تيانشان تورى   ›   جاڭالىقتار   ›   سپورت الەمى

شينجياڭ بيليارد كومانداسى مەملەكەتتىك سنۋكەر توپتىق جۇلدەلى جارىسىنىڭ ەكىنشى جۇلدەگەرلىگىن جەڭىپ الدى

  شينجياڭ گازەتىنىڭ 11 - ايدىڭ 29 - كۇنى ۇرىمجىدەن بەرگەن حابارى. جالپىلىق اقپارات قۇرالدارى ٴتىلشىسى حۋاڭ شيڭ حابارلايدى. ءبىرى كاسىپتىك شەبەر، ءبىرى بيليارد زالىنىڭ قوجايىنى، ءبىرى سنۋكەر اۋەسكەرى، ما چۇنماۋ، جاۋ يافەي، لي جينۋي قاتارلىلاردان ۇيىمداسقان شينجياڭ بيليارد قوعامىنىڭ سنۋكەر كومانداسى 11 - ايدىڭ 25 - كۇنى  شي - اندا وتكىزىلگەن  مەملەكەتتىك سنۋكەر توپتىق جۇلدەلى جارىسىنىڭ ارالىق جارىسى كەزەڭىندە جارىس اۋقىمىنا ۇلكەن بۇرىلىس اكەلىپ، كۇشتى قارسىلاستارمەن بەلدەسىپ، ەڭ سوڭىندا گۋاڭدۇڭ كومانداسىنا توتەپ بەرە الماي، ەكىنشى جۇلدەگەرلىكتى ەنشىلەپ، شينجياڭ بيليارد كومانداسى تاريحىنداعى توپتىق ەڭ ۇزدىك ناتيجەنى جاراتتى.

  گرۋپپانىڭ اينالمالى جارىس كەزەڭىندە، شينجياڭ 3:2 ۇپايمەن شي - اندى، 5:0 ۇپايمەن چيڭحايدى، 3:2 ۇپايمەن ۇزدىك كوماندا سۋجوۋدى جەڭىپ، گرۋپپانىڭ ءبىرىنشىسى بولىپ شەشۋشى جارىسقا كىردى.

  ”ءتورت مىقتىنىڭ ٴبىرى بولعانىمىزدىڭ ءوزى ءبىر تابىس، كوپشىلىك ەشتەڭەدەن ۋايىمداماي، قارسىلارستارمەن بەلدەسەيىك“. جارتىلاي شەشۋشى جارىستا شينجياڭ كومانداسىنىڭ جەتەكشىسى، جاتتىقتىرۋشىسى لي رۋجۇن شەشۋشى ساتتە بارلىق كوماندا مۇشەلەرىن ۋايىمنان ارىلتتى. وسىدان بۇرىن 3 رەت جارىس اۋقىمىنا بۇرىلىس جاساۋ تاجىريبەسى بار شينجياڭ كومانداسىنىڭ مۇشەلەرى ەرلىگىن ساۋلەلەندىرىپ، ارت - ارتىنان 3 مايدان جەڭىپ، ۇپايدى تەڭەستىردى. شەشۋشى جارىستا ما چۇنماۋ ءبىر تاياقشا 67 ۇپايمەن جەڭىستىڭ نەگىزىن بەكەمدەدى، ەڭ سوڭىندا، شينجياڭ كومانداسى جارىس جاعدايىنا عالامات بۇرىلىس اكەلدى.

  ءۇش كۇن ىشىندە، ارت - ارتىنان 4 مايدان جارىسقا ۇلكەن بۇرىلىس اكەلگەن شينجياڭ كومانداسى جارتىلاي شەشۋشى جارىس اياقتاعان 10 مينۋتتان سوڭ شەشۋشى جارىستى باستادى. بۇل رەت 1:0دىك ەسەپپەن الدىن بەرمەگەن جاعدايدا، ارت - ارتىنان 4 رەت گۋاڭدۇڭ كومانداسىنان جەڭىلىپ، وكىنىشتى تۇردە ەكىنشى جۇلدەنى الدى.

  شينجياڭ سنۋكەر كومانداسى ەل ىشىندەگى ەگەي قوسىن، الدىڭعى 3 كەزەكتى مەملەكەتتىك دەنە تاربيە  جينالىسىنىڭ بارىندە  4 مىقتىنىڭ قاتارىنا كىرگەن. وسىدان بۇرىن قاسىم، ساۋ شينلۇڭ، ابىلاجان، روزى مامەت قاتارلى ەل ىشىندەگى تاڭداۋلى كاسىپتىك شەبەرلەر مولىنان شىققان ەدى. وسى رەتكى مەملەكەتتىك سنۋكەر توپتىق جۇلدەلى جارىسى شينجياڭداعى جاڭا ۇرپاق جاس بۋىن بيلياردشىلارعا ءوز ونەرلەرىن كورسەتەتىن تۇعىر بولدى. ولار تاجىريبەسى مول قارت شەبەر ما چۇنماۋدىڭ باستاۋىندا وزدەرىنە ءتان داڭققا قول جەتكىزدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى