجياڭ اۋىل شارۋاشىلىعى ەرەكشە كاسىپ سالاسىنىڭ دامۋى ارقىلى بايلىق باسىمدىعىن ايگىلى ماركا باسىمدىعىنا ۇزدىكسىز اينالدىردى.
تيبىن وزگەرتىپ دارەجەسىن جوعارىلاتۋ
ستراتەگيالىق جاڭادان گۇلدەنگەن كاسىپ سالاسى وركەندەدى
شينجياڭدا زۇكام تۇيىرشىگى جۇرتتىڭ ءبارى بىلەتىن ۇلتتىق ءدارى - دارمەك ايگىلى ماركاسىنا اينالدى. وسى ءدارىنى وندىرەتىن شينجياڭ يىندولان ۇيعۇر دارىلەرى جارنا شەكتى سەرىكتەستىگى ءونىم ءتۇرىنىڭ جالاڭ بولۋىنان كۇيرەۋگە شاق قالعان ەدى، كەيىن عىلىم - تەحنيكالىق جاڭالىق اشۋدى كادەگە جاراتۋ قابىلەتىن جوعارىلاتۋ ارقىلى ءونىم قۇرىلىمىن رەتتەپ، گۇلدەنۋ جولىنا ءتۇستى. جاڭا تيپتى ايدارشا ۆيرۋس وكپە قابىنۋ ىندەتى تۋىلعان سوڭ، سەرىكتەستىك وندىرگەن كۇردەلى يجىحاۋ تۇيىرشىگى جۇڭگوشا ءدارى - دارمەك ارقىلى ساقتانۋ - ەمدەۋ جوباسىنداعى ەرەكشە ۇلتتىق دارىلەر قاتارىنا تاڭدالدى.
قازىر يىندولان ۇيعۇر دارىلەرى جارنا شەكتى سەرىكتەستىگى شينجياڭنىڭ ەرەكشە ۇلتتىق ءدارى شوپتەرىن ەگۋ، ءوندىرۋ، ساتۋ جانە زەرتتەۋ - اشۋ سياقتى كاسىپ تىزبەگى ءبىر تۇلعالاندىرىلعان وسىزاماندانعان كاسىپورىنعا اينالدى. ”13 - بەسجىلدىق“ مەزگىلىندە، شينجياڭ ۇلتتىق ءدارى - دارمەك كاسىبىن زور كۇشپەن دامىتتى، 2019 - جىلعا دەيىن، شينجياڭنىڭ ەرەكشە ۇلتتىق دارىلەرىنىڭ ءونىم قۇنى ءبىر ميلليارد يۋاننان اسىپ، جىلىنا ورتا ەسەپپەن ％23تىك جىلدامدىقپەن ارتىپ، شينجياڭدا ءونىم قۇنىنىڭ ارتۋى ەڭ تەز كاسىپ سالاسىنىڭ بىرىنە اينالدى.
قۇمىل قالاسىندا شينجياڭ شياڭچىڭ جاڭا ماتەريال عىلىم - تەحنيكا شەكتى سەرىكەستىگىنىڭ جىلىنا 20 مىڭ توننا تيتان جانە تيتان قوسپا مەتال جاڭا ماتەريالىن ءوندىرۋ نىسانى ايتارلىقتاي جۇمىس جۇرگىزۋدە، سەرىكتەستىكتىڭ ونىمدەرىندە تيتان كەنى، ۇلپا تيتان، تيتان ماتەريالى، تيتان بۇيىمدارى ءبىر تۇلعالاندىرىلعان بولىپ، اۆياتسيا، عارىش جابدىقتارىنىڭ، تەڭىز - مۇحيت ينجەنەريالىق جابدىقتارىنىڭ، سونداي - اق جوعارى تەحنيكالى كەمەلەردىڭ شەشۋشى نەگىزدىك ماتەريالى ەسەپتەلەدى.
سونىمەن بىرگە، شينجياڭ جاڭا ۇرپاق ينفورماتسيا تەحنيكاسى مەن جاساۋ كاسىبىنىڭ تەرەڭدەي توعىسۋىن بەلسەنە ىلگەرىلەتىپ، ونەركاسىپ ينتەرنەتى + وزىق جاساۋ كاسىبىن توعىستىرا دامىتۋدى تەرەڭدەتىپ، ءۇرىمجى - سانجى جانە قارامايلى بۇلتتىق ەسەپتەۋ كاسىپ سالاسى باقشاسىن وزەك، قورعاس، قاشقار قاتارلىلاردى ماڭىزدى ءتۇيىن ەتكەن ”ەكى وزەكتى، كوپ سەنترلى“ جىبەك جولى ەكونوميكالىق بەلدەۋى ساندى مالىمەت بايلىعى بازاسىن ۇزدىكسىز قۇردى.
”13 - بەسجىلدىقتان“ بەرى رايونىمىز ستراتەگيالىق جاڭادان گۇلدەنگەن كاسىپ سالاسىن ”قۇرىلىمدى رەتتەۋدىڭ، تيبىنە بۇرىلىس جاساۋدى جەبەۋدىڭ“ ماڭىزدى تىرەگى ەتىپ، جوبالاپ جەتەكتەۋ، ساياساتپەن سۇيەمەلدەۋ، ساۋداگەر شاقىرىپ قارجى ەنگىزۋ سياقتى شارالاردان پايدالانىپ، ستراتەگيالىق جاڭادان گۇلدەنگەن كاسىپ سالاسىنىڭ قارىشتاي دامۋىن جەبەدى. قازىر جاڭا ەنەرگيانى، جاڭا ماتەريالدى، جوعارى دەڭگەيدەگى جابدىقتاردى جاساۋدى، بيولوگيالىق ءدارى - دارمەكتى، ينفورماتسيا تەحنيكاسىن، ەنەرگيانى ۇنەمدەپ، قورشاعان ورتانى قورعاۋدى نەگىز ەتكەن ستراتەگيالىق جاڭادان گۇلدەنگەن كاسىپ سالاسىن دامىتۋ جۇيەسى العاشقى ادىمدا قالىپتاستى.
