شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا 11 - ايدىڭ 29 - كۇنى ۇرىمجىدەن حابارلايدى. 11 - ايدىڭ سوڭىندا شينجياڭ حايلاڭ عىلىم - تەحنيكا شەكتى سەرىكتەستىگىنىڭ باس ديرەكتورى ياڭ لى مەن ونىڭ ۇجىمى بۇرىنعىدان بەتەر قاربالاسقا ءتۇستى، چيديجىشيڭ (ءۇرىمجى) جەتىلدىرۋ بازاسىنىڭ دانەكەر بولۋىمەن سەرىكتەستىك سان - يا، چىڭدۋ سياقتى جەرلەردە بولىمشە قۇرىلىمدار اشپاق، بۇل وسى ينتەرنەت حاۋىپسىزدىگى جابدىقتارىن زەرتتەۋ - اشۋ، ءوندىرۋ جانە ساتۋ ءبىر تۇلعالانعان ينتەرنەت كاسىپورنىنىڭ جاڭا دامۋ كەزەڭىنە قادام تاستاعاندىعىن اڭعارتادى.
”13 - بەسجىلدىق“ مەزگىلىندە ءۇرىمجى قالاسى ءار ءتۇرلى كوپ بولىپ شارۋاشىلىق قۇرۋ، جالپى قاۋىم جاڭالىق اشۋ بويىنشا جەتىلدىرۋ دانەكەرلەرىن قۇرۋدى تۇتقا ەتىپ، جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكا كاسىپورىندارى جەتىلدىرۋ بازاسى، كوپ بولىپ شارۋاشىلىق قۇرۋ اياسى سياقتى كوپ بولىپ شارۋاشىلىق قۇرۋ، جالپى قاۋىم جاڭالىق اشۋ بويىنشا جەتىلدىرۋ دانەكەرىنەن 199ىن (مەملەكەت دارەجەلى 48) قۇرىپ، ”12 - بەسجىلدىقتىڭ“ سوڭىنداعىدان ％142 ارتتىردى. بيىل كوپ بولىپ شارۋاشىلىق قۇرۋ، جالپى قاۋىم جاڭالىق اشۋ بويىنشا جەتىلدىرۋ دانەكەرلەرىندە جەتىلدىرىلگەن كاسىپورىندار (جاڭالىق اشۋ ۇجىمدارى) 5048گە جەتىپ، شارۋاشىلىق قۇراتىن، جۇمىستاناتىن 24 مىڭنان استام ادامدى قابىلدادى.
”ءبىزدىڭ ۇجىمنىڭ كولەمى 4 ادامنان 20 نەشە ادامعا كوبەيدى، بيىل تاعى مەملەكەتتىك جوعارى، جاڭا تەحنيكالىق كاسىپورىن بولىپ تۇراقتاندى. ءبىزدىڭ ەسەيىپ، تولىسۋداعى ءاربىر قادامىمىزدى جەتىلدىرۋ بازاسىنىڭ كومەگىنەن بولە قاراۋعا بولمايدى“، - دەدى ياڭ لى.
حايلاڭ سەرىكتەستىگىنىڭ دامۋى جەتىلدىرۋ بازاسىنا كىرگەن كوپتەگەن كاسىپورىنداردىڭ تولىقسي جەتىلۋىنىڭ ءبىر ىقشام كورىنىسى. 5 جىل ىشىندە ءۇرىمجى بەيجيڭ، شاڭحاي، چۇڭچيڭ، شىنجىندارمەن بىرگە ”جىبەك جولى“ ءوڭىر اتتاعان سەلبەسىپ جاڭالىق اشۋ ورتالىعى (وزگە جەر، قاراستىلىقسىز جەتىلدىرۋ بازاسى) بىرلەستىگىن قۇرۋ ارقىلى ساياسات تىزبەگى، جاڭالىق اشۋ تىزبەگى، كاسىپ سالاسى تىزبەگى، دارىندىلار تىزبەگى، قارجى تىزبەگى، قىزمەت وتەۋ تىزبەگى سياقتى ”التى تىزبەك“ بىرلەسە ارەكەتتەنىپ، سايكەسە جاڭالىق اشا دامۋ ۇلگىسىن قۇلشىنا قۇرىپ، كاسىپورىنداردىڭ جاڭالىق اشا دامۋىنا تاماشا ورتا ازىرلەدى.
ۇعىسۋىمىزشا، سوڭعى جىلدارى ءۇرىمجى قالاسى ”حۇڭشان كوپ بولىپ شارۋاشىلىق قۇرۋ ءىس - قيمىل جوسپارىن“ اتقارۋدى جەدەل ىلگەرىلەتىپ، ءوزارا قاراستىلىقسىز، وزگە جەر جەتىلدىرۋ بازاسىن دانەكەر ەتىپ، ۇيىمدى بىرگە قۇرۋدى، دانەكەردى بىرگە قۇرۋدى، مەحانيزمدى بىرگە قۇرۋدى، كاسىپ سالاسىن بىرگە قۇرۋدى، تەحنيكامەن بىرگە قۇرۋدى، دارىندىلارمەن بىرگە قۇرۋدى جانە بازار ارقىلى بىرگە قۇرۋدى كۇشەيتىپ، ورتا، باتىس ازياعا بەتتەگەن سىرتپەن عىلىم - تەحنيكالىق سەلبەستىك جاساۋ جانە اشىق جاڭالىق اشىپ دامۋ تۇعىرىن تۇلعالاۋعا قۇلشىندى.
ءۇرىمجى قالالىق ”كوپ بولىپ شارۋاشىلىق قۇرۋ، جالپى قاۋىم جاڭالىق اشۋ“ كەڭسەسىنىڭ ورىنباسار مەڭگەرۋشىسى، قالالىق عىلىم - تەحنيكا ينفورماتسيالىق قىزمەت وتەۋ ورتالىعىنىڭ مەڭگەرۋشىسى اي جيباۋ مىنانى ءبىلدىردى: بۇدان كەيىن ءۇرىمجى قالاسى ۇكىمەتتى جەتەكشى، بازاردى باعدار، كاسىپورىندار مەن عىلمي زەرتتەۋ قۇرىلىمدارىن نەگىزگى تۇلعا، عىلمي زەرتتەۋ، جاڭالىق اشۋ دارىندىلارىن نەگىزگى كۇش، ءتۇزىمدى قامتاماسىزدىق ەتەتىن جاڭالىق اشۋ ەكولوگيالىق جۇيەسىن بەلسەنە قۇرىپ، عىلىم - تەحنيكالىق جاڭالىق اشۋ توبى مەن ءۇرىمجى تەحنيكا ايىرباس ورنىن (بازارىن) ۇيىمداستىرىپ، قۇرىپ، وڭىرلىك عىلىم - تەحنيكالىق جاڭالىق اشۋدىڭ، شارۋاشىلىق قۇرۋدىڭ، جاسامپازدىق جاراتۋدىڭ جاڭا بيىگىن قۇرادى.
