حى جياۋلۇڭ تۇلپار ءمىنىپ، قار بوراتا جۇيتكىپ، موڭعۇلكۇرە اۋدانىنىڭ ساياحاتىن ۇگىتتەدى. موڭعۇلكۇرە اۋداندىق نولدىك قاشىقتىق قامداعان
جۇڭگو اقپارات تورىنىڭ 11 - ايدىڭ 30 - كۇنى ىلەدەن بەرگەن حابارى (گوۋ جيپىڭ). جۋىقتا، شينجياڭ ىلە قازاق اۆتونوميالى وبلىسى موڭعۇلكۇرە اۋدانىنىڭ ورىنباسار اكىمى حى جياۋلۇڭنىڭ تۇلپار ءمىنىپ موڭعۇلكۇرە اۋدانىنىڭ ساياحاتىن ۇگىتتەگەن قىسقا كەسكىنى ينتەرنەت تۇعىرىندا كەڭ تارالىپ، سانسىز جانكۇيەردى وزىنە قاراتتى.
موڭعۇلكۇرە اۋدانى شينجياڭنىڭ باتىس سولتۇستىك بولەگىنە، ىلە اڭعارىنا ورنالاسقان، جايلاۋى كەڭ كوسىلىپ، ارعىماعى جەر قايسىتىرا جۇيىتكىپ، ”تۇلپار مەكەنى“ اتالعان.
”كوپشىلىك، سالەمەتسىزدەر مە، مەن قازىر شينجياڭ ىلە موڭعۇلكۇرە اۋدانى تۇلپار مادەنيەت باقشاسىندا تۇرمىن. ءار جىلى قىستا، قارمەن كومكەرىلگەن تۇلپار مادەنيەت باقشاسىندا تۇلپارلار قۇيعىتادى، ەلىمىزدىڭ جەر - جەرىندەگى دوستاردىڭ بۇل اراعا كەلىپ تاماشالاۋىن قارسى الامىز“. كەسكىندە حى جياۋلۇڭ قىزىل جامىلعى جامىلىپ، ىلە تۇلپارىنا ءمىنىپ، اق قارمەن كومكەرىلگەن دالاعا ەلىمىزدىڭ جەر - جەرىندەگى تور دوستاردى شاقىرۋدا.
حى جياۋلۇڭ (سولدان ءبىرىنشى) موڭعۇلكۇرە اۋدانىندا تىكە تاراتىلىم ارقىلى زات ساتۋدا. موڭعۇلكۇرە اۋداندىق نولدىك قاشىقتىعى قامداعان
موڭعۇلكۇرە اۋدانىنىڭ ساياحات بايلىق قاينارى مول. جۋىق جىلداردان بەرى، بۇل اۋدان قار بايلىعى جانە جىلقى بايلىعىن ”ماركا“ ەتىپ، ”قار - مۇز كورىنىسى، قار - مۇز دەنە تاربيەسىن، قار - مۇز قىزىقتارىن، قار - مۇز ۇلتتىق سالت-ساناسىن“ باستى تاقىرىپ ەتكەن، وزگەشە قىسقى ساياحات ماركاسىن ايگىلەپ، ”تولىق ۋاقىتتىق، تولىق ماۋسىمدىق، جالپى وڭىرلىك“ ساياحات جاڭا كاسىپ كۇيىن دامىتتى.
”موڭعۇلكۇرە اۋدانى ەگىن، مال شارۋاشىلىعىن نەگىز ەتكەن شاعىن اۋدان، بۇل جەردە كوپتەگەن مال شارۋاشىلىق وڭىرلەرى بار، جىلقى دا مال شارۋاشىلىق رايونىنىڭ قاتىناس قۇرالدارىنىڭ ءبىرى، تۇتاس اۋداندا جالپى 120 مىڭ تۇياق جىلقى بار بولىپ، ’جۇڭگو تۇلپار مەكەنى‘ دەپ اتالعان“. حى جياۋلۇڭ كەسكىننىڭ بۇنداي كەڭ كولەمدە تارالاتىنىن، موڭعۇلكۇرە اۋدانىنىڭ قىسقى ساياحاتىنا ويداعىداي ۇگىت جاساۋ رولىن اتقاراتىنىن ويلاماعانىن ايتتى. قازىر، موڭعۇلكۇرە اۋدانىنا كەلەتىن ساياحات ۇيىرمەسى 2021 - جىلدىڭ 1 - ايىنا دەيىن ءتىزىلدى.