بولاشاعى نۇرلى
ءبىر كاسىپتىڭ گۇلدەنۋى كوپتەگەن كاسىپتىڭ كوركەيۋىن جەبەدى
11 - ايدىڭ 3 - كۇنى مەملەكەتتىك اسقار تاۋدا شاڭعى تەبۋ شوعىرلى جاتتىعۋ اترەتىنىڭ شينجياڭ گرۋپپاسى كوكتوعاي اۋدانى كوكتوعاي حالىقارالىق قار شاڭعى الاڭىنا جەتىپ، شوعىرلى جاتتىعۋدى باستاپ، ءتۇرلى تەحنيكالاردى كەمەلدەندىرىپ، جارىس قابىلەتىن ءوسىرىپ، 2022 - جىلعى قىسقى وليمپيادا سپورت جارىسىنا دايىندالۋ ءۇشىن دارىندىلار ازىرلەدى. 10 - ايدىڭ 1 - كۇنى كوكتوعاي حالىقارالىق قار شاڭعى الاڭىندا شاڭعى تەبۋ باستالىپ، مەملەكەتتىڭ جەر - جەرىندەگى قار شاڭعى اۋەسكەرلەرى وسىندا جينالدى.
ءۇرىمجى اۋدانى شۇيشيگوۋ قالاشىعى، سونداي - اق جول بويىنداعى ءارقايسى اۋىل - قالاشىقتارداعى حالىقتىق تۇسەلحانالاردىڭ قوجايىندارى دا قاربالاستىققا ءتۇستى. شاڭعى تەبۋ ماۋسىمىنىڭ جەتۋىنە وراي، شينجياڭنىڭ قىسقى ساياحاتى باستالدى.
ساياحات كاسىبى شينجياڭنىڭ ”13 - بەسجىلدىقتان“ بەرى تىڭنان قوسىلعان كاسىپ سالاسىنا اينالدى. اۆتونوميالى رايوننىڭ ەكولوگيالىق وركەنيەت قۇرىلىسى سەرپىنىنىڭ كۇشەيۋىنە، سونداي - اق قاتىناس نەگىزدىك قۇرىلعىلارىنىڭ ۇزدىكسىز كەمەلدەنۋىنە ساي، جاراتىلىستىق كورىنىستەرى مول، گۋمانيتارلىق مايەگى قالىڭ، ىنتىماقتى، ورنىقتى شينجياڭ ساياحات كاسىبى دامۋىنىڭ ەڭ جاقسى تاريحي كەزەڭىن كۇتىپ الدى. شينجياڭعا كەلىپ ساياحاتتايتىندار جىلدان - جىلعا كوبەيدى، 100 ميلليون، 150 ميلليون، 200 ميلليون، 2017 - جىلدان 2019 - جىلعا دەيىن، شينجياڭ ساياحاتى قابىلداعان ادام سانى ارت - ارتىنان جاڭالىق جاراتتى.
”جىبەك جولى + قار - مۇز ساياحاتى + ۇلتتىق سالت - سانا“ ونىمدەرىنىڭ بىرلەسۋى مادەنيەت پەن ساياحاتتىڭ توعىسۋىن جۇزەگە اسىردى؛ مايتاۋ - كۇشار تاس جولى ساياحات وداعىن قۇردى، شينجياڭ - شيزاڭ لەنياسى ساياحات ونىمدەرىن اشتى، ءوز كولىگىمەن ساياحاتتاۋ لەنياسىن دەن قويا ازىرلەدى؛ سەيىل - سەرۋەن ساياحاتى، ۇلتتىق سالت - سانا، مەرەكە - مەيرام ساياحاتى، قار - مۇز قيمىل ساياحاتى، اۋىل - قىستاق ساياحاتى، كۇتىنۋ ساياحاتى سياقتى ساياحات ونىمدەرى باي مازمۇندى، كوپ نەگىزدى بولىپ، ساياحات بازارىنىڭ جاڭا ارتۋ تۇيىنىنە اينالدى.
جاڭا كاسىپ كۇيىنىڭ، جاڭا ءونىمنىڭ مولىنان دايىندالۋىنا ساي، شينجياڭنىڭ ساياحات كاسىبى جالپى حالىقتىق ساياحاتتى جانە جەكە ساياحاتتى، ەركىن ساياحاتتى نەگىز ەتكەن جاڭا ساتىعا قادام تاستاپ، ساياحاتتىڭ ىلگەرىلەتۋ كۇشىن، توعىستىرۋ كۇشىن مۇمكىندىكتىڭ بارىنشا ساۋلەلەندىرۋمەن قاتار، قاتىستى كاسىپ پەن سالالاردىڭ دامۋىنا دا جاڭا قوزعاۋشى كۇش سيلاپ، ”ءبىر كاسىپتىڭ گۇلدەنۋى كوپتەگەن كاسىپتىڭ كوركەيۋىن جەبەيتىن“ دامۋ اۋقىمىن قالىپتاستىرىپ، ۇلكەن ساياحات ارناسى جەدەل قالىپتاسىپ كەلەدى.
