شينجياڭ گازەتىنىڭ جالپىلىق اقپارات قۇرالدارى تىلشىلەرى لياڭ ليحۋا، جىن شىشين، دوۋ شيڭجۇن شاۋەشەكتەن حابارلايدى. ءتىلشىنىڭ تارباعاتاي ايماقتىق دامۋ جانە رەفورما كوميتەتىنەن ۇعىسۋىنشا، قازىرگە دەيىن بيىل تارباعاتاي ايماعىنىڭ ەلەكتر تاراتۋ مولشەرى 7 ميلليارد 440 ميلليون كيلوۆات - ساعات بولعان، مۇنىڭ ىشىندە قايتا تۋىندايتىن ەنەرگيا ارقىلى ەلەكتر تاراتۋ مولشەرى 2 ميلليارد 460 ميلليون كيلوۆات - ساعات بولىپ، بۇكىل ايماقتىڭ ەلەكتر تاراتۋ مولشەرىنىڭ ％30تەن استامى قايتا تۋىندايتىن تازا ەنەرگيادان كەلگەن.
تارباعاتاي ايماعى ”تۇنىق سۋ، جاسىل تاۋ − باعالى بايلىق“ سىندى دامۋ ۇستانىمىن بەلسەندىلىكپەن امالياتتا ايگىلەپ، قايتا تۋىندايتىن ەنەرگيانى اشۋدى بار كۇشپەن ىلگەرىلەتىپ، تازا ەنەرگيا ارقىلى جىلۋمەن قامداۋ تەبىنىن ۇزدىكسىز ارتتىرىپ، جاسىل، تومەن كومىرتەكتى دامۋدى ورنىقتى ىلگەرىلەتتى.
”ەلەكترمەن جىلۋ بەرۋ كومىر جاعۋدىڭ ورنىن باسقاننان كەيىن ءۇيدىڭ ءىشى تازا دا جىلى بولدى، اۋا جاقساردى، اسپان دا اناعۇرلىم اشىق بولدى“. 11 - ايدىڭ 19 - كۇنى شاۋەشەك قالاسى جىڭتاي شينزو شاعىن اۋماعىنىڭ تۇرعىنى لي جيڭحۋا قۋانىشپەن وسىلاي دەدى.
لي جيڭحۋا تۇرمىس كەشىرەتىن شاعىن اۋماقتا قاتتى كۇيدەگى ەلەكترمەن جىلۋ ساقتاۋ تەحنيكاسى ارقىلى تازا ەنەرگيالى جىلۋمەن قامداۋ جۇزەگە اسىرىلدى، بۇل جابدىق ءىرى ساندى مالىمەت، اۋا رايىنان الدىن الا مالىمەت سياقتى ينفورماتسيالار ارقىلى قاتتى كۇيدەگى جىلۋ ساقتايتىن ەلەكتر پار قازاندى مەڭگەرۋ جابدىقتارىنىڭ اۋماقتارعا ءبولىپ، ۋاقىتقا ءبولىپ، قاجەتكە ءبولىپ جىلۋمەن قامداپ، ەڭ جوعارى شەكتە ەنەرگيا ۇنەمدەۋى.
بيىل تارباعاتاي ايماعىندا جالپى جىلۋ بەرىلگەن قۇرىلىس اۋدانى 39 ميلليون 750 مىڭ شارشى مەتر، مۇنىڭ ىشىندە تازا ەنەرگيامەن جىلىتىلعان جالپى اۋدان 27 ميلليون 700 مىڭ شارشى مەتر بولىپ، تازا ەنەرگيامەن جىلىتۋ مولشەرى ％69.7كە جەتىپ، سايكەس مەزگىلدەگىدەن ％22 جوعارىلاعان. تازا ەنەرگيامەن جىلىتۋ بارىسىندا ەلەكتر ارقىلى جىلۋمەن قامدالۋ اۋدانى 4 ميلليون 550 مىڭ شارشى مەتر بولىپ، سايكەس مەزگىلدەگىدەن ％163 مولايعان.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە جاسىل، تومەن كومىرتەكتى دامۋدى جەدەل ىلگەرىلەتۋ كەرەكتىگى العا قويىلدى. ”جاسىل جىلۋمەن قامداۋ ۇلگىسى تارباعاتاي ايماعىنىڭ ەكولوگيالىق ورتانى قورعاۋىندا تانىمنان امالياتقا دەيىن ماڭىزدى بۇرىلىس تۋىلعاندىعىن كورسەتەدى“. تارباعاتاي ايماقتىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى حاۋ حاۋحۇڭ بىلاي دەدى: بۇدان كەيىن تارباعاتاي ايماعى جاسىل دامۋ ۇستانىمىن بەلسەندىلىكپەن امالياتتا ايگىلەپ، ”جەل، كۇن نۇرى“ بايلىق باسىمدىعىن ساۋلەلەندىرىپ، تازا ەنەرگيا كاسىبى سالاسىنىڭ ورنالاسۋىن بار كۇشپەن ىلگەرىلەتىپ، جەل ەلەكتر، فوتوۆولت، ەنەرگيا ساقتاۋ سياقتى وسى زامانعى ەنەرگيا، حيميا ونەركاسىبى كاسىپ سالاسى تىزبەگىن قالىپتاستىرىپ، جاسىل، تومەن كومىرتەكتى دامۋدى جەدەل ىلگەرىلەتەدى.
