تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ الاقاتى شەتەلگە شىعارىلا باستادى

  شينحۋا اگەنتتىگىنىڭ 11 ـ ايدىڭ 27 ـ كۇنى ۇرىمجىدەن بەرگەن حابارى. (ٴتىلشى يۇي تاۋ) تيانشاننىڭ سولتۇستىك باۋرايىنداعى شينجياڭ جىڭ اۋدانىنداعى الاقات ەجەلدەن ايگىلى. قىستىڭ باس مەزگىلىندە، جەرگىلىكتى الاقاتتى مانەرلەۋ كاسىپورىندارىنىڭ قامباسى قىزىل ءتۇستى جەمىسكە تولىپ، بارلىق ۇلاسپالى جەلىلەردىڭ ٴوندىرىسىن جەدەلدەتتى. بۇگىنگى كۇندە، بۇل شەكاراداعى شاعىن اۋداننىڭ الاقات ونىمدەرى مەملەكەت بازارىنا شىعىپ قانا قالماستان، دۇنيەنىڭ جەر - جەرىنە دە ساتىلىپ، ەكسپورت ەتىلىپ، شەتەل اقشاسىن تابۋدى جۇزەگە اسىردى.

  شينجياڭنىڭ سولتۇستىك شەكاراسىنداعى جىڭ اۋدانىندا تاۋلى ٴءوڭىر مەن وزەن كوپ بولىپ، الاقاتتىڭ وسۋىنە ۇيلەسىمدى. بىرنەشە جىلدىڭ الدىندا، سول ورىنداعى ديقان وتباسىلارى ”جەكە كۇرەسىپ“ الاقاتتى بىتىراندى ەككەندىكتەن، كاسىپ سالالانۋ دارەجەسى تومەن بولىپ، جەمىس وسىرۋشىلەردىڭ پايدا تابۋ ۇلگىسى ۇزاق ۋاقىت بويى كەپتىرىلگەن جەمىس ساتۋ ساتىسىندا تۇرىپ قالعان ەدى.

  جەرگىلىكتى الاقاتتىڭ باسەكەلىك قۋاتىن جوعارىلاتۋ ٴۇشىن، جىڭ اۋدانى الاقاتتى جىنتىكتەي مانەرلەيتىن 10 نەشە كاسىپورىندى ىرىقتىلىقپەن ەنگىزىپ، ٴتۇرلى جەلىدە ساتۋ تەكشەسىنەن 200دەن استامىن سۇيەمەلدەدى، سونداي - اق الاقات سىراسى، اۋەلگى شىرىن، اشىتقى، كاپسۋلا قاتارلى 20 نەشە ءتۇرلى ٴونىم ٴوندىردى.

  جىڭ اۋدانى چيرۇي بيو عىلىم - تەحنيكا شەكتى جاۋاپكەرشىلىك سەرىكتەستىگىنىڭ باس ديرەكتورى جاڭ بين بىلاي دەدى: بىرنەشە جىل قۇلشىنۋ ارقىلى سەرىكتەستىك الاقات شىرىنى، الاقات سىراسى سياقتى سۋسىنداردى جانە جەلىلەس بۇيىمداردى زەرتتەپ جاساپ، الاقاتتىڭ قوسىمشا قۇنىن ۇزدىكسىز جوعارىلاتتى.

  ٴونىم ساپاسىنا كەپىلدىك ەتىلسە بولعانى، مەملەكەت قاقپاسىنان شىعۋ ەندىگى ارمان بولۋدان قالدى.

  سوڭعى جىلدارى، جىڭ اۋدانىنىڭ الاقات ونىمدەرىنىڭ ەكسپورت ەتىلۋ مولشەرى ۇزدىكسىز ارتتى. جىڭ اۋداندىق اۋىل شارۋاشىلىق تاراۋلارىنىڭ ساناعىنا قاراعاندا، بيىل جىل باسىنان بەرى، اۋدان بويىنشا الاقات كەپتىرىلگەن جەمىسى جانە ونىڭ ونىمدەرىن ەكسپورت ەتۋ مولشەرى 4500 تونناعا تاياعان، ونىمدەرى امەريكا، كانادا، سينگاپۋر، جاپونيا قاتارلى 20 نەشە مەملەكەت پەن رايونعا ساتىلىپ، تاپقان شەتەل اقشاسى 14 ميلليون 772 مىڭ 200 دوللارعا جەتكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى