تيانشان تورىنىڭ حابارى. (حابارىن جازىپ سۋرەتىن تۇسىرگەن ەرىكتى تىلشىلەر ۋاڭ جيڭرۋ، شۇي سۇڭ) 11 - ايدىڭ سوڭىندا، شينجياڭ التاي ايماعى بۋرىلتوعاي اۋدانىنىڭ جەرگىلىكتى كۇرىشى رەسمي بازارعا سالىنىپ، ساتىلا باستادى.
بۋرىلتوعاي اۋدانى اردا اۋىلى فۋجياداۋ اۋىل شارۋاشىلىعىن اشۋ شەكتى سەرىكتەستىگىنىڭ مانەرلەۋ زاۆودىندا ماشينالار گۇرىلدەپ، كۇرىش داندەرى وڭدەلىپ، قات - قابات تەكسەرۋدەن ءوتىپ، سوڭىندا ءموپ -ءمولدىر كۇرىشكە اينالۋدا. ۋىسىنداعى جىلى كۇرىش تۇيىرىنە قاراپ، سەرىكتەستىكتىڭ جاۋاپتىسى ليۋ رۇڭبياۋدىڭ جۇزىنە كۇلكى ءۇيىرىلدى.
ەستۋگە قاراعاندا، جەرگىلىكتى كۇرىش رەسمي وڭدەلىپ ساتىلىپتى، قاريدارلار دا اتىن ەستىپ كەلىپ جاتىر. ليۋ رۇڭبياۋ كۇرىش ساتىپ العالى كەلگەن قاريدارلارعا كۇرىشتىڭ سورتىن، ءتۇسىن، ءدامىن تانىستىردى. قاريدارلار ليۋ رۇڭبياۋدىڭ تانىستىرۋىن ەستىگەن سوڭ، بۋرىلتوعايدىڭ جەرگىلىكتى كۇرىشىنە قىزىعىپ، تانىستىرۋدى ەستي ءجۇرىپ، كۇرىشتىڭ ەگىلۋ جاعدايىن ۇعىستى.
بيىل، بۋرىلتوعاي اۋدانى اردا اۋىلى ”جەر كولەمىن ورنىقتىرۋ، قۇرىلىمدى ساپالىلاندىرۋ، ساپانى جوعارىلاتۋ“ تالابىنا تاباندى بولىپ، كۇرىش ەگۋ وزەكتى ۇلگى رايونىن قۇردى ءارى قىسقىش، ۆيۋن بالىعى، بالىق قاتارلى سۋ ونىمدەرىن كىرىستىرە باعۋدى جولعا قويىپ، ءبىر سۋدى ەكى جاقتى پايدالانىپ،ءبىر جەردەن كوپ ءونىم الۋعا قول جەتكىزىپ، اردا اۋىلىنىڭ جاڭاشا اۋىل - قىستاق ەكونوميكاسىنىڭ دامۋىنا تاماشا نەگىز قالادى.
